7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ

7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - 8 - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ
7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - AGL banner - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ

ການພະນັນເປັນເກມທີ່ຫລິ້ນກັບຄວາມມ “ຢາກເອົາຊະນະ” ຂອງຄົນ ໂດຍສະເພາະຢ່າງຍິ່ງໃນໄລຍະເວລາທີ່ເສດຖະກິດ ບໍ່ໝັ້ນຄົງແບບນີ້ ຫລາຍຄົນທີ່ຫວັງລວຍທາງລັດກໍອາດຈະຫັນໄປເພິ່ງຫົນທາງດັ່ງການພະນັ້ນຫລາຍຂຶ້ນ ຫລື ບາງຄົນອາດຖືກຍົວະຈາກສື່ໂຄສະນາຕ່າງໆ ແລະ ໝັ້ນໃຈວ່າຕົນເອງບໍ່ຕິດແນ່ນອນ, ແຕ່ສຸດທ້າຍກໍຕົກເປັນທາດຂອງຄວາມ ຢາກເອົາຊະນະ, ຄວາມຕື່ນເຕັ້ນ ຈົນຕິດການພະນັນແບບຈິງຈັງເຖິງຂັ້ນສົ່ງຜົນກະທົບຕໍ່ຕົນເອງ ແລະ ຄົນອ້ອມຂ້າງ. ດັ່ງນັ້ນ, ມື້ນີ້ພວກເຮົາຈຶ່ງຢາກມາແນະນຳວິທີເຊົາຫລິ້ນການພະນັນແບບໄດ້ຜົນແທ້ ແກ້ບັນຫາແບບຖືກຈຸດ ເພື່ອປ່ຽນໃຫ້ບັນດາທ່ານ ເປັນຄົນໃໝ່ທີ່ດີກ່ວາເກົ່າ ໃຜທີ່ກຳລັງຫາວິທີເຊົາຫລິ້ນການພະນັນເດັດຂາດຢູ່ ລອງນຳເອົາແນວທາງຈາກພວກເຮົາໄປປະຕິບັດໄດ້ ດັ່ງນີ້ :

1.   ຫາສາເຫດຂອງອາການຕິດການພະນັນ  (Pathological Gambling) :

–    ອາການທາງສະໝອງ : ຈາກການວິໄຈພົບວ່າ ສະໝອງຂອງຜູ້ທີ່ຕິດການພະນັນຈະມີຄວາມແຕກຕ່າງ ຈາກຄົນທົ່ວໄປ ເຊັ່ນ : ລະບົບການຄວບຄຸມ ຫລື ຫ້າມໃຈຕົນເອງ. ນອກຈາກນີ້, ຍັງພົບວ່າປະລິມານ ສານສື່ປະສາດທີ່ຊື່ ເຊໂຣໂທນິນ ຫລຸດລົງຕ່ຳກ່ວາເກນປົກກະຕິ, ສະໝອງບາງພາກສ່ວນເຮັດວຽກໄດ້ ໜ້ອຍລົງ, ມີການຫລັ່ງຂອງສານໂດປາມີນຫລາຍຂຶ້ນ ເຮັດໃຫ້ຕ້ອງເພິ່ງພາກິດຈະກຳທີ່ມີຄວາມຕື່ນເຕັ້ນ ເພື່ອສ້າງຄວາມສຸກ.

7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - e adgijotv1259 300x184 - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ

–    ກຳມະພັນ : ຫາກຄົນໃນຄອບຄົວມີປະຫວັດຕິດການພະນັນ ພົບວ່າອາການເຫລົ່ານີ້ ຈະສົ່ງຜົນທາງກຳມະພັນໄປນຳ.

–    ສິ່ງແວດລ້ອມ : ສິ່ງແວດລ້ອມມີສ່ວນສຳຄັນທີ່ເຮັດໃຫ້ຕິດການພະນັນເປັນຢ່າງຫລາຍ  ເຊັ່ນ : ມີບ່ອນພະນັນຢູ່ໃນກຸ່ມບ້ານ, ຄົນອ້ອມໂຕຫລິ້ນການພະນັນ ເປັນຕົ້ນ.

