ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ

ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ - FB IMG 1624921949447 - ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ
ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ - AGL banner - ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ

ໂດຍ: ມຶກບໍ່ແຫ້ງ

ທ່າມກາງການແຜ່ລະບາດຂອງພະຍາດໂຄວິດ 19 ທີ່ມີຜູ້ຄົນຕິດເຊື້ອພະຍາດຫຼາຍຂຶ້ນນັບມື້ນັ້ນ, ຄວາມກຽດຊັງ ແລະ ຈຳແນກຕໍ່ຜູ້ຕິດເຊື້ອນັ້ນ ໄດ້ລະບາດໃນສັງຄົມເຮົາເຊັ່ນກັນ ເຊິ່ງເປັນເລື່ອງໜ້າເສົ້າໃນສັງຄົມ.

ເມື່ອກາງເດືອນພຶດສະພາ ທີ່ຜ່ານມາ ພວກເຮົາອາດໄດ້ຍິນ ຂ່າວ ຂອງ ທ່ານ ນຽມ ໃສສູນທອນ ປະຊາຊົນ ບ້ານ ນາເຕີຍ ເມືອງຄົງເຊໂດນ ແຂວງສາລະວັນ ທີ່ເປັນຜູ້ຕິດເຊື້ອໂຄວິດ 19 ກໍລະນີ ທຳອິດ ຂອງແຂວງດັ່ງກ່າວ ແລະ ຜູ້ກ່ຽວ ແມ່ນແຮງງານທີ່ກັບມາແຕ່ເຮັດວຽກ ແຕ່ປະເທດໄທ ເຊິ່ງຕອນທຳອິດ ທ່ານ ນຽມ ແມ່ນບໍ່ມີອາການຫຍັງ ແລະກໍຖືວ່າບໍ່ໄດ້ ຕິດ ແລະ ເປັນຄົນປົກກະຕິທຳມະດາຄົນນຶ່ງ ແຕ່ຕໍ່ມາທາງແພດໝໍ ຈຶ່ງກວດພົບວ່າ ທ່ານ ນຽມຕິດເຊື້ອພະຍາດດັ່ງກ່າວ ແລະ ປິ່ນປົວຈົນຫາຍດີ ແລະໄດ້ກັບມາບ້ານ.

ແຕ່ເລື່ອງທີ່ໜ້າເສົ້າໃຈ ກໍຄື ເມື່ອຄົນຮູ້ວ່າ ທ່ານ ນຽມແລ້ວ ປະຊາຊົນຈຳນວນໜຶ່ງ ມີຄວາມລັງກຽດລາວ ຄືກັນກັບວ່າ ລາວເປັນຄົນແປກປະຫຼາດຄົນນຶ່ງ ເຮັດໃຫ້ ທ່ານ ນຽມ ແລະຄອບຄົວ ຮູ້ສຶກວ່າ ເຂົາເຈົ້າຖືກຈຳແນກ ແລະ ທ່ານ ນຽມກໍບໍ່ແມ່ນ ກໍລະນີດຽວ, ຍັງມີອີກຫຼາຍກໍລະນີ ທົ່ວປະເທດ ທີ່ຜູ້ຕິດເຊື້ອໂຄວິດ 19 ນີ້ ກາຍເປັນ ເຫຍື່ອຂອງຄວາມກຽດຊັງ ລັງກຽດຈາກສັງຄົມ.

ຈາກທັດສະນະຄະຕິແບບນີ້ ຂອງສັງຄົມ ເຮັດໃຫ້ເກີດຄວາມຢ້ານກົວ ທີ່ຫຼາຍຄົນຮູ້ວ່າ ຕົນເອງຕົກຢູ່ໃນຄວາມສ່ຽງ ໃນການຕິດເຊື້ອພະຍາດ ແຕ່ບໍ່ຍອມໄປກວດກາ ຫຼື ໃຫ້ຂໍ້ມູນທີ່ຊັດເຈນຂອງຕໍ່ພະນັກງານແພດໝໍ ຫຼື ເຈົ້າໜ້າທີ່ ທີ່ກ່ຽວຂ້ອງ ເຊິ່ງເຮັດໃຫ້ພວກເຮົາບໍ່ສາມາດຢຸດຢັ້ງພະຍາດອັນນີ້ໄດ້ຈັກເທື່ອ.

