ສາລະວັນ-ສະຫວັນນະເຂດ-ກວາງຈິ ເພີ່ມທະວີການຮ່ວມມືວຽກງານຊາຍແດນ

- lao vient - ສາລະວັນ-ສະຫວັນນະເຂດ-ກວາງຈິ ເພີ່ມທະວີການຮ່ວມມືວຽກງານຊາຍແດນ
- Untitled design - ສາລະວັນ-ສະຫວັນນະເຂດ-ກວາງຈິ ເພີ່ມທະວີການຮ່ວມມືວຽກງານຊາຍແດນ

ເມື່ອບໍ່ດົນມານີ້ຢູ່ແຂວງ ກວາງຈິ ສສ ຫວຽດນາມ, ທ່ານ ໂພໄຊ ໄຊຍະສອນ ຮອງເຈົ້າ ແຂວງ ສະຫວັນນະເຂດ, ທ່ານ ພູທອງ ຄຳມະນີວົງ ຮອງເຈົ້າ ແຂວງສາລະວັນ ສປປ ລາວ ແລະ ທ່ານ ຮ່າສີດົ່ງ ຮອງປະທານ ຄະນະກຳມະການປະຊາຊົນ ແຂວງກວາງຈິ ສສ ຫວຽດນາມ, ໄດ້ຮ່ວມກັນລົງນາມບົດບັນທຶກ ການຮ່ວມມືວຽກງານຊາຍແດນ ເພື່ອແນໃສ່ປົກປັກຮັກສາ ແລະ ສ້າງເຂດຊາຍແດນໃຫ້ເປັນຊາຍແດນແຫ່ງສັນຕິພາບ, ມິດຕະພາບ ແລະ ຮ່ວມມືກັນພັດທະນາ, ໂດຍ ຈະເພີ່ມທະວີວຽກງານໂຄສະນາສຶກສາອົບຮົມປະຊາຊົນຢູ່ລຽບ ຕາມຊາຍ ແດນໃຫ້ຮັບຮູ້ລະບຽບ ກົດໝາຍຕ່າງໆ, ພ້ອມທັງມີ ການແລກປ່ຽນຂໍ້ມູນຂ່າວສານ ລະຫວ່າງບັນດາຂະແໜງການ ກ່ຽວຂ້ອງ ເພື່ອສະກັດກັ້ນບັນດາ ການເຄື່ອນໄຫວແບບຜິດກົດ ໝາຍຕາມຊາຍແດນ ເປັນຕົ້ນ: ການຄ້າຂາຍເຖື່ອນ, ຢາເສບຕິດ, ການຍົກຍ້າຍຕັ້ງພູມລຳເນົາ ຕາມລຳພັງ ແລະ ສ້າງຄອບຄົວ ບໍ່ຖືກລະບຽບຢູ່ຕາມບໍລິເວນ ຊາຍແດນໃຫ້ຫລຸດລົງ ເທື່ອລະ ກ້າວ, ນອກນີ້ຍັງຈະໄດ້ສຸມໃສ່ ການຮ່ວມມືສົ່ງເສີມການຜະລິດ ກະສິກຳເປັນສິນຄ້າໃຫ້ຫລາຍ, ໂດຍນຳໃຊ້ເຕັກໂນໂລຊີລະດັບ ສູງເພື່ອປູກພືດອຸດສາຫະກຳ ເປັນວັດຖຸດິບ ສະໜອງແກ່ໂຮງງານປຸງແຕ່ງຕ່າງໆ ແລະ ສົ່ງ ອອກຕາມນະໂຍບາຍ ແລະ ລະ ບຽບກົດໝາຍຂອງແຕ່ລະປະ ເທດ, ພ້ອມທັງສຸມໃສ່ການພັດ ທະນາການຄ້າເຂດຊາຍແດນ ໃນເຂດ 2 ດ່ານສາກົນຢູ່ໃນສາມແຂວງຄື: ດ່ານສາກົນແດນ ສະຫວັນ- ລາວບາວແຂວງສະ ຫວັນນະເຂດ-ກວາງຈິ ແລະ ດ່ານສາກົນລາໄລແຂວງ ສາລະ ວັນ- ກວາງຈິລວມເຖິງບັນດາ ດ່ານປະເພນີ- ດ່ານທ້ອງຖິ່ນ ຕ່າງໆເພື່ອແນໃສ່ຊຸກຍູ້ສົ່ງເສີມ ການແລກປ່ຽນຊື້-ຂາຍສິນຄ້າ ໃນເຂດດັ່ງກ່າວໃຫ້ມີບັນຍາກາດ ດີຂຶ້ນ.

 

 

 

+ ນັກຈັດລາຍການວິທະຍຸ 5 ແຂວງພາກໃຕ້ໄດ້ຮັບການຍົກລະດັບຄວາມຮູ້ດ້ານໂພຊະນະການ

+ ສະຫວັນນະເຂດສະຫລອງວັນສ້າງຕັ້ງສະຫະພັນແມ່ຍິງລາວ

- Wave100S AD to Website 2020 0 - ສາລະວັນ-ສະຫວັນນະເຂດ-ກວາງຈິ ເພີ່ມທະວີການຮ່ວມມືວຽກງານຊາຍແດນ

+ ສະພາປະຊາຊົນແຂວງສະຫວັນນະເຂດ ແລະ ກວາງຈິ ເພີ່ມທະວີການຮ່ວມມືສອງຝ່າຍ

 

 

 

- WhatsApp Image 2020 05 27 at 5 - ສາລະວັນ-ສະຫວັນນະເຂດ-ກວາງຈິ ເພີ່ມທະວີການຮ່ວມມືວຽກງານຊາຍແດນ
- WhatsApp Image 2020 05 27 at 5 - ສາລະວັນ-ສະຫວັນນະເຂດ-ກວາງຈິ ເພີ່ມທະວີການຮ່ວມມືວຽກງານຊາຍແດນ
error: Alert: ເນື້ອຫາຂ່າວມີລິຂະສິດ !!