ແກ້ບັນຫານອນບໍ່ຫລັບໂດຍການປັບພຶດຕິກຳ

ແກ້ບັນຫານອນບໍ່ຫລັບໂດຍການປັບພຶດຕິກຳ - 020704 2021 - ແກ້ບັນຫານອນບໍ່ຫລັບໂດຍການປັບພຶດຕິກຳ
ແກ້ບັນຫານອນບໍ່ຫລັບໂດຍການປັບພຶດຕິກຳ - AGL banner - ແກ້ບັນຫານອນບໍ່ຫລັບໂດຍການປັບພຶດຕິກຳ

ຕ້ອງຫາສາເຫດຂອງພະຍາດຕ່າງໆທີ່ເຮັດໃຫ້ມີອາການນອນບໍ່ຫລັບໄດ້ ເຊິ່ງເຮົາຕ້ອງສຳຫລວດຕົນເອງກ່ອນວ່າມີພະຍາດ ຫຍັງທີ່ສົ່ງຜົນໃຫ້ເຮົານອນບໍ່ຫລັບຫລືບໍ່ ບໍ່ວ່າຈະເປັນດ້ານຮ່າງກາຍ ເຊັ່ນ : ພະຍາດລະບົບທາງເດີນອາຫານ, ພະຍາດທາງເດີນ ຫາຍໃຈ ແລະ ພະຍາດຫົວໃຈ ເປັນຕົ້ນ. ດ້ານຈິດໃຈທີ່ພົບໄດ້ຫລາຍກໍແມ່ນຊຶມເສົ້າ, ອາລົມປັ່ນປ່ວນ, ວິຕົກກັງວົນ, ການປັບຕົວ ຜິດປົກກະຕິ ເປັນຕົ້ນ.

ປິ່ນປົວໂດຍການປັບພຶດຕິກຳ ຄື ການປັບພຶດຕິກຳທີ່ບໍ່ເໝາະສົມ ຈົນເຮັດໃຫ້ນອນຫລັບໄດ້ບໍ່ດີ ຫລື ນອນຫລັບໄດ້ຍາກຂຶ້ນ ມາ ເປັນພຶດຕິກຳໃໝ່ທີ່ເໝາະສົມ ນຳໄປສູ່ການນອນຫລັບທີ່ດີຂຶ້ນ ປະກອບໄປດ້ວຍ 4 ຢ່າງນີ້ :

ແກ້ບັນຫານອນບໍ່ຫລັບໂດຍການປັບພຶດຕິກຳ - Wave100S AD to Website 2020 0 - ແກ້ບັນຫານອນບໍ່ຫລັບໂດຍການປັບພຶດຕິກຳ

ແກ້ບັນຫານອນບໍ່ຫລັບໂດຍການປັບພຶດຕິກຳ - 030704 2021 300x204 - ແກ້ບັນຫານອນບໍ່ຫລັບໂດຍການປັບພຶດຕິກຳ

  • ຫລັກສຸຂະອະນາໄມຂອງການນອນຫລັບ : ຮູບແບບການໃຊ້ຊີວິດ ແລະ ພຶດຕິກຳໃນແຕ່ລະມື້ ມີສິ່ງທີ່ຄວນເຮັດທີ່ຈະ ຊ່ວຍສົ່ງເສີມໃຫ້ການນອນຫລັບດີຂຶ້ນ ແລະ ສິ່ງທີ່ບໍ່ຄວນເຮັດ ເຊິ່ງຈະສົ່ງຜົນໃຫ້ການນອນຫລັບມີບັນຫາຮຸນແຮງຂຶ້ນ. ສິ່ງທີ່ຄວນເຮັດ ແມ່ນຮັກສາເວລາເຂົ້ານອນ ແລະ ການຕື່ນນອນໃຫ້ຄົງທີ່ສະໝ່ຳສະເໝີຫລາຍທີ່ສຸດ, ງົດກິນອາຫານ ໜັກໆກ່ອນເຂົ້ານອນ, ອອກກຳລັງກາຍຢ່າງສະໝ່ຳສະເໝີ ຄວນອອກກຳລັງກາຍໃນຕອນເຊົ້າ ຫລື ຕອນກາງເວັນ ແລະ ບໍ່ຄວນໃກ້ເວລານອນຫລາຍ, ການອອກກຳລັງກາຍຄວນຫ່າງຈາກເວລາເຂົ້ານອນຢ່າງໜ້ອຍ 2 ຊົ່ວໂມງ, ຈັດເວລາ ສຳລັບການຜ່ອນຄາຍຮ່າງກາຍ ແລະ ຈິດໃຈໃນໄລຍະເວລາປະມານ 30 ນາທີກ່ອນເຂົ້ານອນ, ຫລີກເວັ້ນການຄິດເຖິງ ບັນຫາຕ່າງໆໃນເວລາກ່ອນເຂົ້ານອນ ແລະ ຈັດຫ້ອງນອນໃຫ້ມີບັນຍາກາດທີ່ເໝາະສົມແກ່ການນອນຫລັບ ຄື ມິດງຽບ, ສະບາຍ, ປອດໄພ, ບໍ່ມີແສງລົບກວນ, ມີອາກາດຖ່າຍເທສະດວກ ແລະ ອຸນຫະພູມເໝາະສົມ ຄື ບໍ່ຮ້ອນ-ບໍ່ເຢັນ ຈົນເກີນໄປ, ຫລີກເວັ້ນກິດຈະກຳທີ່ກະຕຸ້ນໃຫ້ເຄັ່ງຄຽດກ່ອນນອນ ເຊັ່ນ : ການເບິ່ງລາຍການໂທລະພາບ, ຮູບເງົາ ຫລື ອ່ານໜັງສືທີ່ຕື່ນເຕັ້ນເຄັ່ງຄຽດກ່ອນນອນ ຫລື ການຫລິ້ນຄອມພິວເຕີ-ໂທລະສັບມືຖື, ເຂົ້າສູ່ໂລກອອນລາຍກ່ອນເຂົ້າ ນອນ ເປັນຕົ້ນ, ການກິນອາຫານໜັກໆກ່ອນເຂົ້ານອນ, ການດື່ມເຄື່ອງດື່ມທີ່ມີກາເຟອີນຫລັງຕອນທ່ຽງໄປແລ້ວ ເຊັ່ນ: ກາເຟ, ຊາ, ນ້ຳອັດລົມ, ຊັອກໂກແລັດ, ໂກໂກ້ ເປັນຕົ້ນ, ການສູບຢາກ່ອນເຂົ້ານອນ ຫລື ເມື່ອນອນບໍ່ຫລັບ ຍ້ອນສານ ນິໂກຕິນໃນຢາສູບ ຈະມີລິດກະຕຸ້ນເຮັດໃຫ້ຫລັບຍາກ, ການດື່ມອານກໍຮໍກ່ອນເຂົ້ານອນ ຈະເຮັດໃຫ້ການນອນຫລັບບໍ່ມີ ຄຸນນະພາບ, ການໃຊ້ຕຽງນອນສຳລັບກິດຈະກຳອື່ນໆນອກເໜືອຈາກການນອນ ແລະ ເພດສຳພັນ ເຊັ່ນ: ການກິນ ອາຫານ, ການອ່ານໜັງສື, ການອອກກຳລັງກາຍເທິງຕຽງ, ການເຮັດວຽກ ຫລື ການລົມໂທລະສັບ ເປັນຕົ້ນ.