ເມື່ອກ່າວເຖິງ ບັນດາແຮງງານລາວ ທີ່ໄປເຮັດວຽກຢູ່ຕ່າງປະເທດ ກໍຄືກັນ. ແນ່ນອນ ພວກເຮົາ ຮູ້ດີວ່າ ຈຳນວນໜຶ່ງ ແມ່ນໄປແບບບໍ່ຖືກຕ້ອງຕາມລະບຽບກົດໝາຍ ແລະ ບາງຈຳນວນ ກໍກັບມາປະເທດ ເມື່ອ ມີພະຍາດບລະບາດ ໂດຍການ ລັກລອບເຂົ້າມາ ບໍ່ໄດ້ ແຈ້ງໃຫ້ເຈົ້າໜ້າທີ່ຮັບຊາບ ເພື່ອການກັກໂຕ ເຊິ່ງເຮັດໃຫ້ ທັດສະນະກວມລວມຂອງສັງຄົມເຮົາ ໄດ້ຖືວ່າ ແຮງງານລາວ ທີ່ກັບມາແຕ່ຕ່າງປະເທດນັ້ນ ເປັນ ໄພຄຸກຄາມ ແລະ ອັນຕະລາຍ ເຊິ່ງເກີດມີຄວາມກຽດຊັງຕໍ່ເຂົາເຈົ້າທັງໝົດທີ່ຊື່ວ່າ ແຮງງານມາຈາກຕ່າງປະເທດ.

ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ - Wave100S AD to Website 2020 0 - ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ

ໃນຈຳນວນປະມານ 140,000 ຄົນຂອງແຮງງານລາວ ທີ່ກັບມາແຕ່ຕ່າງປະເທດ ເນື່ອງຈາກຜົນກະທົບຂອງ ໂຄວິດ 19 ຕາມການລາຍງານ ຂອງກະຊວງແຮງງານ ແລະ ສະຫວັດດິການ ສັງຄົມ ເມື່ອບໍ່ດົນມານີ້ ນັ້ນ ພວກເຮົາ ຈົ່ງເຂົ້າໃຈວ່າແຮງງານເຫຼົ່ານັ້ນ ໄດ້ສ້າງລາຍໄດ້ ເຂົ້າປະເທດເຮົາບໍ່ແມ່ນໜ້ອຍ, ເຂົາເຈົ້າສາມາດ ຊ່ວຍ ຊີວິດການເປັນຢູ່ ເຂົາເຈົ້າ ໃຫ້ດີຂຶ້ນ ແລະ ລັດຖະບານເຮົາ ກໍໄດ້ ຮ່ວມມື ກັບບັນດາປະເທດຕ່າງໆ ໃນການສົ່ງເສີມ ແຮງງານລາວ ອອກໄປເຮັດວຽກຢ່າງຖືກຕ້ອງ.

ແມ່ນຢູ່ວ່າ ພວກເຮົາປະສົບບັນດາ ບັນຫາກ່ຽວກັບແຮງງານລາວ ກັບຄືນປະເທດ ດັ່ງທີ່ກ່ວມານັ້ນ ແຕ່ພວກເຮົາ ບໍ່ຄວນສົ່ງເສີມທັດສະນະທີ່ມີຄວາມກຽດຊັງ ຕໍ່ແຮງງານລາວ ໃນຍາມ ການລະບາດຂອງໂຄວິດ 19. ພວກເຮົາ ກໍຈົ່ງ ສ້າງຄວາມເຂົ້າໃຈໃຫ້ເຂົາເຈົ້າ ຄວນເຮັດແນວໃດ ເພື່ອປ້ອງກັນຕົນເອງ ແລະ ຄອບຄົວກໍຄືສັງຄົມ ຈາກ ພະຍາດໂຄວິດ 19, ພວກເຮົາຄວນເຫັນອົກເຫັນໃຈເຂົາເຈົ້າ. ລອງຄິດເບິ່ງດຸວ່າ ໃນທ່າມກາງທີ່ບໍ່ມີວຽກເຮັດ ແລະໜໍາຊໍ້າ ໄດ້ຮັບ ການລັງກຽດຈາກສັງຄົມນຳ ຄວາມຮູ້ສຶກທາງຈິດໃຈຈະເປັນແນວໃດ.

“ພະຍາດໂຄວິດ ເປັນວິກິດການຂອງໂລກ ພວກເຮົາບໍ່ຄວນຖີ້ມໂທດໃຫ້ຜູ້ໃດຜູ້ໜຶ່ງ ສະນັ້ນ ຈົ່ງຢຸດການຈຳແນກ” ນີ້ແມ່ນຄຳເວົ້າ ຂອງທ່ານ ພູທອນ ເມືອງປາກ ປະທານອົງການ ກາແດງລາວປັດຈຸບັນ ແລະ ອາດີດ ຮອງລັດຖະມົນຕີກະຊວງ ສາທາລະນະສຸກ ທີ່ໄດ້ເປັນຜູ້ນຶ່ງໃນການຊີ້ນຳ ນຳພາກໃນການຕ້ານ ແລະຄວບຄຸມພະຍາດໂຄວິດ 19 ໃນປະເທດພວກເຮົາ.

ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ - lattana banner - ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ
ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ -    AD conten website - ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ
ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ - lattana banner 1 - ຜູ້ຕິດໂຄວິດ 19 ບໍ່ແມ່ນເປົ້າຂອງຄວາມກຽດຊັງ ແລະ ຈຳແນກ
error: Alert: ເນື້ອຫາຂ່າວມີລິຂະສິດ !!