ບໍລິຫານຈັດການດີ ຜົນໄດ້ຮັບມັນກໍດີ

ບໍລິຫານຈັດການດີ ຜົນໄດ້ຮັບມັນກໍດີ - 192761694 2813612568949286 8410307232643152169 n - ບໍລິຫານຈັດການດີ ຜົນໄດ້ຮັບມັນກໍດີ
ບໍລິຫານຈັດການດີ ຜົນໄດ້ຮັບມັນກໍດີ - AGL banner - ບໍລິຫານຈັດການດີ ຜົນໄດ້ຮັບມັນກໍດີ

ໂດຍ: ທິດກ່ຳ
ເມື່ອເອີ່ຍເຖິງຫົວຂໍ້ຂ້າງເທິງນີ້ແລ້ວ ທິດກ່ຳ ຍັງຄິດເຫັນຄຳເວົ້າຂອງທ່ານນາຍົກລັດຖະມົນຕີ ພັນຄຳ ວິພາວັນ ໃນໂອກາດເປີດກອງປະຊຸມຄັ້ງປະຖົມມະເລີກຂອງສະພາແຫ່ງຊາດ ຊຸດທີ IX ຕໍ່ແຜນພັດທະນາເສດຖະກິດ-ສັງຄົມ 5 ປີແຫ່ງລັດ (2021-2025) ທັງແກ້ຄຳຕອບຊັກຖາມຂອງຜູ້ແທນສະພາວ່າ: “ຖ້າຍັງພາກັນຄິດແບບເກົ່າ, ການກະທຳກໍອັນເກົ່າ ແລະ ຜົນທີ່ໄດ້ຮັບອອກມາກໍຄືເກົ່າ”.

ໃນຄໍລຳບົດນີ້ ທິດກ່ຳ ຢາກຂໍຍົກເອົາເຫດການທີ່ໄດ້ປະສົບພົບພໍ້ໃນໂອກາດໄປຮັບຢາວັກຊີນໃນອາທິດທີ່ຜ່ານມາ ຄືໃນວັນທີ 15 ມິຖຸນາ 2021 ເຮົາເອງໄດ້ໄປເຫັນສະພາບຄົນໄປຮັບບໍລິການສັກຢາວັກຊີນຢູ່ໂຮງໝໍເມືອງໄຊເຊດຖາມາເລົ່າ ເພື່ອເປັນບົດຮຽນພ້ອມພາກັນຄິດ ແລະ ສູ່ກັນຟັງພໍເປັນວິທະຍາທານໃນການບໍລິຫານຈັດການໃນຂັ້ນຕໍ່ໆໄປ.

ທິດກ່ຳ ໄປມື້ທຳອິດຄືໃນວັນທີ 15 ມິຖຸນາ ແມ່ນບໍ່ໄດ້ສັກ ຍ້ອນຄົນທັງຫລາຍໄດ້ພາກັນຫລັ່ງໄຫລໄປສັກຢາວັກຊີນຢ່າງຫລວງຫລາຍຈົນຍັດແຍ່ອັ່ງອໍກັນປານປາງບຸນທາດຫລວງ. ເມື່ອເຫັນສະພາບເປັນຄືແນວນັ້ນແທນທີ່ຈະພາກັນມາສັກຢາວັກຊີນເພື່ອຕ້ານເຊື້ອພະຍາດໂຄວິດ-19 ອາດກາຍເປັນການມານຳເອົາເຊື້ອໄປຕິດໃສ່ກັນຕື່ມ ເພາະຄົນມັນຍັດແຍ່ ບຽດສີກັນອຶກກະທຶກຄຶກໂຄມ ເຫດທີ່ພາໃຫ້ເປັນກໍແມ່ນພາກັນໄປຍາດເອົາແບບຟອມລົງທະບຽນເຂົ້າຄິວສັກຢາ.

