ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ

ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ - 205627989 1662233953980378 7487131394694325884 n - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ
ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ - AGL banner - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ

ວັນທີ 29 ມິຖຸນາ 2021 ນີ້ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄດ້ໃຫ້ສໍາພາດຜ່ານໜັງສືພິມປະຊາຊົນ ກ່ຽວກັບໂຄງການປຸກສ້າງຫໍສະພາແຫ່ງຊາດລາວຫຼັງໃໝ່ ວ່າ: ລາວ-ຫວຽດນາມ ເປັນສອງປະເທດອ້າຍນ້ອງທີ່ມີສາຍພູ ແລະ ແມ່ນໍ້າຕິດຈອດກັນ ແຕ່ເໜືອຮອດໃຕ້, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ແລະ ຫວຽດນາມ-ລາວ ໂດຍ ປະທານ ໂຮ່ຈິມິນ ຜູ້ນໍາທີ່ຍິ່ງໃຫຍ່ ແລະ ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ເຄົາລົບຮັກ ຮ່ວມກັນກໍ່ຕັ້ງຂຶ້ນ, ຖະນຸຖະໜອມ ແລະ ໄດ້ຮັບການເພີ່ມພູນຄູນສ້າງ ຈາກບັນດາຮຸ່ນຄົນຕ່າງໆ ສອງປະເທດໄດ້ພ້ອມກັນສືບທອດມາເປັນເວລາຫຼາຍທົດສະວັດທັງຢູ່ໃນໄລຍະຕໍ່ສູ້ກູ້ຊາດ ເພື່ອຍາດເອົາເອກະລາດແຫ່ງຊາດໃນເມື່ອກ່ອນ ກໍຄືໃນໄລຍະປົກປັກຮັກສາ ແລະ ພັດທະນາປະເທດຊາດໃນປັດຈຸບັນ.

ພວກຂ້າພະເຈົ້າມີຄວາມຊາບຊຶ້ງທີ່ເຫັນວ່າ ຕະຫຼອດໄລຍະຫຼາຍສິບປີຜ່ານມາ, ພັກ, ລັດຖະບານ ແລະ ປະຊາຊົນຫວຽດນາມ ຍາມໃດກໍມີຄວາມເປັນຫ່ວງເປັນໃຍ, ໃຫ້ການສະໜັບສະໜູນ, ຊ່ວຍເຫຼືອອັນໃຫຍ່ຫຼວງ, ລໍ້າຄ່າ, ທັນການ ແລະ ມີປະສິດທິຜົນໃຫ້ແກ່ພັກ, ລັດ ແລະ ປະຊາຊົນລາວ, ພິເສດ ເຖິງແມ່ນວ່າຫວຽດນາມ ກໍຍັງມີຄວາມຫຍຸ້ງຍາກຫຼາຍປະການແຕ່ດ້ວຍມິດຈິດມິດໃຈຖານສະຫາຍອ້າຍນ້ອງທີ່ແທ້ຈິງ, ຈຶ່ງໄດ້ບິແບ່ງທຶນຮອນເພື່ອຊ່ວຍ ພັກ, ລັດ ແລະ ປະຊາຊົນລາວເພື່ອປຸກສ້າງຫໍສະພາແຫ່ງຊາດຫຼັງໃໝ່ ດ້ວຍມູນຄ່າ 111,75 ລ້ານໂດລາ ໂດຍມອບໝາຍໃຫ້ແມ່ທັບນ້ອຍເປັນຜູ້ກໍ່ສ້າງ ນັບແຕ່ເດືອນກໍລະກົດ (7) 2018 ເປັນຕົ້ນມາ, ໂຄງການນີ້ແມ່ນຂອງຂວັນອັນລໍ້າຄ່າທີ່ສຸດ ຂອງພັກ, ລັດ ແລະ ປະຊາຊົນຫວຽດນາມ ໃຫ້ແກ່ ພັກ, ລັດ ແລະ ປະຊາຊົນລາວ, ເປັນໂຄງການທີ່ມີຄວາມໝາຍສໍາຄັນ, ເປັນສັນຍາລັກ ແລະ ຕົວແບບ ແຫ່ງຄວາມສາມັກຄີພິເສດ ທີ່ມີຊີວິດຊີວາ ລະຫວ່າງລາວ-ຫວຽດນາມ ບົນຈິດໃຈ “ເຂົ້າເມັດຫັກ ຜັກເສັ້ນໜຶ່ງກໍປັນກັນ”.
ການກໍ່ສ້າງໂຄງການອັນມີຄວາມໝາຍສໍາຄັນນີ້ ໄດ້ດໍາເນີນໄປໃນສະພາບການທີ່ທັງສອງປະເທດປະສົບກັບການແຜ່ລະບາດຂອງເຊື້ອພະຍາດໂຄວິດ-19 ກໍຕາມ ແຕ່ດ້ວຍຄວາມເອົາໃຈໃສ່ຂອງທັງສອງຝ່າຍ ຈຶ່ງເຮັດໃຫ້ຫໍສະພາແຫ່ງນີ້ ສາມາດນຳໃຊ້ເຂົ້າໃນການຈັດຕັ້ງກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ IX ໃນເດືອນມີນາຜ່ານມາມີຜົນສຳເລັດເປັນຢ່າງດີ, ເຖິງແມ່ນວ່າຍັງບໍ່ທັນສຳເລັດຢ່າງສົມບູນແບບ, ນີ້ກໍເປັນໜຶ່ງໃນຕົວແບບທີ່ຫາຍາກໃນການພົວພັນພິເສດ ລະຫວ່າງ ສອງພັກ, ສອງລັດ ແລະ ປະຊາຊົນ ສອງຊາດລາວ-ຫວຽດນາມອ້າຍນ້ອງພວກເຮົາ.
ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ -                                                              1024x683 - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ

