ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່

ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ - IMG 5704 - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່
ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ - AGL banner - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່

ໃນວັນທີ 6 ກໍລະກົດ 2021 ນີ້,  ກະຊວງສາທາລະນະສຸກ ແລະ ອົງການສະຫະປະຊາຊາດກອງທຶນສຳລັບປະຊາກອນ (UNFPA) ໄດ້ຮ່ວມກັນຈັດພິທີສະເຫຼີມສະຫຼອງວັນຜະດຸງຄັນສາກົນ ທາງອອນລາຍ ທີ່ນະຄອນຫຼວງວຽງຈັນ, ພາຍໃຕ້ຫົວຂໍ້ທີ່ວ່າ: ເຊື່ອໝັ້ນໃນຂໍ້ມູນໃຫ້ລົງທຶນໃນຜະດຸງຄັນ ເພື່ອຍົກສູງຄວາມສຳຄັນຂອງຜະດຸງຄັນ ທີ່ໄດ້ຊ່ວຍຊີວິດແມ່ ແລະ ເດັກເກີດໃໝ່ ແລະ ຄວາມສຳຄັນໃນການລົງທຶນໃສ່ການພັດທະນາຜະດຸງຄັນໂດຍລວມ.

ຜະດຸງຄັນ ມີບົດບາດສຳຄັນຫຼາຍຕໍ່ການບໍລິການ ສຸຂະພາບຈະເລີນພັນ ແມ່, ເດັກເກີດໃໝ່, ເດັກນ້ອຍ ແລະ ໄວໜຸ່ມ, ພວກເຂົາແມ່ນຜູ້ໃຫ້ບໍລິການທີ່ສາມາດຊ່ວຍຊີວິດຂອງແມ່ແລະເດັກ, ເຂົາຍັງສາມາດໃຫ້ຄຳປຶກສາດ້ານສຸຂະພາບຂັ້ນຕົ້ນໃຫ້ແມ່ຍິງ ແລະ ເດັກຍິງເຊິ່ງນຳໄປສູ່ການປ້ອງກັນການຕາຍຂອງແມ່ຍິງຖືພາແລະເດັກເກີດໃໝ່ອີກດ້ວຍ. ຈາກຜົນສຳຫຼວດທົ່ວໂລກ, ໃນແຕ່ລະປີ ຜະດຸງຄັນສາມາດຊ່ວຍຊີວິດໄດ້ຫຼາຍກວ່າລ້ານຄົນ.

ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ - 0879 300x225 - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່

ທ່ານ ປອ ດຣ ຈັນຖະຫອມ ມະນີທິບ, ຮັກສາການ ຫົວຫນ້າຫ້ອງການ ກະຊວງສາທາລະນະສຸກ ໄດ້ກ່າວວ່າ:ການຈັດຕັ້ງສະເຫຼີມສະຫຼອງວັນຜະດຸງຄັນຂຶ້ນໃນມື້ນີ້ ແມ່ນເຫດການໜຶ່ງທີ່ສຳຄັນ ແລະ ມີຄວາມໝາຍຢ່າງເລິກເຊິ່ງ ເປັນການສະແດງເຖິງຄວາມເປັນຫ່ວງເປັນໄຍຂອງພັກ ແລະ ລັດຖະບານ ໃນການເພີ່ມທະວີຄວາມເອົາໃຈໃສ່ໃນການບໍລິການເບິ່ງແຍງສຸຂະພາບໃຫ້ແກ່ປະຊາຊົນລາວບັນດາເຜົ່າ ໂດຍສະເພາະຕໍ່ສຸຂະພາບຂອງແມ່ຍິງ, ເດັກເກີດໃໝ່, ເດັກນ້ອຍ, ເຍົາວະຊົນ ແລະ ໄວໜຸ່ມ ທັງເປັນການ ຂໍການສະໜັບສະໜູນ ຈາກການນຳທຸກຂັ້ນ ນັບແຕ່ຂັ້ນສູນກາງ ແລະ ອຳນາດການປົກຄອງຂັ້ນຕ່າງໆ ໃຫ້ເກີດຄວາມເຂົ້າໃຈ ປຸກລະດົມບຸກຄົນ, ຄອບຄົວ ແລະ ຊຸມຊົນ ເພື່ອສ້າງຄວາມເຂົ້າໃຈ ແລະ ເຫັນໄດ້ຄວາມສຳຄັນຂອງວຽກງານການຮັກສາສຸຂະພາບຂອງຂອງແມ່ ແລະ ເດັກ ພ້ອມທັງ ສ້າງຄວາມເຂົ້າໃຈໃຫ້ ສາມີຍອມຮັບການຕັດສິນໃຈຂອງແມ່ຍິງໃນກໍລະນີ ທີ່ເຂົາເຈົ້າມີຄວາມຕ້ອງການໃນການຮັກສາສຸຂະພາບຂອງຕົນເອງ ລວມທັງການວາງແຜນຄອບຄົວ

ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ - Wave100S AD to Website 2020 0 - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່

ຈາກການສຳຫຼວດຂອງອົງການສະຫະປະຊາຊາດ ໃຫ້ຮູ້ວ່າ: ອັດຕາການຕາຍສະເລ່ຍຂອງແມ່ຍິງຖືພາແມ່ນໄດ້ຫຼຸດລົງຈາກ 544 ຕໍ່ 100,000 ຄົນ ໃນປີ 2000 ເຫຼືອພຽງແຕ່ 185 ຕໍ່ 100,000 ຄົນ ໃນປີ 2017 ແລະ ມີການເພີ່ມຂຶ້ນຂອງຕົວເລກບຸກຄາລະກອນຜະດຸງຄັນໃນວຽກງານສຸຂະພາບຈະເລີນພັນຈາກ 19% ໃນປີ 2014 ຂຶ້ນມາເປັນ 62% ໃນປີ 2021, ແຕ່ຈາກບຸກຄາລະກອນຜະດຸງຄັນທັງໝົດແມ່ນມີພຽງ 12% ເທົ່ານັ້ນທີ່ໄດ້ຮັບການເຝິກອົບຮົບໄດ້ມາດຕະຖານສາກົນ. ແລ້ວເພື່ອໃຫ້ບັນລຸເປົ້າໝາຍທີ່ໄດ້ວາງໄວ້ໃນປີ 2030, ປະເທດເຮົາຕ້ອງໄດ້ເຝິກບຸກຄາລະກອນຜະດຸງຄັນໃຫ້ໄດ້ມາດຕະຖານສາກົນເພີ່ມອີກຫຼາຍກວ່າ 3000 ຄົນ. ສະນັ້ນ, ເຮົາຕ້ອງມີແຜນການລົງທຶນທີ່ພົ້ນເດັ່ນໃນການພັດທະນາບຸກຄາລະກອນຜະດຸງຄັນຊຸດໃໝ່ ແລະ ຕ້ອງໄດ້ຍົກລະດັບຄວາມສາມາດຂອງຜະດຸງຄັນ 1,500 ຄົນ ໃຫ້ໄດ້ມາດຕະຖານພຽງພໍ.

ທ່ານ ນາງ ມາຣຽມ ຄານ, ຜູ້ຕາງໜ້າອົງການ UNFPA ປະຈຳລາວ ໄດ້ກ່າວວ່າ: ການລົງທຶນໃນຜະດຸງຄັນແມ່ນໄດ້ຊ່ວຍຊີວິດຂອງແມ່ຍິງ ແລະເດັກນ້ອຍ, ໃນປີນີ້ພວກເຮົາໄດ້ພົບວ່າປະເທດລາວ ແມ່ນໜຶ່ງໃນບັນດາປະເທດທີ່ ຜົນກະທົບຂອງຜະດຸງຄັນມີແນວໂນ້ມສູງທີ່ສຸດໃນໂລກ. ໃນຄວາມເປັນຈິງແລ້ວປະມານສອງໃນສາມຂອງແມ່ຍິງແລະເດັກນ້ອຍທີ່ເສຍຊີວິດ ສາມາດລອດຊີວິດໄດ້ ຖ້າຫາກວ່າພວກເຂົາໄດ້ເຂົ້າເຖິງການບໍລິການຜະດຸງຄັນສາກົນ.

ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ -    AD conten website - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່
ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ - lattana banner - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່
ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່ - lattana banner 1 - ຍົກສູງຄວາມສຳຄັນຂອງຜະດຸງຄັນ ເພື່ອຊ່ວຍຊີວິດແມ່ ແລະ ເດັກເກີດໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!