–    ສິ່ງຍົວະໃຈ ແລະ ສື່ : ປັດຈຸບັນອິນເຕີເນັດມີອິດທິພົນຕໍ່ເຮົາຢ່າງຫລາຍ ເຮົາມັກເຫັນໂຄສະນາຄາສິໂນອອນລາຍ ຫລື ແອັບຫລິ້ນການພະນັນອອນລາຍຢູ່ທົ່ວໄປໃນເວັບໄຊ ແລະ ນີ້ກໍແມ່ນອີກໜຶ່ງສາເຫດທີ່ເຮັດໃຫ້ເກີດຄວາມຢາກຮູ້ຢາກລອງຈົນນຳໄປສູ່ການຕິດການພະນັນ ແລະ ຕ້ອງຫາວິທີເຊົາຫລິ້ນ-ເຊົາຕິດການພະນັນຢ່າງເດັດຂາດໃນທີ່ສຸດ.

+ ການພະນັນບໍ່ແມ່ນພຽງແຕ່ການຫລິ້ນຄາສິໂນອອນລາຍ ຫລື ການເຂົ້າບ່ອນການພະນັນເທົ່ານັ້ນ, ແຕ່ຍັງລວມເຖິງ ການຕິດຫວຍ (ຕິດເລກ), ມັກສ່ຽງໂຊກຫລາຍຜິດປົກກະຕິ ຫລື ຕິດເກມທີ່ຕ້ອງສ່ຽງດວງຈົນສົ່ງຜົນກະທົບ ຕໍ່ການເງິນ ແລະ ຊີວິດສ່ວນໂຕ. ຫາກໃຜພົບວ່າຕົນເອງມີອາການເຂົ້າຂ່າຍທີ່ກ່າວມາ ຕ້ອງຮີບຕັ້ງສະຕິ ແລ້ວຫັນມາປ່ຽນຕົນເອງໂດຍໄວ ເພາະຫາກເຮົາຍັງຫລິ້ນການພະນັນຕໍ່ໄປຍ້ອນເສບຕິດຄວາມມ່ວນ, ຕື່ນເຕັ້ນ ແລະ ຫວັງລວຍທາງລັດ ຈົນກະທົບກັບວຽກ ແລະ ຄົນອ້ອມຂ້າງ ສິ່ງທີ່ສູນເສຍໄປອາດຫລາຍກ່ວາເງິນເລັກນ້ອຍ ທີ່ໄດ້ມາກໍເປັນໄດ້. ລອງເລີ່ມຈາກວິທີງ່າຍໆ ເຊັ່ນ : ການອອກກຳລັງກາຍ, ອ່ານໜັງສື ຫລື ເຮັດກິດຈະກຳອື່ນໆ ເພື່ອຫລຸດຄວາມເຄັ່ງຄຽດ ເຊິ່ງເປັນສາເຫດໜຶ່ງຂອງການຕິດການພະນັນ.

2.   ເຂົ້າໃຈສາເຫດທີ່ແທ້ຈິງຂອງບັນຫາ : ວິທີເຊົາຫລິ້ນການພະນັນເດັດຂາດທີ່ເຮົາຕ້ອງຮູ້ກໍຄື ການເຮັດຄວາມເຂົ້າໃຈສາເຫດທີ່ແທ້ຈິງຂອງບັນຫາວ່າອາການຕິດການພະນັນຂອງເຮົາເກີດຈາກຫຍັງ, ມີປັດໄຈຫຍັງໃນຊີວິດທີ່ເຮັດໃຫ້ເຮົາເລືອກຫລິ້ນການພະນັນ ໂດຍທາງສະມາຄົມຈິດຕະແພດອາເມລິກາ ໄດ້ວິເຄາະເອົາໄວ້ວ່າ ການຕິດການພະນັນກໍບໍ່ຕ່າງຈາກການຕິດຢາເສບຕິດ ຫລື ຕິດເຫລົ້າ ໂດຍຄົນທີ່ມີອາການດັ່ງກ່າວຕໍ່ໄປນີ້ຈະມີໂອກາດຕິດການພະນັນຫລາຍກ່ວາປົກກະຕິ :

7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - 8 300x188 - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ

–    ຕ້ອງການເງິນກ້ອນໃຫຍ່ຈາກການສ່ຽງໂຊກ.

