ການປັບພຶດຕິກຳແກ້ອາການເສບຕິດກາເຟ

ການປັບພຶດຕິກຳແກ້ອາການເສບຕິດກາເຟ - 062204 2021 - ການປັບພຶດຕິກຳແກ້ອາການເສບຕິດກາເຟ
ການປັບພຶດຕິກຳແກ້ອາການເສບຕິດກາເຟ - AGL banner - ການປັບພຶດຕິກຳແກ້ອາການເສບຕິດກາເຟ

ອາການຕິດກາເຟ ຫລື ການຕິດກາເຟອີນ ມັກເກີດຂຶ້ນໄດ້ກັບຄົນທົ່ວໄປ ເຊິ່ງຈະສົ່ງຜົນໃຫ້ສະພາບຈິດໃຈອ່ອນແອ ແລະ ກໍ່ໃຫ້ເກີດບັນຫາສຸຂະພາບໃນໄລຍະຍາວໄດ້ ເຊັ່ນ : ກະດູກຜ່ອຍ, ພະຍາດຕັບ, ຄວາມດັນເລືອດສູງ ເປັນຕົ້ນ. ດັ່ງນັ້ນ ທາງທີ່ດີ ຈຶ່ງຄວນຈະຫລຸດຜ່ອນ ຫລື ຢຸດເຊົາການຮັບສານກາເຟອີນເຂົ້າສູ່ຮ່າງກາຍເລີຍດີກ່ວາ ດ້ວຍວິທີການດັ່ງຕໍ່ໄປນີ້ :

ການປັບພຶດຕິກຳແກ້ອາການເສບຕິດກາເຟ - Wave100S AD to Website 2020 0 - ການປັບພຶດຕິກຳແກ້ອາການເສບຕິດກາເຟ
  1. ຄ່ອຍໆຫລຸດກາເຟລົງ : ສຳລັບຄົນທີ່ຕິດກາເຟ ດື່ມໄດ້ຫລາຍເຖິງມື້ລະ 3 – 4 ຈອກ ຢ່າເຊົາດື່ມກະທັນຫັນເດັດຂາດ ເພາະຈະຍິ່ງຮ້າຍແຮງກ່ວາເກົ່າ ອາດລົງແດງກາເຟໄດ້ ເພາະກາເຟອີນທີ່ຢູ່ໃນກາເຟຈະມີລິດໃກ້ຄຽງກັບຢາເສບຕິດ ພຽງແຕ່ຮຸນແຮງໜ້ອຍກ່ວາເທົ່ານັ້ນ ອາດຈະເຮັດໃຫ້ມີອາການງ່ວງນອນ, ຊຶມເສົ້າ, ບໍ່ມີສະມາທິ ແລະ ອາດຈະຮາກ ອອກມາກໍເປັນໄດ້. ທາງທີ່ດີຈຶ່ງຄວນຄ່ອຍໆຫລຸດປະລິມານລົງຈະດີກ່ວາ ເລີ່ມຈາກການຫລຸດ ແລະ ຫາເຄື່ອງດື່ມ ຫລື ອາຫານອື່ນໆມາທົດແທນ ເຊັ່ນ : ຊາ, ໂກໂກ້ ຫລື ຊັອກໂກແລັດ ນອກຈາກຈະຊ່ວຍຫລຸດກາເຟອີນຈາກກາເຟແລ້ວ ຍັງ ໄດ້ປະໂຫຍດຕໍ່ສຸຂະພາບນຳອີກ.
  2. ໃຊ້ຢາແກ້ປວດຊ່ວຍ : ເມື່ອເຊົາດື່ມກາເຟໃນທັນທີອາດມີອາການເຈັບຫົວຕາມມາ ຈຶ່ງເຮັດໃຫ້ເຊົາກາເຟບໍ່ໄດ້ຈັກເທື່ອ ຍ້ອນເຈັບຫົວຈຶ່ງກັບໄປດື່ມກາເຟຄືເກົ່າ. ດັ່ງນັ້ນ ຖ້າເກີດອາການເຈັບຫົວຂຶ້ນມາຈົນທົນບໍ່ໄຫວ ກໍໃຫ້ກິນຢາແກ້ປວດ ຈະຊ່ວຍຫລຸດຜ່ອນອາການເຈັບຫົວລົງໄດ້, ແຕ່ທັງນີ້ຂໍ້ຄວນລະວັງໃນການໃຊ້ຢາແກ້ປວດກໍແມ່ນຕ້ອງລະວັງການເກີດ ກົດໄຫລຍ້ອນ ຫລື ເປັນພະຍາດກະເພາະອາຫານ.
  3. ຫາເຄື່ອງດື່ມອື່ນທົດແທນ : ອາດລອງດື່ມເປັນກາເຟປະເພດທີ່ບໍ່ມີກາເຟອີນ ເພາະກາເຟປະເພດນີ້ຈະມີກິ່ນໃກ້ຄຽງກັບ ກາເຟປົກກະຕິ, ແຕ່ຈະບໍ່ມີສານກາເຟອີນນັ້ນເອງ ອາດທົດລອງດື່ມຄູ່ກັນ ແລະ ຫລາຍຂຶ້ນ ເພື່ອຊົດເຊີຍກາເຟປົກກະຕິ ແບບນັ້ນກໍຈະຊ່ວຍໃຫ້ເຊົາຕິດກາເຟໄດ້ໄວຂຶ້ນ ຫລື ຈະຫັນມາດື່ມຊາສະໝຸນໄພ ຫລື ນ້ຳອຸ່ນໆແທນກໍໄດ້ຄືກັນ.
  4. ດື່ມນ້ຳໃຫ້ຫລາຍໆ : ນ້ຳເຮັດໃຫ້ຊື່ນໃຈ, ດັບກະຫາຍ, ເປັນສ່ວນປະກອບໃນເລືອດ ແລະ ຊ່ວຍໃນການໄລ່ສານພິດອອກ ຈາກຮ່າງກາຍ ດັ່ງນັ້ນ ການດື່ມນ້ຳຫລາຍໆຈະຊ່ວຍເຮັດໃຫ້ຄົນທີ່ມີບັນຫາຕິດກາເຟອີນນັ້ນບໍ່ມີອາການຂາດສະມາທິ ຫລື ໄຮ້ຜົນຂ້າງຄຽງຈາກການເຊົາດື່ມກາເຟໄດ້ນຳອີກ.
  5. ກິນອາຫານເພື່ອສຸຂະພາບ : ການກິນອາຫານທີ່ດີໃນໄລຍະເຊົາດື່ມກາເຟຈະເຮັດໃຫ້ມີແຮ່ທາດ ແລະ ວິຕາມິນທີ່ຊ່ວຍ ບຳລຸງຮ່າງກາຍ, ຫລຸດອາການອ່ອນເພຍໄດ້. ນອກຈາກນີ້, ຄວນຫລີກເວັ້ນອາຫານໜັກໆທີ່ມີໄຂມັນຫລາຍ ເພາະຈະ ເຮັດໃຫ້ຮູ້ສຶກເຫງົານອນ ຈົນຕ້ອງຫັນກັບມາເພິ່ງກາເຟ. ຄວນເລືອກເປັນຜັກ – ໝາກໄມ້ ຫລື ທັນຍາພືດ ຈະດີທີ່ສຸດ.
  6. ອອກກຳລັງກາຍສະໝ່ຳສະເໝີ : ຍ້ອນໃນໄລຍະເຊົາດື່ມກາເຟນັ້ນມັກຈະເກີດອາການອ່ອນເພຍ, ບໍ່ມີແຮງ, ການອອກ ກຳລັງກາຍຈຶ່ງເປັນວິທີແກ້ບັນຫາທີ່ດີ ເພາະຊ່ວຍຫລຸດອາການອ່ອນເພຍ ແລະ ຊ່ວຍໃຫ້ຮ່າງກາຍສົດຊື່ນດ ມີແຮງ ຫລາຍຂຶ້ນ ແລະ ຍັງໄປກະຕຸ້ນໃຫ້ຮ່າງກາຍຫລັ່ງສານເອັນດໍຟິນ ເຊິ່ງເປັນສານສື່ປະສາດທີ່ດີຕໍ່ສຸຂະພາບນຳອີກ.
ການປັບພຶດຕິກຳແກ້ອາການເສບຕິດກາເຟ -    AD conten website - ການປັບພຶດຕິກຳແກ້ອາການເສບຕິດກາເຟ
ການປັບພຶດຕິກຳແກ້ອາການເສບຕິດກາເຟ - lattana banner - ການປັບພຶດຕິກຳແກ້ອາການເສບຕິດກາເຟ
ການປັບພຶດຕິກຳແກ້ອາການເສບຕິດກາເຟ - lattana banner 1 - ການປັບພຶດຕິກຳແກ້ອາການເສບຕິດກາເຟ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!