ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ

ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ - 199256051 3909246585863870 3037227979193411174 n - ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ
ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ - AGL banner - ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ

ໂດຍ: ບົດທິດກ່ຳ
ປັດຈຸບັນ ຂະບວນການ ແລະ ບັນຍາກາດໃນການໄປຮັບຢາວັກຊີນໃນທົ່ວປະເທດພວມດຳເນີນໄປຢ່າງເປັນຂະບວນກວ້າງຂວາງ ແລະ ຟົດຟື້ນ. ຕາມສະຖິຕິ ມາຮອດເດືອນມິຖຸນາໄດ້ມີຈຳນວນພົນລະເມືອງເຂົ້າເຖິງຢາວັກຊີນແລ້ວທັງ 4 ຊະນິດຄື: ຊີໂນຟາມ, ເອສຕຣາເຊເນກາ. ສະປຸດນິກ-V ແລະ ໄຟເຊີ ແລະ ເມື່ອວັນທີ 16 ກໍລະກົດ ຜ່ານມານີ້ ສປປ ລາວໄດ້ຮັບວັກຊີນ ຈອນສັນແອນຈອນສັນຕື່ມອີກ 1.008.000 ໂດສ ສະຖຸຕິວັນທີ 16 ກໍລະກົດ ສັກເຂັມ 1 ໄປແລ້ວ 1. 38.254ລ້ານຄົນ, ສ່ວນເຂັມ 2 ແມ່ນ 60.727 ຄົນແລ້ວ. ຄາດກະວ່າໝົດປີ 2021 ນີ້ຢ່າງໜ້ອຍຕ້ອງໃຫ້ໄດ້ຖິງ 3 ລ້ານ 7 ແສນຄົນ ຫລື 50% ຂອງຈຳນວນປະຊາກອນ ແຕ່ ຫລາຍກວ່ານັ້ນກໍຍິ່ງເປັນການດີ. ໃນຂະບວນການຂອງມວນຊົນທີ່ໄປສັກຢາວັກຊີນທີ່ພົ້ນເດັ່ນກວ່າແຂວງອື່ນໆ ກໍແມ່ນຢູ່ນະຄອນຫລວງວຽງຈັນ ເຊິ່ງມາຮອດໄລຍະນີ້ຂະບວນການ ແລະ ບັນຍາກາດການໄປຮັບວັກຊີນຂອງຊາວນະຄອນຫລວງວຽງຈັນຍັງດຳເນີນໄປຈົນກວ່າຄົບກຳນົດແຕ່ລະເຂັມຈຶ່ງຈະເບົາບາງລົງໄປຕາມການເວລາ.

ແນວໃດກໍດີ, ໃນເມື່ອພົນລະເມືອງລາວທຸກຄົນ ຫລື ສ່ວນຫລວງຫລາຍຫາກພາກັນເຂົ້າເຖິງຢາວັກຊີນໃນລະດັບ 60 ຫາ 70 ຫລື 100% ແລ້ວ ປະເທດເຮົາກໍຈະມີເງື່ອນໄຂຫລາຍຢ່າງໃນການດຳລົງຊີວິດ ເປັນຕົ້ນຈະໄດ້ພ້ອມກັນຟື້ນຟູເສດຖະກິດ-ສັງຄົມຂອງປະເທດໂດຍໄວ ໂດຍສະເພາະແມ່ນການຜັນຂະຫຍາຍມະຕິຄັ້ງທີ XI ຂອງພັກ. ຈະໄດ້ເຫັນເຫດການ ແລະ ບັນດາປັດໄຈໃໝ່ໆເກີດຂຶ້ນໃນປະເທດເຮົາ ເປັນຕົ້ນຂົງເຂດການຜະລິດ, ທຸລະກິດ ແລະ ການບໍລິການຕ່າງໆ ກໍຈະກັບຫວນຄືນມາມີບັນຍາກາດຄຶກຄັກ, ການທ່ອງທ່ຽວໄປມາທີ່ເປັນຍອດປາຖະໜາຂອງຄົນໃນຊາດກໍຈະຫວນຄືນມາແຈ່ມໃສໄດ້ເໝືອນເດີມ. ນອກຈາກນັ້ນ ປະຊາຊົນບັນດາເຜົ່າກໍຈະຍຸທ່າງສ້າງສາ, ທຳມາຫາກິນ, ທຳການຜະລິດ ຊີວິດການເປັນຢູ່ກໍຈະນັບມື້ດີຂຶ້ນຢ່າງບໍ່ຢຸດຢັ້ງ. ນີ້ຄືຍອດປາຖະໜາ ແລະ ຄວາມຫວັງຂອງພັກ ແລະ ລັດຖະບານເຮົາ ກໍຄືປວງຊົນລາວທັງຊາດ.

ຕາມທິດກໍ່າວ່າ, ຖ້າຫາກພົນລະເມືອງລາວສ່ວນໃຫຍ່ຫາກໄດ້ເຂົ້າເຖິງຢາວັກຊີນຕ້ານໂຄວິດແລ້ວ, ທຸກຄົນກໍຈະສະບາຍໃຈບໍ່ເປັນຫ່ວງໃນການໄປມາ, ການຜ່ອນຜັນກໍຍິ່ງມີນະໂຍບາຍສູງ ແລະ ອີກບໍພໍເທົ່າໃດເດືອນ ທາງລົດໄຟຄວາມໄວສູງກໍຈະໄດ້ເປີດບໍລິການໃນວັນທີ 2 ທັນວາ ແລະ ບັນດາໂຄງການ, ກິດຈະການອື່ນໆກໍຈະທະຍ່ອຍກັນສຳເລັດໄປເທື່ອລະຂັ້ນ, ເສດຖະກິດຂອງບ້ານເມືອງກໍຈະຄ່ອຍກ້າວຂຶ້ນຕາມຄວາມມຸ້ງຫວັງ, ອະນາຄົດຂອງປະເທດຊາດກໍນັບມື້ມີຄວາມສະຫງົບສຸກ ແລະ ຮຸ່ງເຮືອງໄປຕາມຍຸກຕາມສະໄໝ.

ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ - Wave100S AD to Website 2020 0 - ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ

ເພາະສະນັ້ນ ຈຶ່ງຮຽກຮ້ອງໃຫ້ທຸກຄົນ, ປະຊາຊົນບັນດາເຜົ່າທຸກທ່ານຈົ່ງພາກັນຂ້ຽວໄປສັກຢາວັກຊີນໃຫ້ຄົບຖ້ວນຕາມການນັດໝາຍຂອງແພດໝໍ ເພາະບັດຂຽວທີ່ທ່ານໄດ້ຮັບວັກຊິນັ້ນລະຈະພາທ່ານມີຄວາມສຸກໃນອະນາຄົດ, ມັນແມ່ນຄວາມຫວັງ ແລະ ຜົນສຳເລັດອັນຍິ່ງໃຫຍ່ແຫ່ງການນຳພາຂອງພັກ ແລະ ລັດຖະບານໃນການຕ້ານສົງຄາມໂຄວິດ-19 ແລະ ທັງແມ່ນຄວາມຫວັງຂອງທຸກຄົນໃນຊາດ.

ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ - lattana banner - ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ
ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ -    AD conten website - ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ
ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ - lattana banner 1 - ການເຂົ້າເຖິງວັກຊີນແມ່ນຄວາມຫວັງຂອງທຸກຄົນໃນຊາດ
error: Alert: ເນື້ອຫາຂ່າວມີລິຂະສິດ !!