–    ຮູ້ສຶກກະວົນກະວາຍເມື່ອບໍ່ໄດ້ຫລິ້ນການພະນັນ.

–    ເຄີຍເຊົາຫລິ້ນການພະນັນ ແຕ່ກັບມາຕິດອີກຄັ້ງ.

7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - Wave100S AD to Website 2020 0 - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ

–    ຫລິ້ນການພະນັນເພື່ອຄາຍຄຽດ.

–    ຕົວະໝູ່, ຕົວະຄອບຄົວ ຫລື ຄົນຮັກເລື່ອງການພະນັນ.

–    ຫລິ້ນການພະນັນຈົນສົ່ງຜົນກະທົບຕໍ່ຄວາມສຳພັນສ່ວນໂຕ.

–    ຢາກກູ້ເງິນມາຫລິ້ນການພະນັນ.

ໃຜທີ່ພົບວ່າຕົນເອງມີອາການເຫລົ່ານີ້ຕ້ອງເລີ່ມພິຈາລະນາຕົນເອງໂດຍໄວ ເພາະທ່ານກຳລັງມີອາການ ຕິດການພະນັນ. ເມື່ອສຳຫລວດອາການຂອງຕົນເອງໄດ້ແລ້ວ ຈຶ່ງຄ່ອຍຖາມຕົນເອງວ່າ ແມ່ນຫຍັງ ເປັນສາເຫດທີ່ ເຮັດໃຫ້ເຮົາຫລິ້ນການພະນັນ ແລ້ວຈຶ່ງມຸ່ງໜ້າແກ້ບັນຫາພາກສ່ວນນັ້ນຢ່າງຖືກຈຸດ.

3.   ເຂົ້າຮ່ວມກຸ່ມສະໜັບສະໜູນ : ບາງເທື່ອຄົນເຮົາກໍບໍ່ສາມາດລົມເລື່ອງການພະນັນກັບຄົນໃກ້ຊິດໄດ້ງ່າຍໆ ສະນັ້ນ ໃນໄລຍະເລີ່ມຕົ້ນຂອງວິທີການເຊົາຫລິ້ນການພະນັນ ອາດເລີ່ມຈາກການເຂົ້າຮ່ວມກຸ່ມຄົນທີ່ຢາກ ເຊົາຫລິ້ນການພະນັນຄືກັນ ບໍ່ວ່າຈະເປັນກຸ່ມໃນໂລກອອນລາຍຕ່າງໆ ຫລື ກຸ່ມທີ່ຈັດຕັ້ງຂຶ້ນໂດຍໂຮງໝໍ ແລະ ຄລີນິກ ເພື່ອໂອ້ລົມ ແລກປ່ຽນປະສົບການແລະ ເຮັດໃຫ້ເຮົາມີກຳລັງໃຈວ່າເຮົາບໍ່ໄດ້ສູ້ກັບເລື່ອງນີ້ພຽງລຳພັງ.

