ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້

ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້ - 040604 2021 - ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້
ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້ - AGL banner - ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້
  1. ດື່ມນ້ຳໃຫ້ພຽງພໍ : ນ້ຳດື່ມບໍລິສຸດເປັນສ່ວນສຳຄັນຂອງຮ່າງກາຍ ເພາະຊ່ວຍເພີ່ມອົກຊີແຊນໃຫ້ແກ່ເລືອດ ແລະ ສະໝອງ ທັງຍັງມີສ່ວນຊ່ວຍໃນເລື່ອງຂອງຂະບວນການຄິດ, ການຈື່ຈຳ ແລະ ການຮຽນຮູ້ໄດ້ຢ່າງມີປະສິດທິພາບຫລາຍຍິ່ງຂຶ້ນ. ໃນຂະນະທີ່ການດື່ມນ້ຳບໍ່ພຽງພໍຕໍ່ຄວາມຕ້ອງການຂອງຮ່າງກາຍ ຈະສົ່ງຜົນຮ້າຍເຮັດໃຫ້ສະໝອງມີອາການເຊື່ອງຊ້າ, ເກີດອາການເຈັບຫົວ ແລະ ປວດເບົ້າຕາຢ່າງຫລີກເວັ້ນບໍ່ໄດ້.
  2. ຢຸດເຮັດວຽກຈັກໄລຍະ : ເມື່ອຄິດວຽກບໍ່ອອກ ການຝືນເຮັດຕໍ່ກໍອາດເຮັດໃຫ້ຜົນຂອງວຽກອອກມາບໍ່ດີເທົ່າທີ່ຄວນ ດັ່ງ ນັ້ນການຢຸດເຮັດວຽກຈັກໄລຍະ ຈະຊ່ວຍຫລຸດຄວາມກົດດັນລົງໄດ້ ຖືເປັນອີກໜຶ່ງວິທີທີ່ເຮັດໃຫ້ສະໝອງໄດ້ຢຸດພັກແດ່.
  3. ໃຫ້ຮ່າງກາຍສຳຜັດສາຍລົມ ແລະ ແສງແດດ : ເມື່ອສະໝອງບໍ່ແລ່ນ, ຄິດຫຍັງກໍຄິດບໍ່ອອກ ແນະນຳໃຫ້ຍ່າງອອກມາ ຈາກໂຕະເຮັດວຽກ ແລ້ວອອກໄປສຳຜັດກັບສາຍລົມ ແລະ ແສງແສງຈັກໄລຍະໜຶ່ງ ວິທີນີ້ຄືກັບການຟື້ນຟູຕົນເອງໃຫ້ ພ້ອມກັບມາເລີ່ມວຽກອີກຄັ້ງ.
  4. ພັກຟັງສິ່ງທີ່ມັກ : ການຢຸດຟັງສິ່ງທີ່ມັກ ບໍ່ວ່າຈະເປັນເພງ ຫລື ສາລະຄະດີທີ່ໜ້າສົນໃຈໃນໄລຍະທີ່ຄິດວຽກບໍ່ອອກ ຈະ ເປັນການສ້າງສະມາທິໃຫ້ຕົນເອງມີຄວາມພ້ອມໃນການເຮັດວຽກໄດ້ອີກຄັ້ງ.
  5. ອ່ານບົດຄວາມທີ່ໜ້າສົນໃຈ : ການເລືອກອ່ານບົດຄວາມທີ່ໜ້າສົນໃຈ ຊ່ວຍໃຫ້ເຮົາສາມາດພັກການຄິດວຽກໄດ້ດີ ຢ່າງ ໜ້ອຍໆບົດຄວາມທີ່ອ່ານອາດຈະສ້າງພະລັງບວກ ຫລື ແນວຄິດດີໆຕາມມາ ຈົນສາມາດນຳມາປັບໃຊ້ກັບການເຮັດວຽກ ໄດ້ເປັນຢ່າງດີ.
