9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ

9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ - 041904 2021 - 9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ
9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ - AGL banner - 9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ

ຫລາຍທ່ານອາດຈະພໍຮູ້ກັນດີຢູ່ແລ້ວວ່າ ອາຫານປະເພດໂປຣຕິນຈະຊ່ວຍເພີ່ມພະລັງງານ ເຮັດໃຫ້ເຮົາມີແຮງທີ່ຈະເຮັດ ກິດຈະກຳຕ່າງໆໃນຊີວິດປະຈຳວັນໄດ້. ດັ່ງນັ້ນ, ຫາກກິນໂປຣຕິນໜ້ອຍເກີນໄປ ຮ່າງກາຍຈະເລີ່ມສົ່ສັນຍານບອກເຮົາທັນທີ ລອງມາກວດເບິ່ງກັນວ່າທ່ານໄດ້ຮັບໂປຣຕິນໜ້ອຍເກີນໄປຫລືບໍ່ ?

9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ - Wave100S AD to Website 2020 0 - 9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ
  1. ອາການບວມນ້ຳ : ອ້າງອີງຈາກ Will Smelko ຜູ້ຮ່ວມກໍ່ຕັ້ງແບຣນ Ora Organic ກ່າວໄວ້ວ່າ : ອາການບວມນ້ຳ ສາມາດເກີດຂຶ້ນໄດ້ເມື່ອຮ່າງກາຍໄດ້ຮັບໂປຣຕິນບໍ່ພຽງພໍ. ດັ່ງນັ້ນ, ຫາກຮູ້ສຶກວ່າຕົນໂຕບວມແປກໆ ໃຫ້ຮີບກວດເຊັກ ລະດັບໂປຣຕິນໃນຮ່າງກາຍ ບໍ່ແນ່ອາດຈະເປັນສາເຫດຂອງອາການບວມນ້ຳກໍໄດ້.
  2. ຫາຍໃຈຖີ່ : ເມື່ອໄດ້ຮັບໂປຣຕິນບໍ່ພຽງພໍ ຮ່າງກາຍຈະອ່ອນເພຍ, ເມື່ອຍງ່າຍ, ຫາຍໃຈຖີ່, ອິດເມື່ອຍອ່ອນເພຍ ເຊິ່ງອາການທັງໝົດນີ້ກໍເປັນອາການທີ່ພົບໃນຄົນປ່ວຍພະຍາດເລືອດຈາງຄືກັນ ຫາກເລີ່ມມີອາການດັ່ງກ່າວກໍຄວນ ກວດເບິ່ງວ່າກິນໂປຣຕິນໜ້ອຍເກີນໄປຫລືບໍ່.
  3. ກິນອາຫານແລ້ວບໍ່ຄ່ອຍອີ່ມ : Allison Stowell ນັກໂພຊະນາການຂອງແບຣກ Guilding Stars ກ່າວໄວ້ວ່າ : ທ່ານຈະຮູ້ສຶກຢາກອາຫານຕະຫລອດເວລາ ຫາກບໍ່ໄດ້ຮັບໂປຣຕິນທີ່ພຽງພໍ ເມື່ອເວົ້າເຖິງອາຫານວ່າງ ເຮົາມັກຈະ ຖືເບົາໂປຣຕິນໄປ, ແຕ່ຄວາມຈິງແລ້ວການກິນອາຫານວ່າງທີ່ມີແຕ່ຄາໂບໄຮເດຣດພຽງຢ່າງດຽວບໍ່ໄດ້ຊ່ວຍໃຫ້ທ່ານ ເຊົາຫິວ. ລອງຫາອາຫານວ່າງທີ່ມີໂປຣຕິນເປັນສ່ວນປະສົມຢ່າງໜ້ອຍ 5 ກຣາມ, ຊີສທ່ອນ, ຖົ່ວ ປະມານ 1 ກຣາມ ຫລື ເນີຍຖົ່ວປະມານ 2 ບ່ວງແກງ ມາກິນເປັນອາຫານວ່າງ ຈະຊ່ວຍໃຫ້ຮ່າງກາຍໄດ້ຮັບໂປຣຕິນທີ່ພຽງພໍຫລາຍຂຶ້ນ.
  4. ຫິວງ່າຍຂຶ້ນ : Kick@55 Fitness ເຈົ້າຂອງ ແລະ ຄູຝຶກຟິດເນສ ໄດ້ບອກວ່າ : ລູກຄ້າຂອງລາວຫລາຍຄົນມັກຈະມາ ປຶກສາວ່າພວກເຂົາຫິວງ່າຍ ແລະ ຈະມັກຢາກກິນຂອງຫວານໃນຕອນແລງ ເຊິ່ງວິທີແກ້ໄຂບັນຫານີ້ອັນດັບທຳອິດທີ່ ລາວມັກຈະສະເໜີໃຫ້ລູກຄ້າທຸກຄົນກໍຄື ໃຫ້ເພີ່ມໂປຣຕິນໃນທຸກຄາບເຂົ້າ ລວມໄປເຖິງອາຫານວ່າງນຳ ເພື່ອຮັກສາ ລະດັບນ້ຳຕານ ຊ່ວຍໃຫ້ອີ່ມທ້ອງ ແລະ ຫລຸດຄວາມຢາກອາຫານຕະຫລອດເວລາ.
