ແພດຫມໍເມືອງສີສັດຕະນາກເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ປະຊາຊົນ

- advert banner 728 90 728x90 - ແພດຫມໍເມືອງສີສັດຕະນາກເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ປະຊາຊົນ

- Nurse - ແພດຫມໍເມືອງສີສັດຕະນາກເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ປະຊາຊົນ

- new3 - ແພດຫມໍເມືອງສີສັດຕະນາກເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ປະຊາຊົນ

ໃນວັນທີ 19 ກໍລະກົດນີ້, ໜ່ວຍແພດເຄື່ອນທີ່ໂຮງໝໍເມືອງສີສັດຕະນາກນະຄອນຫລວງວຽງຈັນ, ໄດ້ລົງເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ປະຊາຊົນຫລາຍບ້ານ ພາຍໃນເມືອງຄື: ບ້ານສະພານ ທອງເໜືອ, ດົງປ່າລານທົ່ງ, ໜອງຈັນ, ພະໄຊ ແລະ ບ້ານ ອື່ນໆ ເພື່ອປ້ອງກັນພະຍາດຕາມລະດູການ ໂດຍສະເພາະພະຍາດ ໄຂ້ຫວັດໃຫຍ່. ທ່ານນາງ ຄຳພຸດ ສຸລະວົງ ຫົວໜ້າຮັບຜິດຊອບວຽກງານກັນພະຍາດໂຮງໝໍເມືອງສີສັດຕະນາກ ໃຫ້ຮູ້ວ່າ: ການລົງສັກຢາຄັ້ງນີ້ແມ່ນປະຕິບັດຕາມແຈ້ງການຂອງພະແນກສາທາລະນະ ສຸກນະຄອນຫລວງວຽງຈັນ ກ່ຽວກັບການສະກັດກັ້ນ ແລະ ປ້ອງກັນພະຍາດຕາມລະດູການ, ໂດຍສະເພາະແມ່ນພະຍາດໄຂ້ ຫວັດໃຫຍ່ ເພື່ອຮັບປະກັນບໍ່ໃຫ້ມີການລະບາດຂຶ້ນ, ໂດຍກຸ່ມເປົ້າໝາຍສັກຢາແມ່ນເດັກອາຍຸ 5 ປີຂຶ້ນໄປຈົນຮອດຜູ້ສູງອາຍຸທຸກຄົນ. ນອກຈາກສັກຢາປ້ອງກັນພະຍາດໄຂ້ຫວັດໃຫຍ່ແລ້ວຍັງ ເປັນການປ້ອງກັນຜູ້ທີ່ເປັນພະຍາດຊຳເຮື້ອ, ເບົາຫວານ, ຄວາມດັນເລືອດສູງ, ພະຍາດຫືດ ແລະ ພູມແພ້ຕ່າງໆນຳອີກ. ທ່ານຫົວໜ້າໜ່ວຍງານກັນພະຍາດໂຮງໝໍດັ່ງກ່າວໃຫ້ຮູ້ວ່າ: ການເປີດຂະບວນສັກຢາປ້ອງ ກັນພະຍາດນີ້ແມ່ນໄດ້ຈັດຂຶ້ນທຸກປີ ແລະ ປີນີ້ຄາດວ່າຈະມີປະຊາຊົນໄດ້ຮັບການສັກຢາຫລາຍກວ່າ 10 ພັນຄົນ. ສະນັ້ນບຸກຄົນ ໃດຢາກມາສັກຢາປ້ອງກັນພະຍາດນີ້ສາມາດເຂົ້າມາສັກໄດ້ຢູ່ທີ່ ໂຮງໝໍເມືອງ ຫລື ສັກນໍາໜ່ວຍແພດເຄື່ອນທີ່ລົງໄປສັກຢາໃຫ້ຕາມຊຸມຊົນ, ໂຮງງານ ແລະ ບ້ານຕ່າງໆກໍໄດ້ໂດຍບໍ່ເສຍຄ່າ ໃດໆ.

- lattana 1 - ແພດຫມໍເມືອງສີສັດຕະນາກເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ປະຊາຊົນ
error: Content is protected !!