4.   ຢ່າຫລົງໄປກັບແຮງກະຕຸ້ນ : ວິທີເຊົາຫລິ້ນການພະນັນທີ່ເຮົາຕ້ອງຝຶກປະຕິບັດໃຫ້ໄດ້ກໍຄື ອົດທົນ, ຕັ້ງສະຕິ ແລະ ມີສະມາທິ, ບໍ່ຫລົງໄປກັບແຮງກະຕຸ້ນທີ່ເຮັດໃຫ້ຢາກຫລິ້ນການພະນັນ ເຊັ່ນ : ເວລາເຄັ່ງຄຽດ, ເວລາເຫັນໂຄສະນາການພະນັນອອນລາຍ ຫລື ເວລາທີ່ຕົນເອງມີໂຊກເລັກໆນ້ອຍໆ ແລ້ວຄິດຢາກຫລິ້ນ ການພະນັນຍ້ອນຄິດວ່າຢູ່ໃນໄລຍະດວງດີ ເປັນຕົ້ນ ໃຫ້ເຮົາຕັ້ງຈິດໃຫ້ນິ້ງທີ່ສຸດ ບາງຄົນຫາກິດຈະກຳອື່ນເຮັດ ເພື່ອໃຫ້ຈົດຈໍ່ກັບເລື່ອງອື່ນແທນ. (ສຳລັບຄົນໄວເຮັດວຽກທີ່ຢາກເຊົາຫລິ້ນການພະນັນ ໃຫ້ລອງໃຊ້ການ ແບ່ງເວລາວ່າງໃນຕອນແລງ ຫລື ມື້ພັກ ມາເຮັດຢ່າງອື່ນທີ່ຊ່ວຍໃຫ້ເຮົາຢູ່ຫ່າງຈາກສິ່ງກະຕຸ້ນຕ່າງໆ ເຊັ່ນ : ໃຊ້ເວລາຢູ່ກັບຄອບຄົວ, ອອກໄປກິນລ້ຽງສັງສັນກັບໝູ່, ເບິ່ງຮູບເງົາເລື່ອງມັກ, ອ່ານໜັງສື ຫລື ລົງມືເຮັດຫຍັງຈັກຢ່າງທີ່ເຮົາຢາກເຮັດມາດົນ ແຕ່ບໍ່ມີໂອກາດໄດ້ເລີ່ມເຮັດຈັກເທື່ອ ຫລື ແມ່ນແຕ່ການເຂົ້າວັດ ເຮັດບຸນ, ການໃຫ້ເວລາກັບຄົນອ້ອມຂ້າງ ແລະ ກິດຈະວັດທີ່ເຮົາມັກຈະຊ່ວຍຫລຸດຄວາມເຄັ່ງຄຽດ, ຫລຸດການຈົດຈໍ່ເລື່ອງຫລິ້ນການພະນັນ. ນອກຈາກນີ້ຍັງຊ່ວຍປັບສະພາບຈິດໃຈຂອງເຮົາໃຫ້ນິ້ງຂຶ້ນ ເມື່ອຢູ່ຫ່າງຈາກສິ່ງຍົວະ ແລະ ແຮງກະຕຸ້ນ ອາການຢາກຫລິ້ນການພະນັນກໍຈະຄ່ອຍໆຫລຸດລົງ.

5.   ປິ່ນປົວອາການທີ່ເກີດຮ່ວມ (Comorbid disease) : ເມື່ອຕິດການພະນັນ ຫຍາຍຄົນອາດມີອາການອື່ນໆ ເກີດຂຶ້ນຕາມມາ ເຊັ່ນ : ຄວາມເຄັ່ງຄຽດ, ຊຶມເສົ້າ, ຕິດອານກໍຮໍ, ສູບຢາ ເປັນຕົ້ນ. ດັ່ງນັ້ນ, ຫາກຢາກໃຫ້ວິທີ ເຊົາຫລິ້ນການພະນັນໄດ້ຜົນແທ້ ເຮົາກໍຕ້ອງໃຫ້ຄວາມສຳຄັນ ແລະ ປິ່ນປົວອາການທີ່ເກີດຂຶ້ນເຫລົ່ານີ້ ໄປພ້ອມກັນ ເພື່ອກຳຈັດປັດໄຈສ່ຽງທີ່ອາດເຮັດໃຫ້ເຮົາກັບໄປຫລິ້ນການພະນັນອີກຄັ້ງນັ້ນເອງ.

6.   ໃຫ້ຄວາມຮ່ວມມືຢ່າງເຕັມໃຈ : ຫາກທ່ານຢາກເຊົາຫລິ້ນການພະນັນຢ່າງເດັດຂາດ ຕ້ອງເຮັດເລື່ອງນີ້ດ້ວຍ ຄວາມເຕັມໃຈ ແລະ ຮ່ວມມືກັບຄອບຄົວ ຫລື ແພດຢ່າງເຕັມທີ່, ບໍ່ອັກຄະຕິ, ບໍ່ຕໍ່ຕ້ານ ເພາະການປິ່ນປົວ ຈະໄດ້ຜົນດີທີ່ສຸດເມື່ອເຮົາພ້ອມໃຫ້ຄວາມຮ່ວມມື.

