12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ

12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ - 070104 2021 - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ
12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ - AGL banner - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ
  1. ທີ່ຢູ່ ຫລື ເຮືອນຂອງທ່ານ : ການເປີດເຜີຍທີ່ຢູ່ ຫລື ເຮືອນຂອງຕົນເອງໃນສື່ສັງຄົມອອນລາຍ ບໍ່ແມ່ນຄວາມຄິດ ທີ່ເໝາະສົມປານໃດ ເພາະປຽບດັ່ງວ່າທ່ານກຳລັງສົ່ງບັດເຊີນ ແລະ ເປີດເຮືອນໃຫ້ຄົນທົ່ວໂລກມາທ່ອງທ່ຽວ ທ່ານຢາກ ໃຫ້ໃຜກໍບໍ່ຮູ້ມາຢ້ຽມຢາມຢູ່ເຮືອນຂອງທ່ານໃນຂະນະທີ່ທ່ານລາພັກປະຈຳປີຢູ່ຫລືບໍ່ ? ສິ່ງສຳຄັນຢ່າລືມປິດຄຸນສົມບັດ ລະບຸຕຳແໜ່ງເທິງຮູບຖ່າຍໂດຍອັດຕະໂນມັດເພື່ອບໍ່ໃຫ້ຄົນອື່ນຮູ້ຂໍ້ມູນວ່າທ່ານໂພສຢູ່ບ່ອນໃດ.
  2. ບັນຫາຄວາມສຳພັນ : ທ່ານກັບຄົນຮັກກຳລັງມີບັນຫາຈົນອາດຕ້ອງເລີກລາ ຫລື ຢ່າຮ້າງກັນແມ່ນບໍ່ ? ແຕ່ຢ່າຟ້າວຕອບ ເພາະຄວາມຈິງພວກເຮົາກໍບໍ່ໄດ້ຢາກຮູ້ດອກ, ແຕ່ຈົ່ງເກັບບັນຫາ ແລະ ຄວາມເຈັບປວດເຫລົ່ານັ້ນໄວ້ປຶກສາຄົນທີ່ເປັນ ຫ່ວງທ່ານແທ້ໆດີກ່ວາ ເນື່ອງຈາກເພື່ອນບ້ານ ຫລື ແມ່ນແຕ່ອາຈານສອນວິຊາສິລະປະ ກໍບໍ່ຄວນໄດ້ຮັບຮູ້ເຖິງຄວາມ ເຈັບປວດຂອງທ່ານ.
  3. ຂ່າວສຳຄັນຂອງຄົນອື່ນ : ທ່ານອາດຫາກໍໄດ້ຍິນຂ່າວດີວ່າ ເພື່ອນສະໜິດຂອງທ່ານໝັ້ນແລ້ວ ແນ່ນອນວ່າທ່ານຕ້ອງ ຕື່ນເຕັ້ນແທນເພື່ອນສຸດໆ, ແຕ່ຢ່າຟ້າວຮີບຮ້ອນໂພສຂໍ້ຄວາມສະແດງຄວາມຍິນດີກ່ອນທີ່ເພື່ອນຂອງທ່ານຈະແຈ້ງຂ່າວດີ ຂອງຕົນເອງ ເພາະມັນບໍ່ແມ່ນເລື່ອງທີ່ດີແນ່ນອນຫາກທ່ານຈະໂພສລົງໄປໂດຍທີ່ເຈົ້າຂອງເລື່ອງຍັງບໍ່ອະນຸຍາດ.
