ອິນໂດເນເຊຍບັອກແອັບເທເລແກຣມ ຫລັງຖືກກຸ່ມກໍ່ການຮ້າຍໃຊ້ເປັນເຄື່ອງມື

- advert banner 728 90 728x90 - ອິນໂດເນເຊຍບັອກແອັບເທເລແກຣມ ຫລັງຖືກກຸ່ມກໍ່ການຮ້າຍໃຊ້ເປັນເຄື່ອງມື

ລັດຖະບານ​ອິນ​ໂດ​ເນ​ເຊຍ​ຕັດສິນ​ໃຈ​ຈຳກັດ​ບໍ່​ໃຫ້​ຄົນ​ໃນ​ປະ​ເທດ​ເຂົ້າ​ເຖິງ​ການ​ໃຫ້​ບໍລິການ​ຂອງ​ແອັບ​ພລິ​ເຄຊັນ​ສົ່ງ​ຂໍ້ຄວາມ​ຊື່​ດັງ ​ເທ​ເລ​ແກຣມ ດ້ວຍ​ເຫດຜົນ​ດ້ານ​ຄວາມ​ໝັ້ນຄົງ, ພາຍຫລັງ​ພົບ​ວ່າ​ຟີ​ເຈີ​ຮັກສາ​ຄວາມ​ລັບ​ທີ່​ມີ​ຢູ່​ໃນ​ແອັບ​ພິ​ເຄຊັນ​ຖືກ​ກຸ່ມ​ຫົວ​ຮຸນ​ແຮງ​ນຳ​ໄປ​ໃຊ້​ໃນ​ການ​ກໍ່​ເຫດ​ໂຈມ​ຕີ.

ຈາກ​ຄຳ​ໃຫ້ການ​ຂອງ​ບັນດາ​ຜູ້​ຕ້ອງ​ສົງ​ໄສ​ກໍ່​ການ​ຮ້າຍ​ໃນ​ໄລຍະ​ຫລາຍ​ປີຜ່ານມາ ​ເຮັດ​ໃຫ້​ລັດຖະບານ​ອິນ​ໂດ​ເນ​ເຊຍ​ຮູ້​ວ່າ: ​ເທ​ເລ​ແກຣມຖືກ​ໃຊ້​ເປັນ​ເຄື່ອງມື​ໃນ​ການ​ສື່ສານ​ກັນ​ລະຫວ່າງ​ຜູ້​ກໍ່​ເຫດ​ໂຈມ​ຕີ ລວມທັງ​ຍັງ​ຖືກ​ໃຊ້​ເປັນ​ຊ່ອງ​ທາງ​ໃນ​ການ​ປູກຝັງ​ອຸດົມ​ການຂອງ​ກຸ່ມ​ກໍ່​ການ​ຮ້າຍ ​ແລະ ກະຈາຍ​ຂໍ້​ມູນ​ກ່ຽວ​ກັບ​ຂັ້ນຕອນ​ການ​ປະກອບ​ລະ​ເບີດ. ປະທານາທິບໍດີ ​ໂຈ​ໂກ ວິ​ໂດ​ໂດ ກ່າວ​ວ່າ: ຄຳ​ສັ່ງ​ປິດ​ແອັບພິ​ເຄຊັນ​ເທ​ເລ​ແກຣມຢູ່​ອິນ​ໂດ​ເນ​ເຊຍ​ເປັນ​ໄປ​ຕາມ​ຄຳ​ແນະນຳ​ຂອງ​ຕຳຫລວດ ​ໂດຍ​ມີ​ຜົນ​ນັບ​ແຕ່​ວັນ​ທີ 15 ກໍ​ລະ​ກົດ​ນີ້.

