3 ວິທີປ່ຽນຕົນເອງໃຫ້ກາຍເປັນນາຍຂອງເງິນ

3 ວິທີປ່ຽນຕົນເອງໃຫ້ກາຍເປັນນາຍຂອງເງິນ - 040704 2021 - 3 ວິທີປ່ຽນຕົນເອງໃຫ້ກາຍເປັນນາຍຂອງເງິນ
3 ວິທີປ່ຽນຕົນເອງໃຫ້ກາຍເປັນນາຍຂອງເງິນ - AGL banner - 3 ວິທີປ່ຽນຕົນເອງໃຫ້ກາຍເປັນນາຍຂອງເງິນ

ລອງຝຶກເປັນເຈົ້ານາຍຂອງເງິນ ເລີ່ມຈາກ 3 ສິ່ງນີ້ໃຫ້ໄດ້ ຈະນຳພາຊີວິດທ່ານບໍ່ໃຫ້ລຳບາກ ເພາະຍຸກສະໄໝນີ້ ເງິນມັນ ສຳຄັນເທົ່າໃດໃຜກໍຮູ້ ເພາະມັນເປັນຕົວວັດແທກການຢູ່ການກິນ, ຮູ້ໄດ້ເຖິງຄວາມສຸກສະບາຍ, ແຕ່ເປັນຫຍັງເຮົາຈຶ່ງບໍ່ຄິດຈະເປັນ ນາຍຂອງເງິນ ແລ້ວກໍໃຊ້ວຽກມັນ ໃຫ້ມັນເຮດວຽກໃຫ້ເຮົາແດ່.

