ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ

ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ - aHR0cHM6Ly9zLmlzYW5vb2suY29tL2xhLzAvdWQvMTIvNjI1MDcvNjI1MDcuanBn - ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ
ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ - AGL banner - ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ

ໂດຍ: ທິດກ່ຳ
ເມື່ອກ່າວເຖິງວາລະແຫ່ງຊາດໃນການແກ້ໄຂດ້ານເສດຖະກິດ-ການເງິນ ມັນເປັນບັນຫາໃຫຍ່ຮີບຮ້ອນເລັ່ງດ່ວນ ແລະ ມັນກໍນອນຢູ່ໃນວາລະແຫ່ງຊາດອັນດັບໜຶ່ງທີ່ລັດຖະບານຊຸດທີ IX ຕ້ອງໄດ້ບຸກທະລຸແກ້ໄຂໃຫ້ເປັນຮູບປະທຳຢ່າງຈິງຈັງ. ໃນການແກ້ໄຂດ້ານເສດຖະກິດການເງິນມັນກໍກວມລວມໄປໃນຫລາຍຂົງເຂດ ເປັນຕົ້ນບັນຫາການສໍ້ລາດບັງຫລວງໃນຖັນແຖວພະນັກງານລັດຖະກອນ ນັບແຕ່ຂັ້ນສູນກາງລົງຮອດທ້ອງຖິ່ນໃຫ້ປອດໃສຂາວສະອາດ.

ໃນນີ້ ບັນດາສະຫາຍສະມາຊິກພັກ, ອົງຄະນະພັກແຕ່ລະຂັ້ນຕ້ອງເປັນຕົວແບບນຳໜ້າ, ຈາກນັ້ນກໍແມ່ນເລື່ອງການເກັບພາສີ-ອາກອນລາຍໄດ້ເຂົ້າງົບປະມານຂອງລັດ, ໄປຄຽງຄູ່ກັບການອອກແຮງສູ້ຊົນປະຢັດມັດທະຍັດໃນການໃຊ້ຈ່າຍງົບປະມານ, ການເຮັດວຽກຂອງພະນັກງານລັດຖະກອນກໍຕ້ອງມີຄຸນນະພາບ ແລະ ປະສິດທິພາບເປັນເລີດ, ແຕ່ອັນສຳຄັນທີ່ຈະເຮັດໃຫ້ເສດຖະກິດຂອງຊາດໝັ້ນຄົງຍືນຍົງແມ່ນຕ້ອງສຸມໃສ່ການຜະລິດສິນຄ້າ ເພື່ອສົ່ງອອກໃຫ້ຫລາຍໆ.

ການສົ່ງອອກຕ້ອງໃຫ້ຫລາຍກວ່າການນຳເຂົ້າ ເຮັດໃຫ້ລາຍໄດ້ໃນການຄ້າຂາຍກັບຕ່າງປະເທດເກີນດູນໃນແຕ່ລະເດືອນແຕ່ລະປີຢ່າງຫລວງຫລາຍພາຍມາກ. ຖ້າເປັນໄປຕາມເປົ້າໝາຍທີ່ວ່ານີ້ຄຸນຄ່າຂອງເງິນກີບກໍຈະຄ່ອຍໆແຂງຕົວໝັ້ນຄົງຍຶນຍົງຂຶ້ນເລື້ອຍໆ.

ດັ່ງທີ່ຮູ້ກັນແລ້ວວ່າ, ໃນປະຫວັດສາດຫລາຍປີຜ່ານມາ ເປັນຫຍັງລະບົບເສດຖະກິດ-ການເງິນຂອງປະເທດເຮົາຈຶ່ງມັກມີບັນຫາບໍ່ທຸ່ນທ່ຽງມີຂຶ້ນມີລົງ. ອັນສາເຫດຂອງມັນກໍຍ້ອນວ່າ ເສດຖະກິດມະຫາພາກບໍ່ທັນເຂັ້ມແຂງ, ບໍ່ເປັນໄປຕາມຈັງຫວະການຂະຫຍາຍຕົວຂອງເສດຖະກິດ-ສັງຄົມແຕ່ລະໄລຍະ, ສ່ວນຫລາຍມີແຕ່ຂາດດູນ, ການຄຸ້ມຄອງໍາຍຮັບ-ລາຍຈ່າຍບໍ່ເປັນໄປຕາມແຜນ, ຊ້ຳບໍ່ໜຳເງິນຮົ່ວໄຫລປານຖອກນ້ຳໃສ່ຫົວເປັດ ຍ້ອນພະນັກງານຂອງລັດມີການສໍ້ລາດບັງຫລວງຢ່າງແຜ່ລາມໃນທຸກຮູບແບບ.

ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ - Wave100S AD to Website 2020 0 - ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ

ສິ່ງທີ່ອັນຕະລາຍທີ່ສຸດແມ່ນການນຳໃຊ້ຊັບພະຍາກອນພາຍໃນປະເທດບໍ່ມີປະສິດທິພາບ ແລະ ບໍ່ມີປະສິດທິຜົນ ເສຍຫລາຍກວ່າໄດ້ ທັງບໍ່ເປັນໄປຕາມທິດຍືນຍົງ ສຸດທ້າຍໄມ້ໃນປ່າກໍໝົດ, ດິນກໍນັບມື້ກຸດຫ້ຽນ, ຊັບໃນດິນ ສິນໃນນ້ຳກໍຄ່ອຍໆມະຫັບມະຫາຍ, ບຸກຄະລາກອນຜູ້ເຮັດວຽກກໍບໍ່ມີຄຸນນະພາບເທົ່າທີ່ຄວນ, ຜູ້ມີອຳນາດນັບແຕ່ຂັ້ນສູນກາງລົງຮອດທ້ອງຖິ່ນຈຳນວນບໍ່ໜ້ອຍເຫັນແຕ່ຜົນປະໂຫຍດສ່ວນຕົວຫລາຍກວ່າຜົນປະໂຫຍດຂອງຊາດ. ດ້ວຍສາເຫດນີ້ຈຶ່ງມີຫລາຍໂຄງການກິດຈະການ ໂດຍສະເພາະແມ່ນການຜະລິດສິນຄ້າບໍ່ສາມາດແກ້ງແຍ່ງແຂ່ງຂັນໄດ້ໃນຕະຫລາດພາກພື້ນ ແລະ ສາກົນໄດ້ຢ່າງຫລວງຫລາຍ.

ເມື່ອຕັ້ງໂຈດກັນວ່າ ເພື່ອບຸກທະລຸໃນການຈັດຕັ້ງປະຕິບັດວາລະແຫ່ງຊາດເປັນໄປຕາມຄວາມຄາດຫວັງ ພວກເຮົາຕ້ອງເຮັດແນວໃດ ? ກ່ອນອື່ນໝົດຕ້ອງເອົາຄຳເຫັນຂອງທ່ານ ນາຍົກລັດຖະມົນຕີ ພັນຄຳ ວິພາວັນ ມາວິເຄາະແລ້ວກ້າວໄປເຖິງການຈັດຕັ້ງປະຕິບັດຢ່າງເຄັ່ງຂັດເດັດຂາດ ແລະ ມີປະສິດທິຜົນເຊັ່ນ: ຢາກຮັ່ງຢ່າພາກັນຟຸມເຟືອຍ, ຖ້າຍັງຄິດແບບເກົ່າ ການກະທຳກໍແບບເກົ່າ ແລະ ຜົນໄດ້ຮັບອອກມາກໍຈະຄືເກົ່າ. ເມື່ອເປັນດັ່ງວ່ານີ້ມີແຕ່ຕ້ອງຫັນກົນໄກແບບເກົ່າໄປສູ່ກົນໄກໃໝ່ທີ່ມີຄຸນນະພາບຈຶ່ງຈະທະລຸພາລະກິດວາລະແຫ່ງຊາດນີ້ໄດ້ຢ່າງຈົບງາມ.

ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ -    AD conten website - ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ
ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ - lattana banner - ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ
ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ - lattana banner 1 - ວາລະແຫ່ງຊາດກ່ຽວກັບການແກ້ໄຂດ້ານເສດຖະກິດການເງິນຄືຂໍກຸນແຈສູ່ການປົດທຸກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!