  6. ລຽງລຳດັບສິ່ງທີ່ຕ້ອງເຮັດ : ການຈັດລຽງລຳດັບຄວາມສຳຄັນຂອງສິ່ງທີ່ຕ້ອງເຮັດໃນແຕ່ລະມື້ ຊ່ວຍໃຫ້ມີສະຕິກັບການ ເຮັດວຽກຫລາຍຂຶ້ນ ເພາະການຈັດລະບຽບຊີວິດໃນແຕ່ລະມື້ຢ່າງຈະແຈ້ງ ມີສ່ວນຊ່ວຍຜ່ອນຄາຍຄວາມກັງວົນໃນລະ ຫວ່າງເຮັດວຽກກັບສິ່ງທີ່ຕ້ອງເຮັດໃນແຕ່ລະມື້ໄດ້ດີ.
  7. ແຕ່ງແຕ້ມລະບາຍສີເອີ້ນສະມາທິ : ການແຕ້ມຮູບ – ລະບາຍສີ ຫລື ຂີດໆຂຽນໆຕາມໃຈມັກລົງໃສ່ເຈ້ຍ ເປັນໜຶ່ງໃນວິທີ ທີ່ຊ່ວຍໃຫ້ເຮົາສາມາດເອີ້ນສະມາທິຂອງຕົນເອງໃນການເຮັດວຽກໄດ້ດີ ຢ່າງໜ້ອຍໆວິທີນີ້ກໍເປັນການລະບາຍຄວາມ ເຄັ່ງຄຽດລົງໃສ່ເຈ້ຍ ເຮັດໃຫ້ສາມາດຈົດຈໍ່ກັບການເຮັດວຽກໄດ້ຫລາຍຂຶ້ນ.
  8. ອອກໄປພົບພໍ້ສັງຄົມໃໝ່ໆ : ການອອກໄປພົບພໍ້ສັງຄົມໃໝ່ໆ ບໍ່ຈຳເປັນຕ້ອງໃຊ້ການເດີນທາງໄລຍະໄກສະເໝີໄປ ເພາະ ພຽງແຕ່ການຍ່າງໄປລົມກັບເພື່ອນຮ່ວມງານທີ່ອາດຈະຢູ່ຄົນລະພະແນກ ກໍຊ່ວຍໃຫ້ສາມາດກະຕຸ້ນໄອເດຍໃນການເຮັດ ວຽກໄດ້ຄືກັນ.
  9. ອອກກຳລັງກາຍ : ແນ່ນອນວ່າການອອກກຳລັງກາຍມີສ່ວນຊ່ວຍໃນການໄຫລວຽນຂອງເລືອດໃຫ້ເຮັດວຽກໄດ້ດີ ແລະ ສາມາດໄປລ້ຽງສະໝອງໄດ້ດີຍິ່ງຂຶ້ນ ສົ່ງຜົນໃຫ້ຮ່າງກາຍຮູ້ສຶກສົດຊື່ນຫ້າວຫັນມີພະລັງງານຫລາຍພໍໃນການເຮັດວຽກ ໃນແຕ່ລະມື້.
  10. ນອນຫລັບພັກຜ່ອນໃຫ້ພຽງພໍ : ການນອນຫລັບພັກຜ່ອນໃຫ້ພຽງພໍກໍມີຄວາມສຳຄັນບໍ່ໜ້ອຍໄປຈາກການອອກກຳລັງ ກາຍ ເພາະເມື່ອຮ່າງກາຍນອນຫລັບເຕັມອີ່ມ ຍ່ອມເຮັດໃຫ້ສະໝອງຫລີກຫ່າງໄປຈາກອາການອ່ອນເພຍໄດ້ ຢ່າລືມວ່າ ການພັກຜ່ອນບໍ່ພຽງພໍ ສົ່ງຜົນໃຫ້ປະສິດທິພາບໃນການເຮັດວຽກຫລຸດລົງຢ່າງປະຕິເສດບໍ່ໄດ້.
ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້ - Wave100S AD to Website 2020 0 - ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້
ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້ - lattana banner 1 - ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້
ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້ - lattana banner - ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້
ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້ -    AD conten website - ແກ້ບັນຫາຄິດວຽກບໍ່ອອກ ຫົວບໍ່ແລ່ນ ດ້ວຍ 10 ວິທີງ່າຍໆທີ່ເຫັນຜົນໄດ້ແທ້
error: Alert: ເນື້ອຫາຂ່າວມີລິຂະສິດ !!