ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ

ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ - 040804 2021 - ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ
ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ - AGL banner - ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ

ຫລັງຈາກອາບນ້ຳໃຫ້ລູກແລ້ວ ບັນດາແມ່ສ່ວນຫລາຍມັກເອົາສຳລີກ້ານມາເຂ່ຍ ຫລື ເຊັດເຮັດຄວາມສະອາດຫູໃຫ້ລູກ, ແຕ່ຄວາມຈິງແລ້ວທ່ານບໍ່ຈຳເປັນຕ້ອງເຮັດແບບນັ້ນເລີຍ ເພາະຂີ້ຫູທີ່ຜະລິດອອກມາຂອງເດັກນ້ອຍເກີດໃໝ່ບໍ່ໄດ້ຫລວງຫລາຍ ຈົນເຮັດໃຫ້ຫູເປິເປື້ອນໄດ້ ແລະ ຄວາມຈິງແລ້ວຂີ້ຫູມີປະໂຫຍດຫລາຍກ່ວາທີ່ທ່ານຮູ້.

ຂີ້ຫູ ເປັນສານຫລໍ່ລື້ນທີ່ຜະລິດຂຶ້ນມາເພື່ອຊ່ວຍເຄືອບ ແລະ ຫລໍ່ລື້ນຮູຫູ, ສານຂຸ້ນໜຽວນີ້ມີໄວ້ຈອບດັກຈັບຂີ້ຝຸ່ນ, ສິ່ງເປິເປື້ອນ ແລະ ເຊື້ອພະຍາດທີ່ຈະເຂົ້າໄປໃນຫູໄດ້ ແລະ ຍັງຊ່ວຍບໍ່ໃຫ້ຫູແຫ້ງຈົນເກີດອາການຕິດເຊື້ອບາງຊະນິດໄດ້.

ຄວາມຈິງແລ້ວສຳລີກ້ານ ບໍ່ຈຳເປັນຕ້ອງເອົາມາເຮັດຄວາມສະອາດຫູຂອງລູກ ເພາະຂີ້ຫູຂອງເດັກນ້ອຍນັ້ນຈະອອກມາເອງ ຕາມທຳມະຊາດເມື່ອມີການອາບນ້ຳ ຫລື ມີຂີ້ຫູສະສົມກັນເປັນກ້ອນໆ. ດັ່ງນັ້ນ ເຮົາບໍ່ຈຳເປັນຕ້ອງໃຊ້ສຳລີກ້ານເພື່ອເຮັດຄວາມ ສະອາດຫູໃຫ້ລູກໃນພາກສ່ວນນີ້ ເພາະນອກຈາກຈະບໍ່ຈຳເປັນຕ້ອງເຮັດຄວາມສະອາດແລ້ວ ການນຳເອົາສຳລີກ້ານຍັດເຂົ້າໄປໃນ ຮູຫູ ຍັງອາດເຮັດໃຫ້ເກີດອັນຕະລາຍຕໍ່ຫູຂອງລູກໄດ້ ເພາະເມື່ອຫູຂອງລູກສະອາດ ສິ່ງຈອບຈັບຂີ້ຝຸ່ນ ແລະ ເຊື້ອພະຍາດກໍບໍ່ມີ ເຮັດໃຫ້ເຊື້ອພະຍາດເຂົ້າສູ່ຫູໄດ້ ແລະ ຖ້າທ່ານດັນເຂົ້າໄປແຮງໆໂດຍບໍ່ໄດ້ເບິ່ງໃຫ້ດີ ອາດເຮັດໃຫ້ຂີ້ຫູໄປຕິດຂັດຢູ່ໃນຫູດ້ານໃນ ເຮັດໃຫ້ເສຍການໄດ້ຍິນ ແລະ ພັດທະນາການດ້ານນີ້ເສຍໄປ ແລະ ອາດມີເຊື້ອພະຍາດເຂົ້າເຮັດໃຫ້ເຈັບປ່ວຍໄດ້ນຳອີກ.

ການເຮັດຄວາມສະອາດຫູຂອງລູກ ທ່ານຄວນເຮັດຄວາມສະອາດພຽງແຕ່ທາງນອກບໍລິເວນໃບຫູໃຫ້ສະອາດ ແລະ ໃຊ້ຜ້າ ອ່ອນນຸ້ມຈຸ່ມນ້ຳອຸ່ນເຊັດໃບຫູຄ່ອຍໆເທົ່ານັ້ນກໍພຽງພໍ ທ່ານບໍ່ຈຳເປັນຕ້ອງກັງວົນ ເພາະເມື່ອພາລູກໄປຫາໝໍຕາມນັດເພື່ອສັກວັກຊີນ ຫລື ກວດສຸຂະພາບ ທ່ານໝໍຈະສ່ອງເພື່ອເບິ່ງຫູຊັ້ນໃນເອງວ່າມີຂີ້ຫູອັດຕັນຈົນເກີດອັນຕະລາຍຫລືບໍ່. ສິ່ງທີ່ພໍ່ແມ່ຕ້ອງກັງວົນ ກ່ຽວກັບຫູຂອງລູກແມ່ນ ລູກມີອາການເຈັບຫູ, ມີນ້ຳໄຫລອອກຈາກຫູ, ໄດ້ຍິນສຽງບໍ່ຈະແຈ້ງ ຫລື ມີອາການເຈັບໄຂ້ໄດ້ປ່ວນຫລື ບໍ່ ເມື່ອເຖິງເວລານັ້ນຄວນພາລູກໄປໂຮງໝໍ ທ່ານໝໍຈະກວດຫູໃຫ້ລູກກ່ອນທຸກເທື່ອ.

ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ - Wave100S AD to Website 2020 0 - ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ
ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ - lattana banner 1 - ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ
ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ - lattana banner - ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ
ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ -    AD conten website - ຍ້ອນຫຍັງແມ່ຈຶ່ງບໍ່ຄວນເຂ່ຍຫູລູກ ດ້ວຍສຳລີກ້ານ
error: Alert: ເນື້ອຫາຂ່າວມີລິຂະສິດ !!