ສະພາອີຣານຜ່ານຍັດຕິໃຫ້ເລັ່ງ ເພີ່ມທຶນໂຄງການຕອບໂຕ້ອາເມລິກາ

- 1500375202435 960x0 - ສະພາອີຣານຜ່ານຍັດຕິໃຫ້ເລັ່ງ ເພີ່ມທຶນໂຄງການຕອບໂຕ້ອາເມລິກາ
- Untitled design - ສະພາອີຣານຜ່ານຍັດຕິໃຫ້ເລັ່ງ ເພີ່ມທຶນໂຄງການຕອບໂຕ້ອາເມລິກາ

ສື່​ອີຣານລາຍ​ງານ​ວ່າ: ສະມາຊິກ​ສະພາ​ອີຣານລົງມະຕິ​ດ້ວຍ​ຄະ​ແນນ​ສຽງ​ຢ່າງ​ຫລວງຫລາຍ​ຜ່ານ​ຍັດຕິ​​ເລັ່ງ​ເພີ່ມ​ງົບປະມານ​ໃຫ້​ໂຄງການ​ລູກ​ສອນ​ໄຟ ​ແລະ ກອງ​ກຳລັງ​ຮັກສາ​ການ​ປະຕິວັດ ​ເພື່ອ​ຕອບ​ໂຕ້​ອາ​ເມ​ລິ​ກາ.

ສະມາຊິກ​ລັດຖະສະພາ​ສະ​ເໜີ​ຍັດຕິ​ນີ້​ແຕ່​ເດືອນ​ມິຖຸນາ ​ເມື່ອ​ວຸດ​ທິສະພາ​ອາ​ເມ​ລິ​ກາ​ຜ່ານ​ມາດ​ຕະການ​ຂວ້ຳບາດ​ອີຣານ​ເທື່ອ​ໃໝ່ ​ແລະ ສົ່ງ​ຕໍ່​ໄປ​ສະພາ​ຜູ້​ແທນ​ລາຊະ​ດອນ. ທ່ານ ອາລີ ລາຣິຈາ​ນີ ປະທານ​ສະພາ​ອີຣານ ກ່າວ​ວ່າ: ຍັດຕິ​ນີ້​ເປັນ​ການ​ສົ່ງ​ສານ​ຈະ​ແຈ້ງ​ໄປ​ເຖິງ​ຄົນ​ອາ​ເມ​ລິ​ກາ​ວ່າ​ລັດຖະສະພາອີຣານຈະ​ຕໍ່ຕ້ານ​ອາ​ເມ​ລິ​ກາ​ຢ່າງ​ສຸດ​ກຳລັງ, ​ເປັນ​ຍັດຕິ​ໃຫ້​ເລັ່ງຜ່ານ​ຮ່າງ​ກົດໝາຍ​ໃຫ້​ອຳນາດ​ລັດຖະບານ​ຈັດ​ສັນ​ງົບປະມານ​ເພີ່ມ​ອີກ 260 ລ້ານ​ໂດ​ລາ​ສະຫະລັດ ​ໃຫ້​ກອງທັບ​ພັດທະນາ​ໂຄງການ​ລູກ​ສອນ​ໄຟ ​ແລະ ງົບປະມານ​ຈຳນວນ​ດຽວ​ກັນ​ໃຫ້​ໜ່ວຍ​ປະຕິບັດ​ການ​ຕ່າງປະ​ເທດ​ຂອງ​ກອງ​ກຳລັງ​ຮັກສາ​ການ​ປະຕິວັດ.

ລັດຖະບານ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ສະ​ແດງ​ທ່າ​ທີ​ແຂງ​ແກ່ນ​ກັບ​ອີຣານມາ​ໂດຍ​ຕະຫລອດ ​ໂດຍ​ການ​ຮັບປາກ​ວ່າ​ຈະ​ຂວ້ຳບາດ​ອີຣານ​ເທື່ອ​ໃໝ່ທີ່ບໍ່​ແມ່ນ​ເລື່ອງ​ນິວ​ເຄຼຍ ​ແລະ ຈະ​ເຂັ້ມງວດ​ຂໍ້​ຕົກລົງ​ນິວ​ເຄຼຍທີ່​ອີຣານບັນລຸ​ກັບ​ມະຫາ​ອຳນາດ​​ໃນ 2 ປີກ່ອນ. ​ເຖິງ​ຢ່າງ​ໃດ​ກໍ​ດີ, ທຳນຽບຂາວ​ຖະ​ແຫລ​ງ​ໃນ​ວັນ​ທີ 18 ກໍລະກົດ​ວ່າ: ຈະ​ຍຶດຕາມ​ຂໍ້​ຕົກລົງ​ນິວ​ເຄຼຍຕໍ່​ໄປ ບໍ່​ຍົກ​ເລີກ​ຕາມ​ທີ່​ທ່ານ ທຳ ​ເຄີຍ​ຂູ່​ໄວ້.

- Wave100S AD to Website 2020 0 - ສະພາອີຣານຜ່ານຍັດຕິໃຫ້ເລັ່ງ ເພີ່ມທຶນໂຄງການຕອບໂຕ້ອາເມລິກາ
- WhatsApp Image 2020 05 27 at 5 - ສະພາອີຣານຜ່ານຍັດຕິໃຫ້ເລັ່ງ ເພີ່ມທຶນໂຄງການຕອບໂຕ້ອາເມລິກາ
- WhatsApp Image 2020 05 27 at 5 - ສະພາອີຣານຜ່ານຍັດຕິໃຫ້ເລັ່ງ ເພີ່ມທຶນໂຄງການຕອບໂຕ້ອາເມລິກາ
error: Alert: ເນື້ອຫາຂ່າວມີລິຂະສິດ !!