7.   ຄິດເຖິງຜົນທີ່ຈະຕາມມາ : ຫາກໃຜທີ່ຍັງມີໃຈຢາກຫລິ້ນການພະນັນ ແລະ ມັກພ່າຍແພ້ຕໍ່ແຮງກະຕຸ້ນ ຢູ່ຕະຫລອດ ລອງປັບມາໃຊ້ວິທີການຄິດເຖິງຜົນທີ່ຈະຕາມມາເບິ່ງກໍໄດ້ ເຊັ່ນ : ຄິດເຖິງສະຖານະການທາງ ການເງິນເມື່ອຕ້ອງໄປກູ້ຢືມເງິນມາຫລິ້ນການພະນັນ, ຄິດເຖິງຄອບຄົວ, ຄົນຮັກ ຫລື ລູກໆ ບາງເທື່ອຄວາມຮັກຄວາມຜູກພັນທີ່ເຮົາມີໃຫ້ຄົນໃກ້ໂຕ ຫລື ການເບິ່ງເຫັນພາບຄວາມລຳບາກໃນອະນາຄົດ ຂ້າງໜ້າຂອງຕົນເອງກໍແມ່ນໂຕຊ່ວຍທີ່ດີເລີດໃຫ້ເຮົາເຊົາຫລິ້ນການພະນັນໄດ້ຢ່າງເດັດຂາດ.

8.   ແນມຫາຄວາມຊ່ວຍເຫລືອຈາກມືອາຊີບ : ວິທີຊ່ວຍໃຫ້ເຊົາຫລິ້ນການພະນັນຢ່າງຖາວອນວິທີສຸດທ້າຍກໍຄື ແນມຫາຄວາມຊ່ວຍເຫລືອຈາກມືອາຊີບ ເຊັ່ນ: ການປຶກສາຈິດຕະແພດ ຫລື ສາຍດ່ວນສຸຂະພາບຈິດ ເພາະມືອາຊີບມັກມີແນວທາງການປິ່ນປົວທີ່ເໝາະສົມກັບອາການຂອງເຮົາຫລາຍທີ່ສຸດ. (ໃຜທີ່ເຊົາຫລິ້ນ ການພະນັນໄດ້ແລ້ວ ສິ່ງທີ່ຕ້ອງເຮັດໃນຂັ້ນຕໍ່ໄປກໍຄື ການເອີ້ນຄວາມໝັ້ນໃຈກັບຄືນມາອີກຄັ້ງ ເພາະເຮົາອາດ ຕົກຢູ່ໃນສະພາບທີ່ເອີ້ນວ່າສູນເສຍຄວາມໝັ້ນໃຈໃນຕົນເອງ ຫລື Low-self esteem ດັ່ງນັ້ນ ລອງອອກໄປ ເຮັດກິດຈະກຳເພື່ອສັງຄົມ, ໄປພົບປະໝູ່ເພື່ອນ ຫລື ສະໝັກຮຽນຫລັກສູດພັດທະນາບຸກຄະລິກກະພາບ ກໍເປັນໂຕຊ່ວຍໃຫ້ເຮົາກັບມາໝັ້ນໃຈໃນຕົນເອງ ແລະ ສາມາດໃຊ້ຊີວິດໃນສັງຄົມໄດ້ຢ່າງມີຄວາມສຸກຕໍ່ໄປໄດ້.

7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ -    AD conten website - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ
7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - lattana banner 1 - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ
7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ - lattana banner - 7 ວິທີເຊົາຫລິ້ນການພະນັນແບບຖາວອນ ປ່ຽນທ່ານເປັນຄົນໃໝ່ທີ່ດີກ່ວາເກົ່າ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!