ຖ້າຜູ້ໃດບໍ່ໄດ້ແບບຟອມໂຕນັ້ນໄປຂຶ້ນບັນຊີກັບນາຍບ້ານແມ່ນຈະບໍ່ໄດ້ຮັບການພິຈາລະນາ ວ່າຊັ້ນ ! ເພາະສະນັ້ນຈຶ່ງເຮັດໃຫ້ອຶກກະທຶກບໍ່ມີລະບຽບ, ເວົ້າເລື່ອງຄວາມຫ່າງແມ່ນບໍ່ຕ້ອງກ່າວເຖິງ. ມີຜູ້ຍິງທ່ານໜຶ່ງອາຍຸກາງຄົນໄດ້ຈົ່ມສູ່ ທິດກ່ຳ ຟັງວ່າ: ຂ້ອຍມາຮອດທີ່ນີ້ແຕ່ 8:00 ໂມງເຊົ້າ ຈົນມາຮອດ 14:00 ໂມງແລງ ກໍຍັງບໍ່ໄປບໍ່ມາ ຈັກວ່າເພິ່ນເຮັດແນວໃດ, ເບິ່ງຄົນກໍຍັດແຍ່ກັນປານປາງບຸນທາດຫລວງ. ຢູ່ມາບໍ່ພໍຄາວກໍໄດ້ຍິນສຽງປະກາດໃສ່ຕູ້ລຳໂພງສຽງດັງພໍແອັບໆວ່າ: ມື້ນີ້ຂໍໃຫ້ທຸກຄົນກັບບ້ານກ່ອນ ມື້ໜ້າໃຫ້ມາຕາມການນັດໝາຍທີ່ໄດ້ແຈ້ງໃຫ້ແຕ່ລະບ້ານ. ຈາກນັ້ນທຸກຄົນກໍພາກັນກັບ ພ້ອມກັບສຽງຈົ່ມຈາກຄົນທັງຫລາຍວ່າ: ເສຍເວລາມາຖ້າແຕ່ເຊົ້າຈົນຄ່ຳ ເຊິ່ງເວລານັ້ນແມ່ນ 15:00 ໂມງແລງກວ່າໆແລ້ວ. ນີ້ຄືສະພາບທີ່ໄດ້ປະສົບພົບພໍ້ໃນມື້ທຳອິດ.

ບໍລິຫານຈັດການດີ ຜົນໄດ້ຮັບມັນກໍດີ - Wave100S AD to Website 2020 0 - ບໍລິຫານຈັດການດີ ຜົນໄດ້ຮັບມັນກໍດີ

ສ່ວນມື້ທີ່ສອງຄັ້ງທີ່ສອງຕໍ່ມາຄື ໃນວັນທີ 17 ມິຖຸນາ 2021 ເຖິງວ່າມີຄົນຫລາຍແດ່ ແຕ່ກໍເຫັນວ່າເພິ່ນຈັດສັນຄວາມເປັນລະບຽບຮຽບຮ້ອຍ, ລົດລາງພາຫະນະກໍບໍ່ຕິດ ເພາະມີຕຳຫລວດຈະລາຈອນເປັນເຈົ້າການຈັດສັນ ແລະ ແກ້ໄຂລະບາຍໃຫ້ໄປມາໂລ່ງລ່ຽນ. ຢູ່ໃນບໍລິເວນເດີ່ນຂອງໂຮງໝໍກໍມີຕຳຫລວດຄອຍຕິດຕາມເຝົ້ຍາມກຳກັບຈັດສັນ ຜູ້ໃດມາບໍ່ຖືກຕາມນັດໝາຍກໍໃຫ້ກັບ. ຄວາມເປັນລະບຽບຮຽບຮ້ອຍກໍຈົບງາມເປັນຢ່າງດີ.

ສ່ວນຢູ່ໃນຫ້ອງບໍລິການສັກຢາກໍມີຊາວໜຸ່ມນຸ່ງເຄື່ອງແບບຄ່ອຍຈັດສັນຊ່ວຍເຫລືອແພດໝໍຕໍ່ຜູ້ອາຍຸສູງຊ່ວຍເຫລືອໃຫ້ເພິ່ນໄດ້ເຂົ້າອອກຢ່າງສະດວກສະບາຍ ການບໍລິການສັກຢາໃຫ້ປະຊາຊົນມັນກໍພາກັນເຂົ້າແຖວລຽນຄິວ ສະດວກສະບາຍໂລ່ງລ່ຽນ ແລະ ສຳເລັດໄປຕາມຄາດເປົ້າໝາຍ ຈົນທຸກຄົນອອກປາກວ່າ: ເຮັດບໍລິການດີໆແບບນີ້ເປັນຫຍັງບໍ່ພາກັນເຮັດແຕ່ມື້ທຳອິດ. ອັນນີ້ລະເຂົາເອີ້ນວ່າ: ບໍລິຫານຈັດການດີ ຜົນອອກມາມັນກໍດີ.

ບໍລິຫານຈັດການດີ ຜົນໄດ້ຮັບມັນກໍດີ - lattana banner - ບໍລິຫານຈັດການດີ ຜົນໄດ້ຮັບມັນກໍດີ
ບໍລິຫານຈັດການດີ ຜົນໄດ້ຮັບມັນກໍດີ - lattana banner 1 - ບໍລິຫານຈັດການດີ ຜົນໄດ້ຮັບມັນກໍດີ
ບໍລິຫານຈັດການດີ ຜົນໄດ້ຮັບມັນກໍດີ -    AD conten website - ບໍລິຫານຈັດການດີ ຜົນໄດ້ຮັບມັນກໍດີ
error: Alert: ເນື້ອຫາຂ່າວມີລິຂະສິດ !!