  • ການປິ່ນປົວໂດຍການຄວບຄຸມປັດໄຈກະຕຸ້ນ : ເປັນແນວທາງປິ່ນປົວທີ່ມາຈາກທິດສະດີການຮຽນຮູ້ ໂດຍເຊື່ອວ່າອາລົມ ຄວາມຮູ້ສຶກ, ຄວາມຄິດ, ການເຮັດວຽກຂອງຮ່າງກາຍ ແລະ ສະໝອງ ກ່ຽວຂ້ອງກັບສະຖານະການທີ່ເຄີຍເກີດຂຶ້ນ ໄດ້ແກ່ : ຂຶ້ນໄປຢູ່ເທິງຕຽງສະເພາະເມື່ອງ່ວງນອນເທົ່ານັ້ນ, ໃຊ້ຕຽງນອນ ຫລື ຫ້ອງນອນສຳລັບການນອນຫລັບ ແລະ ກິດຈະກຳທາງເພດເທົ່ານັ້ນ, ລຸກອອກຈາກຕຽງເມື່ອບໍ່ສາມາດນອນຫລັບໄດ້, ຕື່ນນອນໃນເວລາດຽວກັນທຸກເຊົ້າ ແລະ ຢ່ານອນເວັນ. ການສຶກສາພົບວ່າການປິ່ນປົວໂດຍການຄວບຄຸມປັດໄຈກະຕຸ້ນມີປະສິດທິພາບຕໍ່ການນອນຫລັບທີ່ໄວຂຶ້ນ ການຕື່ນກາງເດິກຊ້າກ່ວາ, ປະສິດທິພາບໃນການນອນຫລັບດີຂຶ້ນ ແລະ ການຫລັບເລິກຫລາຍຂຶ້ນ.
  • ການປິ່ນປົວໂດຍການຜ່ອນຄາຍ : ການປິ່ນປົວດ້ວຍການຜ່ອນຄາຍເປັນການຊ່ວຍຫລຸດລະດັບຄວາມຕື່ນເຕັ້ນຂອງ ຮ່າງກາຍ ແລະ ຈິດໃຈ ຈະມີຜົນເຮັດໃຫ້ລະບົບປະສາດ ຊິມພາເທຕິກ ເຮັດວຽກຫລຸດລົງ ແລະ ລະບົບປະສາດ ພາຣາຊິມເທຕິກ ເຮັດວຽກຫລາຍຂຶ້ນ ເຮັດໃຫ້ຮ່າງກາຍ ແລະ ຄວາມຮູ້ສຶກທາງຈິດໃຈຜ່ອນຄາຍຫລາຍຂຶ້ນ ເຊິ່ງເຮັດໃຫ້ ການນອນຫລັບເກີດງ່າຍຂຶ້ນ ມີຫລາຍວິທີ ດັ່ງນີ້ :
  1. ການຫາຍໃຈເຂົ້າ – ອອກຊ້າໆເລິກໆ ແມ່ນການຫາຍໃຈເຂົ້າ-ອອກຊ້າໆສະບາຍໆ.
  2. ຈິນຕະນາການ ໂດຍການນຶກເຖິງພາບທີ່ເຮັດໃຫ້ຮູ້ສຶກສະບາຍຜ່ອນຄາຍ.
  3. ການຟັງເພງບັນເລງທີ່ເຮັດໃຫ້ຜ່ອນຄາຍ, ເພງບັນເລງທີ່ຜ່ອນຄາຍຈະເຮັດໃຫ້ຄື້ນສະໝອງປ່ຽນຈາກຄື້ນເບຕ້າ ເຊິ່ງ ເປັນຄື້ນສະໝອງໃນໄລຍະເຄັ່ງຄຽດ ເປັນຄື້ນສະໝອງໃນໄລຍະທີ່ຜ່ອນຄາຍຫລາຍຂຶ້ນ ຄື ຄື້ນອາລຟາ ເຮັດໃຫ້ເກີດ ຄວາມຮູ້ສຶກຜ່ອນຄາຍຈົນເຂົ້າສູ່ການຫລັບໄດ້ງ່າຍຂຶ້ນ ຈົນເຂົ້າສູ່ຄື້ນເທຕ້າ ແລະ ຄື້ນແດລຕ້າ ເຊິ່ງເປັນຄື້ນຫລັບ.
  4. ການເຮັດສະມາທິ ຊ່ວຍໃຫ້ຈິດໃຈ ແລະ ຮ່າງກາຍເກີດຄວາມຮູ້ສຶກສະຫງົບຜ່ອນຄາຍ ຈົນຄວາມສັບສົນວຸ້ນວາຍ ທາງຄວາມ ແລະ ອາລົມຫລຸດລົງ.