ຫໍສະພາແຫ່ງຊາດຫຼັງໃໝ່ ຂອງລາວໄດ້ດຳເນີນການກໍ່ສ້າງໃນສະພາບການທີ່ເກືອບທຸກປະເທດໃນທົ່ວໂລກໄດ້ພວມປະເຊີນໜ້າກັບການແຜ່ລະບາດຂອງພະຍາດໂຄ ວິດ-19 ຢ່າງໜັກໜ່ວງ ຊຶ່ງ ສປປ ລາວ ແລະ ສສ ຫວຽດນາມ ກໍໄດ້ຮັບຜົນກະທົບຈາກ ສະພາບດັ່ງກ່າວຢ່າງຫຼີກລ່ຽງບໍ່ໄດ້; ແຕ່ສອງປະເທດໄດ້ດໍາເນີນນະໂຍບາຍແລະ ມາດຕະການ ປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດດັ່ງກ່າວຢ່າງເຂັ້ມງວດ ຊຶ່ງໄດ້ສົ່ງຜົນກະທົບໂດຍກົງຕໍ່ການດຳເນີນໂຄງການກໍ່ສ້າງຫໍສະພາແຫ່ງຊາດລາວຫຼັງໃໝ່, ແຕ່ໂດຍເຫັນໄດ້ຄວາມສຳຄັນ ຄວາມຈຳເປັນ ແລະ ການຕັດສິນໃຈຢ່າງເດັດດ່ຽວຂອງການນໍາສູງສຸດຂອງສອງປະເທດບວກກັບນໍ້າໃຈສາມັກຄີຮັກແພງ, ສະໜິດສະໜົມແບບພິເສດຂອງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມອ້າຍນ້ອງ ຈຶ່ງເຮັດໃຫ້ໂຄງການກໍ່ສ້າງຫໍສະພາແຫ່ງຊາດລາວຫຼັງໃໝ່ໄດ້ຮັບການດຳເນີນການກໍ່ສ້າງຢ່າງຕໍ່ເນື່ອງ ໂດຍການນຳໃຊ້ກົນໄກພິເສດຄຽງຄູ່ກັບມາດຕະການຄວບຄຸມຕ້ານ ແລະ ສະກັດກັ້ນການລະບາດຂອງພະຍາດໂຄວິດ-19 ເຮັດໃຫ້ໂຄງການສາມາດສຳເລັດໄປຕາມແຜນການກຳນົດໄວ້ແຕ່ລະໄລຍະ.

