ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່

ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - IMG 20210630 093631 scaled - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - AGL banner - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ໃນວັນທີ 30 ມິຖຸນາ 2021 ຜ່ານມາ,  ບໍລິສັດ ລາວເນເຊີນນໍ ເພເມັ້ນ ເນັດເວີກ ຈຳກັດ (LAPNet) ໄດ້ຈັດພິທີປະກາດ ມອບ-ຮັບໜ້າທີ່ ປະທານສະພາບໍລິຫານຂອງບໍລິສັດ ລະຫວ່າງ ທ່ານ ລັດສະໝີ ສຸວັນທອງ (ຜູ້ເກົ່າ) ແລະ ທ່ານ ສຸລິສັກ ທຳນຸວົງ (ຜູ້ໃໝ່) ພ້ອມທັງປະກາດການແຕ່ງຕັ້ງຄະນະສະພາບໍລິຫານຊຸດໃໝ່.
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - IMG 20210630 094947 300x225 - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ໃນພິທີດັ່ງກ່າວ, ທ່ານ ລັດສະໝີ ສຸວັນທອງ ປະທານສະພາບໍລິຫານຜູ້ເກົ່າ ໄດ້ກ່າວຄຳຂອບໃຈມາຍັງບັນດາສະມາຊິກສະພາບໍລິຫານ ແລະ ບໍລິສັດ LAPNet ທີ່ໄດ້ຮ່ວມແຮງຮ່ວມໃຈກັນ ລະດົມຄວາມຄິດ ເຮັດໃຫ້ບໍລິສັດສາມາດກ້າວມາຍັງຈຸດນີ້ໄດ້ ຊຶ່ງແຕ່ລະຄຳເຫັນຂອງບັນດາສະມາຊິກສະພາບໍລິຫານ ແມ່ນມີຄວາມໝາຍຄວາມສຳຄັນໃນການຈັດຕັ້ງປະຕິບັດວຽກງານຂອງບໍລິສັດໃນໄລຍະຜ່ານມາ. ຢ່າງໃດກໍຕາມ, ຍັງມີສິ່ງທ້າທາຍທີ່ຍັງຄົງຄ້າງຢູ່ໃນໃຈ ກໍຄື ລະບົບໂອນເງິນຜ່ານມືຖືທີ່ພວກເຮົາມີຄວາມຕັ້ງໃຈຢາກເຮັດນັ້ນ ແມ່ນຍັງບໍ່ທັນສຳເລັດໂດຍສົມບູນເທື່ອ. ດັ່ງນັ້ນ, ຈຶ່ງຂໍຝາກໃຫ້ປະທານສະພາບໍລິຫານຜູ້ໃຫມ່ ເປັນຜູ້ສືບຕໍ່ນຳພາເຮັດໃຫ້ສຳເລັດ ແລະ ເຮັດໃຫ້ບໍລິສັດ LAPNet ກາຍເປັນບໍລິສັດຕົວແບບໃນການດຳເນີນທຸລະກິດທີ່ປະສົບຜົນສຳເລັດສູງສຸດ.
