ຮອງນາຍົກລັດຖະມົນຕີ ອອສເຕຣເລຍ ຖືກປັບໃໝ ຍ້ອນບໍ່ໃສ່ຜ້າປິດປາກ

ສຳນັກຂ່າວ ຣອຍເຕີ ລາຍງານວັນທີ 29 ມິຖຸນາ 2021 ນີ້ ໃຫ້ຮູ້ວ່າ: ເຈົ້າໜ້າທີ ອອສເຕຣເລຍ ຄົນໜຶ່ງວ່າທ່ານ Barnaby Joyce ຊຶ່ງເປັນຮອງນາຍົກລັດຖະມົນຕີ ອອສເຕຣເລຍ ຖືກປັບໃໝ່ 200 ໂດລາອອສເຕຣເລຍ ເນື່ຶອງຈາກວ່າບໍ່ໃສ່ຜ້າປິດປາກໃນຂະນະທີ່ຈອດເຕີມນໍ້າມັນລົດຢູ່ທີ່ປໍ້ານໍ້າມັນແຫ່ງໜຶ່ງເມື່ອວັນທີ 28 ຜ່ານມາ.

ຜູ້ທີ່ເຫັນເຫດການ ໄດ້ໂທຫາສາຍດ່ວນ, ທັນທີເຈົ້າໜ້າທີ່ຕຳຫຼວດກໍມາເຖິງຈຸດເກີດເຫດ, ເຫັນຊາຍຄົນໜຶ່ງອາຍຸປະມານ 54 ປີບໍ່ໃສ່ຜ້າປິດປາກ ແລະ ຖືກປັບໄໝເປັນເງິນ 200 ໂດລາອອສເຕຣເລຍ ເນື່ອງຈາກລະເມີດຂໍ້ຫ້າມຂອງທາງສາທາລະນະສຸກໃນທີ່ສາທາລະນະ ບໍ່ໃສ່ຜ້າປິດປາກ.

ທ່ານ Joyce ໃຫ້ຮູ້ວ່າ: “ບົນເສັ້ນທາງໄປສະໜາມບິນ ຕົນໄດ້ແວ່ເຕີມນໍ້າມັນລົດຢູ່ປໍ້າແຫ່ງໜຶ່ງ ພຽງ 30 ວິນາທີໂດຍບໍ່ໃສ່ຜ້າປິດປາກ ກໍຖືກເຈົ້າໜ້າທີ່ປັບໃໝ 200 ໂດລາ”.