  4. ເລື່ອງຄັບຂ້ອງໃຈໃນບ່ອນເຮັດວຽກ : ເຮົາເຂົ້າໃຈວ່າຫົວໜ້າຂອງທ່ານອາດຈະກວນປະສາດ, ສ່ວນເພື່ອນຮ່ວມງານກໍ ເອົາອາຫານທ່ຽງກິ່ນເໝັນມາກວນໃຈທ່ານ. ດັ່ງນັ້ນ, ບໍ່ແປກທີ່ທ່ານຈະຮູ້ສຶກລຳຄານ, ແຕ່ການຈົ່ມຜ່ານໂລກອອນລາຍ ຄົງບໍ່ແມ່ນຄວາມຄິດທີ່ສະຫລາດປານໃດ ທ່ານບໍ່ຮູ້ແມ່ນບໍ່ວ່າມີໃຜກຳລັງເບິ່ງຢູ່ແດ່.
  5. ຮູບຖ່າຍໂປ້ເປືອຍ ຫລື ວາບຫວິວເຂົ້າຄ່າຍອະນາຈານ : ບໍ່ຜິດດອກຖ້າທ່ານຈະຢາກຕື່ນຂຶ້ນມາ ແລະ ຄິດວ່າຕົນເອງ ເປັນບີຢອງເຊ່, ແຕ່ທາງທີ່ດີຄວນສະຫງວນຮູບຖ່າຍໂປ້ເປືອຍຂອງຕົນເອງເກັບໄວ້ເປັນຮູບຖ່າຍສະສົມສ່ວນຕົວຈະດີ ກ່ວາ.
  6. ອາຫານຄາບທ່ຽງຂອງທ່ານ : ເວັ້ນແຕ່ວ່າທ່ານຈະເປັນບລັອກເກີກ່ຽວກັບອາຫານ ເຊິ່ງມີສິລະປະໃນການຈັດແສງໄຟ, ຈັດຈານອາຫານ ແລະ ເຮັດອາຫານໄດ້ແຊບສຸດໆ. ແນວໃດກໍຕາມ, ບໍ່ຄວນໂພສຮູບຖ່າຍອາຫານສີມືຂອງຕົນເອງລົງໃນ ໂລກອອນລາຍ ເນື່ອງຈາກທ່ານກຳລັງເຮັດໃຫ້ຄົນທົ່ວໂລກລຳຄານ.
  7. ຮູບຖ່າຍຕົນເອງ ຫລື ຄົນອື່ນໃນລັກສະນະສອງແງ່ສອງງ່າມ : ການຖ່າຍຮູບເຊວຟີ້ ພ້ອມກັບຈອກຄັອກເທວໃນມື ເປັນ ເລື່ອງທີ່ຍອມຮັບໄດ້ ເມື່ອທ່ານອອກໄປທ່ຽວກາງຄືນກັບບັນດາເພື່ອນສາວ, ແຕ່ເພື່ອນທີ່ຢືນຢູ່ຖັດໄປຈາກທ່ານອາດບໍ່ ຮູ້ສຶກຕື່ນເຕັ້ນກັບຮູບຖ່າຍເຫລົ່ານັ້ນ ດັ່ງນັ້ນ, ທ່ານຄວນຈະຖາມໝູ່ເພື່ອນກ່ອນສະເໝີ ກ່ອນຈະໂພສ ຫລື ແທັກພວກເຂົາໄປ ເນື່ອງຮູບຖ່າຍຫລຸດໂລກໃນອະດີດເຫລົ່ານັ້ນອາດຈະກັບມາຫລອກຫລອນທ່ານໄດ້.

