7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້

7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ - 011204 2021 - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້
7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ - AGL banner - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້

ອາການມົວຕາ, ຕາແຫ້ງ, ແສບຕາ, ປວດເມື່ອຍດວງຕາ ອາດຈະເກີດຂຶ້ນໄດ້ຈາກການໃຊ້ສາຍຕາຫລາຍຈົນເກີນໄປ ເຊິ່ງຖ້າ ໃນຈຸດໆນີ້ຍັງພໍເບິ່ງແຍງໄດ້ແດ່, ແຕ່ຖ້າເກີດຈາກອາການປ່ວຍ ຫລື ມີອາການຂອງພະຍາດກ່ຽວກັບດວງຕາ ຄວນໄປພົບແພດ ເຊິ່ງມື້ນີ້ພວກເຮົາມີ 7 ໝາກໄມ້ບຳລຸງສາຍແບບ ຕົວຊ່ວຍດີໆທີ່ຈະຊ່ວຍບຳລຸງສາຍຕາໃຫ້ກັບມາສົດໃສ, ຫລຸດອາການເມື່ອຍລ້າ ດວງຕາໄດ້ໂດຍບໍ່ຕ້ອງຈ່າຍແພງ ດັ່ງນີ້:

7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ - 031204 2021 300x210 - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້

7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ - Wave100S AD to Website 2020 0 - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້
  1. ໝາກໄມ້ຕະກູນເບີຣີຊະນິດຕ່າງໆ : ປົກກະຕິແລ້ວຫາກຊື້ອາຫານເສີມບຳລຸງສາຍຕາມາກິນ ໜຶ່ງໃນສ່ວນປະສົມຫລັກ ກໍຈະມີໝາກໄມ້ຕະກູນເບີຣີຊະນິດຕ່າງໆຢູ່ນຳ ເຊິ່ງໝາກໄມ້ຕະກູນເບີຣີ ເປັນໝາກໄມ້ທີ່ມີແຫ່ລງຂອງວິຕາມິນ C ມະຫາສານ ບໍ່ວ່າຈະແມ່ນໂກຈິເບີຣີ, ຣາສເບີຣີ, ສະຕໍເບີຣີ, ແບລັກເບີຣີ, ມັລເບີຣີ ທຸກຢ່າງລ້ວນມີປະໂຫຍດຕໍ່ສຸຂະພາບ ຜິວ ແລະ ສຸຂະພາບດວງຕາ ທັງຍັງອຸດົມໄປດ້ວຍສານຕໍ່ຕ້ານອະນຸມູນອິດສະລະ ທີ່ມີສ່ວນຊ່ວຍໃນການບຳລຸງສາຍຕາ ໂດຍກົງ ແລະ ຍັງຊ່ວຍເຮັດໃຫ້ນານເຖົ້າ ຊ່ວຍໃຫ້ຜິວສົດໃສ ສິ່ງສຳຄັນແມ່ນກິນແລ້ວບໍ່ຕຸ້ຍ ທັງຊ່ວຍປ້ອງກັນໄຂ້ຫວັດ, ມະເຮັງ ແລະ ພະຍາດຕ່າງໆອີກຫລາຍ.
  2. ໝາກມ່ວງສຸກ : ເປັນໝາກໄມ້ທີ່ມີວິຕາມິນ A ຫລາຍ ເປັນສານອາຫານສຳຄັນສຳລັບສຸຂະພາບດວງຕາ ເຊິ່ງຈະຊ່ວຍ ບຳລຸງສາຍຕາ ແລະ ປ້ອງກັນຄວາມຜິດປົກກະຕິຕ່າງໆກ່ຽວກັບດວງຕາໄດ້ ເຊັ່ນ : ຕາບອດຕອນກາງຄືນ, ຕາຕໍ້, ຕາຟາງ, ຈໍປະສາດຕາເສື່ອມ, ຕາແຫ້ງ, ດວງຕາເມື່ອຍລ້າ ແລະ ຄວາມບໍ່ສະບາຍຕາ ທັງນີ້ຍັງມີສ່ວນຊ່ວຍຟື້ນຟູສຸຂະ ພາບຜິວໄດ້ນຳ ເພາະອຸດົມໄປດ້ວຍສານຕ້ານອະນຸມູນອິດສະລະ ແລະ ວິຕາມິ C ເຊິ່ງມີສ່ວນຊ່ວຍບຳລຸງຜິວໃຫ້ສົດໃສ ສຸຂະພາບດີ ທັງຍັງມີປະໂຫຍດໃນດ້ານອື່ນໆອີກຫລາຍ.