  1. ຮູ້ວິທີການລົງທຶນເພື່ອໃຫ້ເງິນຍິ່ງງອກເງີຍ : ເມື່ອທ່ານຢາກສະບາຍ ຢ່າພະຍາຍາມໄປກູ້ຢືມເງິນເພື່ອລົງທຶນອັນນີ້ ບໍ່ຄວນທີ່ຈະເຮັດເລີຍ ເພາະວ່າອະນາຄົດເຮົາອາດຕ້ອງລຳບາກເປັນທາດຂອງເງິນ ບໍ່ວ່າຈະເປັນໃນເລື່ອງຂອງການ ໃຊ້ຈ່າຍທີ່ເຮົາຕ້ອງຄວບຄຸມຕົນເອງໃຫ້ໄດ້, ການປະຢັດມັດທະຍັດໃຫ້ເປັນ ແລະ ເອົາເງິນມາລົງທຶນເພື່ອໃຫ້ມີລາຍຮັບ ພຽງເທົ່ານີ້ກໍຈະເຮັດໃຫ້ເງິນກາຍເປັນທາດຂອງເຮົາໄດ້ບໍ່ຍາກ ແລະ ເຮັດໃຫ້ເຮົາມີເງິນທ້ອນ ເຊື່ອວ່າອະນາຄົດໃນວັນ ຂ້າງໜ້າສົດໃສແນ່ນອນ.
  2. ຮຽນຮູ້ເລື່ອງການບໍລິຫານຈັດການ : ເຖິງຈະເປັນເງິນກ້ອນນ້ອຍໆ ແນວຄິດນີ້ເອົາໄປສອນເດັກນ້ອຍໄດ້ເລີຍ ເຊັ່ນ : ສອນໃຫ້ເຂົາຮູ້ຈັກທ້ອນຕັ້ງແຕ່ຕອນນີ້ ຈາກທີ່ໄດ້ເງິນໄປໂຮງຮຽນໃນຈຳນວນ000 ກີບ ກໍໃຫ້ເຫລືອໄວ້ 1.000 ກີບ ເອົາໄປຢອດກະປຸກ ເຮັດແບບນີ້ໄປເລື້ອຍໆ ເຂົາຈະໄດ້ຮູ້ຈັກບໍລິຫານຈັດການເງິນຂອງຕົນເອງ ເພາະການຝຶກຝົນຕັ້ງ ແຕ່ຍັງນ້ອຍມັນຈະເຮັດໃຫ້ພວກເຂົາເຕີບໃຫຍ່ມາໂດຍຮູ້ການບໍລິຫານຈັດການເງິນເປັນ ແລະ ວາງແຜນການເງິນໄດ້ ຈົນຕິດເປັນນິໄສ ແລະ ເຮົາເອງກໍຄືກັນ ຫາກຕົວເຮົາມີລາຍຮັບໜ້ອຍ ກໍທ້ອນຕາມກຳລັງທີ່ມີ ບໍ່ອ້າງວ່າເງິນເດືອນໜ້ອຍ ຈຶ່ງບໍ່ທ້ອນ ລໍຖ້າໃຫ້ໄດ້ເງິນເດືອນຫລາຍກ່ວານີ້ກ່ອນແລ້ວຈຶ່ງຈະທ້ອນ ແບບນີ້ ເຊິ່ງເປັນການຄິດທີ່ບໍ່ສົມຄວນ.
  3. ຄິດໃຫ້ຫລາຍ, ຄິດໃຫ້ເປັນ ກ່ອນໃຊ້ຈ່າຍອອກໄປ : ເຮົາຢ່າຟູມເຟືອຍເກີນກຳລັງ ລອງນຶກພາບຖັງນ້ຳຂະໜາດໃຫຍ່ທີ່ ມັນຢູ່ດີໆກໍແຕກເປັນຮອຍຮົ່ວຈຸດນ້ອຍໆ ແລະ ຕົວທ່ານອາດຈະເບິ່ງວ່າມັນບໍ່ສຳຄັນ ຍ້ອນບັນຫາມັນນ້ອຍໆ ຈຶ່ງບໍ່ສົນໃຈ ທີ່ຈະອັດມັນ ປ່ອຍໄວ້ແບບນັ້ນ ຫລັງຈາກນັ້ນ ຮູດັ່ງກ່າວກໍຖືກແຮງດັນນ້ຳດັນອອກຈົນໃຫຍ່ຂຶ້ນຫລາຍແລ້ວ ກ່ວາທ່ານ ຈະອັດໄດ້ໝົດ ນ້ຳຄົງຈະແຫ້ງໄປແລ້ວ ເມື່ອຮອດຕອນນັ້ນ ທ່ານຈະນຶກເຖິງຖັງນ້ຳທີ່ແຕກລ້າວ ຍ້ອນຕ້ອງທົນກິນນ້ຳ ເທື່ອລະໜ້ອຍທີ່ເຫລືອ ກິນໄດ້ແດ່ບໍ່ໄດ້ແດ່ ສະນັ້ນເຮົາຈົ່ງທົບທວນໃຫ້ດີກ່ອນຈະໃຊ້ຈ່າຍ ຮອດຕອນນີ້ ເຮົາມາຄິດເບິ່ງວ່າ ເຮົາຄວນຈະອັດຮູຮົ່ວ ຫລື ຄວນຈະປ້ອງກັນບໍ່ໃຫ້ມັນເກີດຂຶ້ນດີກ່ວາ.
3 ວິທີປ່ຽນຕົນເອງໃຫ້ກາຍເປັນນາຍຂອງເງິນ - Wave100S AD to Website 2020 0 - 3 ວິທີປ່ຽນຕົນເອງໃຫ້ກາຍເປັນນາຍຂອງເງິນ
3 ວິທີປ່ຽນຕົນເອງໃຫ້ກາຍເປັນນາຍຂອງເງິນ - lattana banner 1 - 3 ວິທີປ່ຽນຕົນເອງໃຫ້ກາຍເປັນນາຍຂອງເງິນ
3 ວິທີປ່ຽນຕົນເອງໃຫ້ກາຍເປັນນາຍຂອງເງິນ - lattana banner - 3 ວິທີປ່ຽນຕົນເອງໃຫ້ກາຍເປັນນາຍຂອງເງິນ
3 ວິທີປ່ຽນຕົນເອງໃຫ້ກາຍເປັນນາຍຂອງເງິນ -    AD conten website - 3 ວິທີປ່ຽນຕົນເອງໃຫ້ກາຍເປັນນາຍຂອງເງິນ
error: Alert: ເນື້ອຫາຂ່າວມີລິຂະສິດ !!