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - IMG 20210630 173541 300x225 - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ໂອກາດນີ້, ທ່ານ ສຸລິສັກ ທຳນຸວົງ ປະທານສະພາບໍລິຫານຜູ້ໃໝ່ ໄດ້ກ່າວຄຳຂອບໃຈ ແລະ ຊົມເຊີຍທ່ານປະທານສະພາບໍລິຫານຜູ້ເກົ່າ ຕໍ່ຜົນງານທີ່ມີໃນໄລຍະຜ່ານມາ ແລະ ກ່າວຂອບໃຈຕໍ່ທີ່ປະຊຸມ ທີ່ໄດ້ໃຫ້ຄວາມໄວ້ເນື້ອເຊື່ອໃຈໃນການເປັນຜູ້ສືບຕໍ່ພາລະກິດນຳພາບໍລິສັດ ກ້າວໄປເຖິງຈຸດໝາຍການເປັນສູນກາງເຊື່ອມຕໍ່ຂອງການຊຳລະ ໃຫ້ສາມາດເຊື່ອມໃຊ້ຮ່ວມກັນທົ່ວລະບົບຢ່າງໝັ້ນຄົງ. ພ້ອມນັ້ນ, ທ່ານກໍ່ຍັງໄດ້ນໍາເອົາເນື້ອໃນຈິດໃຈຂອງພາກລັດ ກໍຄື ຂອງ ທະນາຄານແຫ່ງ ສປປ ລາວ ມາເຜີຍແຜ່ໃນທີ່ປະຊຸມໃຫ້ມີຄວາມເຂົ້າໃຈ ເຖິງການໃຫ້ຄວາມສຳຄັນຂອງພາກລັດ ຕໍ່ກັບພາລະບົດບາດຂອງບໍລິສັດ LAPNet, ໂດຍໄດ້ຊີ້ໃຫ້ເຫັນວ່າ: ຫົວໃຈຂອງຂະແໜງການທະນາຄານແມ່ນລະບົບການຊຳລະທຸລະກຳຍ່ອຍ ທີ່ ບໍລິສັດ LAPNet ເປັນຜູ້ຄວບຄຸມລະບົບນີ້ ເຮັດໃຫ້ການຊຳລະ ຫຼືການໂອນເງິນຂ້າມທະນາຄານ ມີຄວາມສະດວກສະບາຍ ແລະ ລະບົບນີ້ ເປັນອົງປະກອບຫຼັກໃນການປະກອບສ່ວນເຂົ້າໃນການຈັດຕັ້ງປະຕິບັດ ແຜນຍຸດທະສາດການພັດທະນາແໜງການເງິນ-ເງິນຕາ ແລະ ຍຸດທະສາດການພັດທະນາລະບົບການຊຳລະຂອງຂະແໜງທະນາຄານ-ການເງິນ ຂອງ ທະນາຄານແຫ່ງ ສປປ ລາວ ຊຶ່ງເປັນການສ້າງປະຖົມປັດໄຈໃຫ້ແກ່ການກ້າວໄປສູ່ເສດຖະກິດດິຈິຕອນ ຂອງລັດຖະບານທີ່ໄດ້ຖືກຮັບຮອງເອົາແລ້ວນັ້ນ. ນອກນັ້ນ, ກະຊວງການເງິນ ກໍມີແຜນແມ່ບົດໃນການຫັນການເກັບລາຍຮັບ ແລະ ຄຸ້ມຄອງລາຍຈ່າຍງົບປະມານ ເປັນທັນສະໄໝ. ສະນັ້ນ, ຈຶ່ງເປັນສິ່ງແນ່ນອນວ່າ ບໍລິສັດ LAPNet ຕ້ອງຮີບຮ້ອນສ້າງຕົນເອງໃຫ້ເຂັ້ມແຂງ ກາຍເປັນເປັນສູນກາງເຊື່ອມຕໍ່ຂອງການຊຳລະ ເພື່ອສ່ວນລວມຢ່າງແທ້ຈິງ.
ນອກນີ້, ທ່ານປະທານສະພາບໍລິຫານຜູ້ໃໝ່ ກໍໄດ້ໃຫ້ຄຳໝັ້ນສັນຍາ ຈະສືບຕໍ່ຜົນງານຂອງທ່ານປະທານຜູ້ເກົ່າໄດ້ສ້າງໄວ້ໃນໄລຍະຜ່ານມາ ແລະ ຈະນຳພາສະພາບໍລິຫານຊຸດໃໝ່ສ້າງຜົນງານໃໝ່ໃຫ້ດີຂຶ້ນກວ່າເກົ່າໃນຕໍ່ໜ້າ.
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - Wave100S AD to Website 2020 0 - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - lattana banner - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ - lattana banner 1 - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່ -    AD conten website - ທ່ານ ສຸລິສັກ ທຳນຸວົງ ປະທານສະພາບໍລິຫານ ບໍລິສັດ LAPNet ຜູ້ໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!