  5. ຮູ້ສຶກອິດເມື່ອຍອ່ອນເພຍແມ່ນແຕ່ຫລັງກິນອາຫານແລ້ວ : Lanette Kovachi ນັກໂພຊະນາການຂອງ Subway ກ່າວໄວ້ວ່າ : ຜູ້ທີ່ກິນໂປຣຕິນບໍ່ພຽງພໍໃນເຂົ້າເຊົ້າ ອາດສົ່ງຜົນຮ້າຍຕໍ່ທ່ານໄປໝົດມື້ ເຮັດໃຫ້ຫິວງ່າຍ ແລະ ອິດເມື່ອຍ ອ່ອນເພຍ – ເຊື່ອງຊ້າ ເນື່ອງຈາກຄາບເຂົ້າຂອງທ່ານອາດມີຄາໂບໄຮເດຣດຫລາຍເກີນໄປ, ແຕ່ຂາດໂປຣຕິນ ແລະ ເສັ້ນໄຍອາຫານ ໃຫ້ລອງປີ້ງເຂົ້າໜົມປັງ, ເຂົ້າຈີ່ ປະກົບກັບໄຂ່ດາວ ຫລື ໄຂ່ຂາວ ອາດເພີ່ມໂຢເກິດກັບໝາກໄມ້ສັບ ຫລື ກິນຊີຣຽວຄູ່ກັບນົມ ເພື່ອເພີ່ມໂປຣຕິນໃຫ້ກັບຄາບເຂົ້າ.
  6. ຮ່າງກາຍຟື້ນຟູຕົວເອງຊ້າ : Axe ໄດ້ບອກໄວ້ວ່າ : ຫາກທ່ານໄດ້ຮັບບາດເຈັບຢູ່ຫລາຍເທື່ອ ແລະ ນານເຊົາເກີນ ກ່ວາຄຳບົ່ງມະຕິ ຫລື ການປະເມີນຂອງແພດ ອາດເປັນສາເຫດມາຈາກຮ່າງກາຍໄດ້ຮັບໂປຣຕິນບໍ່ພຽງພໍ ເນື່ອງຈາກ ໂປຣຕິນມີສ່ວນຊ່ວຍຟື້ນຟູກ້າມຊີ້ນ. ດັ່ງນັ້ນ, ຫາກໃຜພົບບັນຫານີ້ຢູ່ໃຫ້ລອງສຳຫລວດຕົນເອງເບິ່ງວ່າກິນໂປຣຕິນ ຫລາຍພຽງພໍຫລືຍັງ.
  7. ຜົມຫລົ່ນ : ການທີ່ຜົມຫລົ່ນ ຫລື ຜົມສຸຂະພາບບໍ່ດີ ສາມາດເກີດຂຶ້ນໄດ້ເມື່ອຮ່າງກາຍໄດ້ຮັບໂປຣຕິນໜ້ອຍເກີນໄປ ເນື່ອງຈາກເສັ້ນຜົມຕ້ອງການໂປຣຕິນເພື່ອໄປສ້າງຄວາມແຂງແຮງໃຫ້ກັບຮາກຜົມ. ດັ່ງນັ້ນ, ຖ້າຫາກບໍ່ຢາກໃຫ້ຜົມ ຫລົ່ນຫລາຍໄປກ່ວານີ້ ຄວນກິນໂປຣຕິນໃຫ້ຫລາຍຂຶ້ນ.
  8. ພູມຕ້ານທານຕ່ຳ : ຫາກຮ່າງກາຍຂາດໂປຣຕິນ ທ່ານອາດປ່ວຍງ່າຍຂຶ້ນ ແລະ ປ່ວຍຕະຫລອດ ເນື່ອງຈາກຮ່າງກາຍ ຕ້ອງການໂປຣຕິນເພື່ອເອົາໄປສ້າງກ້າມຊີ້ນ ແລະ ຊ່ວຍໃຫ້ຮ່າງກາຍແຂງແຮງ ເຊິ່ງເມື່ອຮ່າງກາຍແຂງແຮງແລ້ວ ພູມຕ້ານທານຂອງເຮົາກໍຈະເພີ່ມຂຶ້ນນຳ. ດັ່ງນັ້ນ, ຫາກທ່ານປ່ວຍຢູ່ຕະຫລອດ ກໍລອງກິນໂປຣຕິນເພີ່ມຂຶ້ນ ບໍ່ແນ່ວ່າ ຮ່າງກາຍອາດຈະກັບມາແຂງແຮງ ບໍ່ເຈັບໄຂ້ໄດ້ປ່ວຍງ່າຍຄືແຕ່ກ່ອນກໍເປັນໄດ້.
  9. ຜິວແຫ້ງ-ຫຍາບ : ຫາກພົບວ່າຜິວໜັງແຫ້ງ ແລະ ຫຍາບ, ສຳຜັດແລ້ວບໍ່ກ້ຽງນຽນ ນັ້ນອາດໝາຍຄວາມວ່າທ່ານກຳລັງ ກິນໂປຣຕິນໜ້ອຍເກີນໄປແລ້ວ ຫາກເກີດອາການເຫລົ່ານີ້ກໍຄວນຮີບກິນໂປຣຕິນໃຫ້ຫລາຍຂຶ້ນ ແລ້ວສັງເກດເບິ່ງວ່າ ສຸຂະພາບຜິວໜັງດີຂຶ້ນຫລືບໍ່ ຫາກຍັງບໍ່ດີຂຶ້ນກໍຄວນໄປພົບແພດ ຫລື ນັກໂພຊະນາການ ເພື່ອສຸຂະພາບທີ່ດີຂອງທ່ານ.
9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ - lattana banner 1 - 9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ
9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ -    AD conten website - 9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ
9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ - lattana banner - 9 ສັນຍານບອກວ່າທ່ານໄດ້ຮັບໂປຣຕິນໜ້ອຍເກີນໄປ
error: Alert: ເນື້ອຫາຂ່າວມີລິຂະສິດ !!