  5. ການຄຳນຶງຮູ້ສະພາບຮ່າງກາຍຈາກຄວາມເຄັ່ງຄຽດ ໂດຍໃຊ້ເຄື່ອງວັດແທກ. ວິທີການໃຊ້ເຄື່ອງມືທີ່ຊ່ວຍໃຫ້ເກີດ ການຄຳນຶງຮູ້ກ່ຽວກັບຮູບຮ່າງວິທະຍາໃນຮ່າງກາຍກ່ຽວກັບຄວາມເຄັ່ງຄຽດ ແລະ ການຜ່ອນຄາຍ ຈາກນັ້ນ ຜູ້ປ່ວຍເຂົ້າໃຈສະພາບຮ່າງກາຍທີ່ຜ່ອນຄາຍເປັນແນວໃດ ແລະ ສາມາດເອົາໄປເບິ່ງແຍງດູແລຕົນເອງຕໍ່ໄດ້ ເພື່ອໃຫ້ຮ່າງກາຍເກີດການຜ່ອນຄາຍ ຈົນເຂົ້າສູ່ການນອນຫລັບໄດ້ດີຂຶ້ນໃນຕອນກາງຄືນ.
  6. ການຄຳນຶງຮູ້ຄວາມຄິດ ແລະ ອາລົມຕ່າງໆທີ່ເກີດຂຶ້ນ ແລະ ຮຽນຮູ້ຍອມຮັບທຳມະຊາດຂອງມັນ ດ້ວຍໃຈທີ່ປ່ອຍ ວາງເປັນກາງ ແລະ ຜ່ອນຄາຍ ໂດຍບໍ່ເຂົ້າໄປແຊກແຊງ ຫລື ຈັດການຄວາມຄິດ ຫລື ອາລົມນັ້ນ.
  • ການປິ່ນປົວໂດຍການປັບປ່ຽນຄວາມຄິດ ການໃຊ້ເຕັກນິກໃນການປັບປ່ຽນວິທີຄິດທີ່ບໍ່ເໝາະສົມ, ຄວາມເຊື່ອໃນແງ່ລົບ, ການຄາດຫວັງທີ່ບໍ່ສົມເຫດສົມຜົນ, ການຮັບຮູ້ກ່ຽວກັບການນອນທີ່ຜິດໄປ ເຮັດໃຫ້ເກີດຄວາມເຂົ້າໃຈຜິດກ່ຽວກັບການ ນອນ ແລະ ສະຖານະການໆນອນຫລັບ ຈົນສົ່ງຜົນໃຫ້ເກີດຄວາມວິຕົກກັງວົນ ແລະ ຢ້ານການນອນບໍ່ຫລັບຫລາຍ.
  • ການປັບປ່ຽນຄວາມຄິດ ຈະເນັ້ນໃສ່ການຫາຄວາມເຊື່ອ, ຄວາມຄາດຫວັງ ແລະ ການຮັບຮູ້ທີ່ຜິດ ແລະ ວິເຄາະຄວາມ ເຊື່ອ, ຄວາມຄາດຫວັງ ແລະ ການຮັບຮູ້ກ່ຽວກັບການນອນໃໝ່ອີກຄັ້ງ ແລະ ແທນບ່ອນດ້ວຍຄວາມຄິດທີ່ຖືກຕ້ອງຕາມ ຄວາມເປັນຈິງ.
ແກ້ບັນຫານອນບໍ່ຫລັບໂດຍການປັບພຶດຕິກຳ - lattana banner - ແກ້ບັນຫານອນບໍ່ຫລັບໂດຍການປັບພຶດຕິກຳ
ແກ້ບັນຫານອນບໍ່ຫລັບໂດຍການປັບພຶດຕິກຳ -    AD conten website - ແກ້ບັນຫານອນບໍ່ຫລັບໂດຍການປັບພຶດຕິກຳ
ແກ້ບັນຫານອນບໍ່ຫລັບໂດຍການປັບພຶດຕິກຳ - lattana banner 1 - ແກ້ບັນຫານອນບໍ່ຫລັບໂດຍການປັບພຶດຕິກຳ
error: Alert: ເນື້ອຫາຂ່າວມີລິຂະສິດ !!