  3. ໝາກກີວີ : ເປັນໝາກໄມ້ທີ່ມີສານຊ່ວຍໃນເລື່ອງພະຍາດຕາໄດ້ຄືກັນ ເຊິ່ງມີສານລູທີນ ແລະ ຊີແຊນທີນ ທີ່ເປັນສານ ແອນຕີ້ອັອກຊິເດນ ທີ່ຈະມາຊ່ວຍປົກປ້ອງສາຍຕາ ແລະ ຫລຸດຄວາມສ່ຽງການເປັນພະຍາດຈໍປະສາດຕາເສື່ອມໄດ້ ຖ້າ ທ່ານເປັນໜຶ່ງໃນຄົນທີ່ຕ້ອງເຮັດວຍກຈົດຈໍ່ຢູ່ກັບໜ້າຄອມພິວເຕີ ຫລື ຕ້ອງໃຊ້ສາຍຕາຢູ່ຕະຫລອດເວລາ ແນະນຳໃຫ້ກິນ ໝາກກີວີເປັນປະຈຳ ຮັບຮອງວ່າຊ່ວຍໄດ້.
  4. ໝາກກ້ຽງ : ມີວິຕາມິນ C, A ແລະ E ເຊິ່ງລ້ວນແຕ່ເປັນສານອາຫານທີ່ຊ່ວຍບຳລຸງສາຍຕາທັງໝົດ ກໍຈະຊ່ວຍບຳລຸງ ສາຍຕາ ແລະ ປ້ອງກັນການເກີດພະຍາດກ່ຽວກັບດວງຕາໄດ້ ແລະ ມີສານຕ້ານອະນຸມູນອິດສະລະທີ່ຈະຊ່ວຍເສີມສ້າງ ຄໍລາເຈັນ ທີ່ຈະມາຊ່ວຍໃນເລື່ອງຕ້ານຄວາມເຖົ້າ ພ້ອມບຳລຸງຜິວໃຫ້ສຸຂະພາບດີ ສົດໃສກ້ຽງງາມ ບໍ່ແຫ້ງ. ນອກຈາກນີ້ ຍັງມີສານອາຫານ, ແຮ່ທາດ ແລະ ວິຕາມິນອື່ນໆອີກຫລາຍຊະນິດທີ່ມີປະໂຫຍດຕໍ່ສຸຂະພາບ.
  5. ໝາກໜອດ : ເປັນໝາກໄມ້ທີ່ດີຕໍ່ສຸຂະພາບຫລາຍ ເຊິ່ງມີວິຕາມິນ A ທີ່ຊ່ວຍບຳລຸງສາຍຕາໃຫ້ເປັນປົກກະຕິ ທັງຍັງຊ່ວຍ ປັບຈໍຮັບພາບ ແລະ ແສງຂອງດວງຕາ ໃຫ້ເຮັດວຽກໄດ້ເປັນໄປຕາມປົກກະຕິນຳອີກ. ໝາກໜອດມີກົດຊິຕຣິກ, ນ້ຳຕານ ແລະ ໄຍອາຫານ ທີ່ມີສ່ວນຊ່ວຍຫລຸດໄຂມັນໃນເສັ້ນເລືອດ ແລະ ປ້ອງກັນອາການພົກຍ່ຽວອັກເສບ. ນອກຈາກນີ້, ຍັງມີ ແຮ່ທາດອື່ນໆອີກຫລາຍ ເຊິ່ງລ້ວນມີປະໂຫຍດຕໍ່ສຸຂະພາບ ແລະ ຜິວໜັງ ພ້ອມທັງຊ່ວຍແກ້ບັນຫານອນບໍ່ຫລັບໄດ້ນຳ.