ຜູ້ນຳ​ອິນ​ໂດ​ເນ​ເຊຍ​ກ່າວ​ອີກ​ວ່າ: ​ເຈົ້າໜ້າ​ທີ່​ກວດ​ສອບ​ພົບ​ຂໍ້​ມູນ​ໃນ​ເທ​ເລ​ແກຣມຈຳນວນ​ຫລາຍ​ທີ່​ອາດ​ເປັນ​ໄພ​ຄຸກ​ຄາມ​ຕໍ່​ຄວາມ​ໝັ້ນຄົງ​ຂອງ​ປະ​ເທດ, ຂະນະ​ທີ່​ການ​ເບິ່ງ​ແຍງ​ຄວາມ​ໝັ້ນຄົງ​ຂອງ​ລັດ ​ແລະ ການ​ຮັກສາ​ຄວາມ​ປອດ​ໄພ​ໃຫ້​ແກ່​ປະຊາຊົນ​ເປັນ​ສິ່ງ​ສຳຄັນ ຈຶ່ງ​ເປັນ​ເຫດ​ໃຫ້​ຕ້ອງ​ຈຳກັດ​ບໍ່​ໃຫ້​ເຂົ້າ​ເຖິງ​ການ​ໃຫ້​ບໍລິການ​ໃນ​ປະ​ເທດ. ທັງ​ນີ້ ກະຊວງ​ສື່ສານ ​ແລະ ຂໍ້​ມູນຂ່າວສານ ​ໄດ້​ພະຍາຍາມ​ຂໍ​ການ​ຮ່ວມ​ມື​ຈາກ​ບໍລິສັດ​ຜູ້​ພັດທະນາ​ແອບ​ພິ​ເຄຊັນ​ເທ​ເລ​ແກຣມ​ໃຫ້​ຊ່ວຍ​ຄວບ​ຄຸມ​ຂໍ້​ມູນ​ເນື້ອ​ໃນ​ກ່ຽວ​ກັບ​ການ​ກໍ່​ການ​ຮ້າຍ​ແລ້ວ, ​ແຕ່​ບໍ່​ໄດ້​ຮັບ​ການ​ຕອບ​ຮັບ​ຈາກ​ບໍລິສັດ.

- lattana 1 - ອິນໂດເນເຊຍບັອກແອັບເທເລແກຣມ ຫລັງຖືກກຸ່ມກໍ່ການຮ້າຍໃຊ້ເປັນເຄື່ອງມື
- 1 1 - ອິນໂດເນເຊຍບັອກແອັບເທເລແກຣມ ຫລັງຖືກກຸ່ມກໍ່ການຮ້າຍໃຊ້ເປັນເຄື່ອງມື

ສ່ວນ ພົນ​ເອກ ຕິ​ໂຕ ຄາ​ນາ​ວຽນ ຜູ້​ບັນຊາ​ການ​ຕຳຫລວດ​ແຫ່ງ​ຊາດ​ອິນ​ໂດ​ເນ​ເຊຍ ກ່າວ​ວ່າ: ກຸ່ມ​ກໍ່​ການ​ຮ້າຍ​ໃນ​ປະ​ເທດ​ມີ​ການ​ໃຊ້​ເທ​ເລ​ແກຣມ​​ເປັນ​ຈຳນວນ​ຫລາຍ ​ເນື່ອງ​ຈາກ​ແອັບ​ພິ​ເຄຊັນ​ດັ່ງກ່າວ​ມີ​ລະບົບ​ການ​ເຂົ້າລະຫັດ​ຮັກສາ​ຂໍ້​ມູນ​ສ່ວນ​ຕົວ​ບໍ່​ໃຫ້​ຮົ່ວ​ໄຫລ​ໄດ້​ເປັນຢ່າງ​ດີ. ​ເຖິງ​ຢ່າງ​ໃດ​ກໍ​ດີ, ​ເທ​ເລ​ແກຣມຈະ​ກັບ​ມາ​ເປີດ​ໃຫ້​ບໍລິການ​ໃນ​ອິນ​​ໂດ​ເນ​ເຊຍ​ອີກ​ກໍ​ຕໍ່​ເມື່ອ​ເຈົ້າໜ້າ​ທີ່​ສາມາດ​ເຂົ້າ​ເຖິງ ​ແລະ ຕິດຕາມ​ຂໍ້​ມູນ​ກ່ຽວ​ກັບ​ການ​ກໍ່​ການ​ຮ້າຍ​ໃນ​ແອັບ​ພິ​ເຄຊັນ​ໄດ້. ຫລ້າ​ສຸດ​ທ່ານ ປາ​ເວລ ດູຣອບ ຜູ້​ສ້າງຕັ້ງ​ເທ​ເລ​ແກຣມຄົນຣັດ​ເຊຍ ຕົກລົງ​ຈະ​ປິດ​ບັນຊີ​ທີ່​ມີ​ການ​ສົ່ງ​ຂໍ້ຄວາມ​ເນື້ອ​ໃນ​ທາງ​ປຸກລະດົມ​ຄວາມ​ຮຸນ​ແຮງ ​ແລະ ຈະ​ປະສານ​ງານ​ກັບ​ລັດຖະບານ​ອິນ​ໂດ​ເນ​ເຊຍ​ຢ່າງ​ໃກ້ຊິດ.

error: Content is protected !!