ຜົນສໍາເລັດຂອງການກໍ່ສ້າງຫໍສະພາແຫ່ງຊາດລາວຫຼັງໃໝ່, ໄດ້ມາຍ້ອນຄວາມຮັບຜິດຊອບ ແລະ ຄວາມຕັດສິນໃຈສູງຂອງຄະນະຮັບຜິດຊອບໂຄງການທຸກຂັ້ນຕະຫຼອດຮອດພະນັກງານ, ຊ່ຽວຊານ, ກໍາມະກອນທຸກຄົນທີ່ໄດ້ສຸມທຸກເຫື່ອແຮງ, ສະຕິປັນຍາ ແລະ ສີມືອັນປານີດຂອງຕົນ ໃນການປະຕິບັດໜ້າທີ່ການເມືອງອັນມີກຽດສະຫງ່າ, ໃນການດໍາເນີນໂຄງການກໍ່ສ້າງຫໍສະພາແຫ່ງຊາດລາວທັງເວັນ ແລະ ຄືນຢ່າງຕັ້ງໜ້າ ແລະ ບໍ່ຮູ້ອິດຮູ້ເມື່ອຍ. ຂ້າພະເຈົ້າຕີລາຄາສູງທີ່ສຸດ ຕໍ່ການປະຕິບັດໜ້າທີ່ດັ່ງກ່າວ, ພິເສດແມ່ນກ່ຽວກັບສີມືແຮງງານຂອງຊ່າງ ແລະ ແຮງງານໃນພາກສະໜາມວ່າມີສີມືທີ່ດີເລີດ, ສາມາດກໍ່ສ້າງຖືກຕ້ອງຕາມການອອກແບບທີ່ເປັນເອກະລັກ ແລະ ລັກສະນະພິເສດຂອງວັດທະນະທຳລາວ.

ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ - Wave100S AD to Website 2020 0 - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ

ຫໍສະພາແຫ່ງນີ້ ມີຄວາມໂອໂຖງ, ມີຄວາມສະຫງ່າ, ມີຄຸນນະພາບດ້ານສິລະປະກໍາ, ສະຖາປັດຕະຍະກໍາ ຕາມມາດຕະຖານເຕັກນິກທີ່ທັນສະໄໝໃນການອອກແບບ ແລະ ການກໍ່ສ້າງ, ມີຄວາມງົດງາມດ້ວຍເອກະລັກສະເພາະ ແລະ ສະຖາປັດຕະຍາກຳແບບລາວ. ສາມາດເວົ້າໄດ້ວ່າຫໍສະພາແຫ່ງຊາດລາວຫຼັງໃໝ່ແຫ່ງນີ້ ຈະເປັນສະຖານທີ່ເຮັດວຽກ ທີ່ມີເງື່ອນໄຂອຳນວຍຄວາມສະດວກທັນສະໄໝທີ່ສຸດໃຫ້ແກ່ສະມາຊິກສະພາແຫ່ງຊາດ ແລະ ພະນັກງານທັງໝົດຂອງສະພາແຫ່ງຊາດລາວ ໃນການປະຕິບັດໜ້າທີ່ການເມືອງຂອງຕົນເປັນຕົ້ນແມ່ນການດໍາເນີນກອງປະຊຸມສະໄໝສາມັນຂອງສະພາແຫ່ງຊາດ, ການຕ້ອນຮັບແຂກພາຍໃນ ແລະ ຕ່າງປະເທດ. ນອກຈາກນີ້, ຫໍສະພາແຫ່ງຊາດແຫ່ງນີ້ ຍັງຈະເປັນສະຖານທີ່ ທັດສະນະສຶກສາຂອງປະຊາຊົນ ໂດຍສະເພາະແກ່ຄົນຮຸ່ນໜຸ່ມຂອງລາວ ເພື່ອຮຽນຮູ້ກ່ຽວກັບ ລະບອບການເມືອງ, ລະບົບການຈັດຕັ້ງ ແລະ ການເຄື່ອນໄຫວຂອງອົງການນິຕິບັນຍັດທີ່ເປັນຕົວແທນແຫ່ງສິດ ແລະ ຜົນປະໂຫຍດຂອງຕົນ ແລະ ທັງເປັນບ່ອນຮຽນຮູ້ ກ່ຽວກັບມູນເຊື້ອຄວາມສາມັກຄີພິເສດ ລາວ-ຫວຽດນາມ. ຫໍສະພາແຫ່ງຊາດຫຼັງນີ້ ຈະປະກອບສ່ວນຍົກສູງບົດບາດ ແລະ ຄຸນນະພາບຂອງສະພາແຫ່ງຊາດທັງໃນການປະຕິບັດໜ້າທີ່ຂອງຕົນ ທັງໃນການເຄື່ອນໄຫວພາຍໃນ, ໃນເວທີພາກພື້ນ ແລະ ສາກົນ.
ທ່ານປະທານສະພາແຫ່ງຊາດຍັງໄດ້ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນຊົ່ວກາລະນານ.

ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ - lattana banner - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ
ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ - lattana banner 1 - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ
ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ -    AD conten website - ຫໍສະພາແຫ່ງຊາດຫຼັງໃໝ່ແມ່ນຂອງຂວັນອັນລໍ້າຄ່າທີ່ ສສ ຫວຽດນາມ ມອບໃຫ້ ມູນຄ່າ 111,75 ລ້ານໂດລາ
error: Alert: ເນື້ອຫາຂ່າວມີລິຂະສິດ !!