  6. ໝາກຫຸ່ງ : ມີວິຕາມິນ ແລະ ແຮ່ທາດຫລາຍ ຊ່ວຍບຳລຸງສຸຂະພາບຫລາຍດ້ານ ບໍ່ວ່າຈະແມ່ນໃນເລື່ອງຂອງລະບົບການ ຂັບຖ່າຍໜັກ – ຖ່າຍເບົາ ທັງຊ່ວຍປິ່ນປົວອາການທ້ອງບິດໄດ້ນຳ. ຊ່ວຍບຳລຸງສາຍຕາໄດ້ດີ ໂດຍຈະປ້ອງກັນອາການຈໍ ປະສາດຕາເສື່ອມ ແລະ ຫລຸດຄວາມສ່ຽງຂອງອາການຈໍປະສາດຕາເສື່ອມໃນຜູ້ເຖົ້າ ຫລື ຕາຟາງ ອັນເປັນສາເຫດຂອງ ການເສຍການເບິ່ງເຫັນໃນຜູ້ເຖົ້າໄດ້ນັ້ນເອງ ສະນັ້ນ ໝາກໄມ້ຊະນິດນີ້ຈຶ່ງເປັນໝາກໄມ້ທີ່ຄົນຖ່າຍຍາກ ຫລື ຄົນທີ່ຢາກ ບຳລຸງສາຍຕາພາດບໍ່ໄດ້, ລາຄາກໍບໍ່ແພງ ແລະ ຫາຊື້ກໍງ່າຍນຳອີກ.
  7. ໝາກພັບ : ເປັນໝາກໄມ້ທີ່ມີສານຕ້ານອະນຸມູນອິດສະລະ ແລະ ທີ່ສຳຄັນແມ່ນມີລູທີນ ແລະ ຊີແຊນທີນ ທີ່ເປັນສານຕ້ານ ອະນຸມູນອິດສະລະທັງສອງຊະນິດ ເປັນສານອາຫານສຳຄັນທີ່ມີສ່ວນຊ່ວຍໃນການບຳລຸງສາຍຕາໂດຍກົງ ແລະ ປ້ອງກັນຄວາມສູນເສຍທາງການເບິ່ງເຫັນໄດ້. ນອກຈາກນີ້ ໝາກພັບຍັງອຸດົມໄປດ້ວຍສານໄຟເຊຕິນ ທີ່ມີສ່ວນຊ່ວຍ ເສີມສ້າງຄວາມຈື່ຈຳ ຊ່ວຍປ້ອງກັນຄວາມສ່ຽງຕໍ່ລະບົບເສັ້ນປະສາດ ແລະ ສະໝອງ ລວມເຖິງມີສ່ວນຊ່ວຍໃນການ ປ້ອງກັນຄວາມເສື່ອມສະມັດຕະພາບທາງສະຕິປັນຍານຳອີກ ຍັງບໍ່ໝົດ ນອກເໜືອຈາກທີ່ກ່າວມານີ້ ໝາກພັບຍັງມີ ປະໂຫຍດໃນດ້ານອື່ນໆອີກຫລາຍ ລອງກິນເປັນປະຈຳ ແລ້ວທ່ານຈະສັງເກດໄດ້ເຖິງສຸຂະພາບທີ່ແຂງແຮງ ແລະ ດວງຕາທີ່ສົດໃສຂຶ້ນ.
7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ - lattana banner 1 - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້
7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ -    AD conten website - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້
7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້ - lattana banner - 7 ໝາກໄມ້ບຳລຸງສາຍຕາ ເມື່ອຍລ້າເທົ່າໃດກິນແລ້ວຈະຊ່ວຍໄດ້
error: Alert: ເນື້ອຫາຂ່າວມີລິຂະສິດ !!