12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ - 090104 2021 300x130 - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ

8. ທັດສະນະຄະຕິທາງການເມືອງ : ທຸກຄົນຍ່ອມມີຂໍ້ຄິດເຫັນກ່ຽວກັບການເມືອງ ແລະ ມີສິດທີ່ຈະເປີດເຜີຍຄວາມຄິດຂອງ ຕົນເອງອອກມາ, ແຕ່ຈົ່ງລະວັງເມື່ອຕ້ອງສະແດງມຸມມອງທາງການເມືອງໃນບາງປະເດັນ ເພາະອາດສ່ຽງຕໍ່ໜ້າທີ່ ວຽກງານໃນປັດຈຸບັນ ຫລື ໃນອະນາຄົດ ແລະ ເກີດຂໍ້ຖົກຖຽງຕາມມາ ທ່ານພ້ອມຫລືຍັງ ?

9. ການຄຸກຄາມ : ການຄຸກຄາມຖືເປັນອັນຕະລາຍຢ່າງໜຶ່ງ ແລະ ການໂພສລົງໄປໃນສື່ສັງຄົມອອນລາຍຈະຍິ່ງເຮັດໃຫ້ ສະຖານະການຮຸນແຮງຂຶ້ນ ບາງເທື່ອອາດກາຍເປັນອາດຊະຍາກຳໄດ້ ຂຶ້ນຢູ່ກັບການໃຊ້ຄຳເວົ້າ ແລະ ແຮງຈູງໃຈທີ່ຢູ່ ເບື້ອງຫລັງ ເຖິງວ່າທ່ານຈະບອກວ່າຢອກຫລິ້ນ – ລໍ້ຫລິ້ນ ແຕ່ກໍບໍ່ແມ່ນວ່າທຸກຄົນຈະມີອາລົມຂັນຄືກັນກັບທ່ານ.

10.ເມື່ອທ່ານໄປທ່ຽວຕ່າງແຂວງ : ທ່ານຢາກໃຫ້ຄົນອື່ນຮູ້ແມ່ນບໍ່ວ່າເຮືອນຂອງທ່ານບໍ່ມີຄົນຢູ່ໃນໄລຍະທີ່ທ່ານໄປທ່ອງທ່ຽວ ໃນມື້ພັກປະຈຳປີ ? ກຸ້ມຄ່າກັບຍອດກົດໄລ້ກົດແຊຫລືບໍ່ ? ການເປີດເຜີຍຂໍ້ມູນດັ່ງກ່າວເຮັດໃຫ້ເຮືອນຂອງທ່ານສ່ຽງທີ່ຈະ ຖືກງັດແງະ.

12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ - Wave100S AD to Website 2020 0 - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ

11. ຍອດຄົງເຫລືອໃນບັນຊີທະນາຄານຂອງທ່ານ : ຫາກໍໄດ້ເງິນເດືອນຂຶ້ນແມ່ນບໍ່ ? ຫລື ໄດ້ຮັບເງິນໂບນັດປະຈຳປີຫລາຍ ກ່ວາທີ່ທ່ານຄິດໄວ້ ? ພິເສດໄປເລີຍມີເງິນກ້ອນໃນບັນຊີທະນາຄານ ຫລາຍກ່ວາຄ່າໃຊ້ຈ່າຍໃນແຕ່ລະເດືອນ ກໍຍິ່ງເປັນການດີຂຶ້ນຕື່ມ, ແຕ່ທ່ານຄວນຈະເກັບຂໍ້ມູນເຫລົ່ານີ້ໄວ້ກັບຕົນເອງ ບໍ່ຄວນເອົາມາເປີດເຜີຍໃນສື່ສັງຄົມ ອອນລາຍ, ຮູບຖ່າຍຍອດເງິນຄົງເຫລືອໃນບັນຊີ, ໃບບິນເອທີເອັມ, ບັດເຄຣດິດ ຫລື ອັນໃດກໍຕາມທີ່ສາມາດສືບສາວໄປ ເຖິງບັນຊີທະນາຄານຂອງທ່ານໄດ້ ເຫລົ່ານີ້ມັນເອີ້ນວ່າຂໍ້ມູນສ່ວນຕົວແທ້ໆ.

12. ຮູບຖ່າຍງານສົບ : ເມື່ອໃຜບາງຄົນທີ່ທ່ານຮັກຈາກໄປ ບໍ່ແມ່ນເລື່ອງແປກທີ່ທ່ານຈະສະແດງຄວາມໂສກເສົ້າ, ແຕ່ຄວນ ຄິດໃຫ້ດີໆກ່ອນທີ່ຈະໂພສຮູບຖ່າຍເຫລົ່ານັ້ນລົງສູ່ສື່ສັງຄົມອອນລາຍສາທາລະນະ ເນື່ອງຈາກຄົນອື່ນອາດຈະຮູ້ສຶກອຶດອັດ ກັບຮູບຖ່າຍໂລງສົບ, ຫລຸມສົບ ຫລື ບັນດາແຂກທີ່ກຳລັງທຸກທໍລະມານ.

12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ - lattana banner 1 - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ
12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ - lattana banner - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ
12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ -    AD conten website - 12 ເລື່ອງສ່ວນຕົວທີ່ບໍ່ຄວນໂພສລົງເຟດບຸກ
error: Alert: ເນື້ອຫາຂ່າວມີລິຂະສິດ !!