iPhone 8 ອາດຈະຍ້າຍລະບົບສະແກນລາຍນິ້ວມືໄປຢູ່ປຸ່ມ Power

ພາຍຫຼັງພາບຫຼຸດຂອງ iPhone 8 ເປີດເຜີຍອອກມາ ​ເຊິ່ງຈະເປັນໜ້າຈໍແບບບໍ່​ມີ​ຂອບ ແລະ ບໍ່ມີປຸ່ມກົດດ້ານໜ້າອີກຕໍ່ໄປ, ແລ້ວ Touch ID ຈະໄປຢູ່ໃສ.

            ຫລ້າສຸດມີການເປີດເຜີຍອອກມາວ່າ: Touch ID ຂອງ iPhone 8 ນັ້ນມີຄວາມເປັນໄປໄດ້ສູງວ່າຈະຢູ່ “ປຸ່ມ Power” ທີ່ຢູ່ທາງຂ້າງແທນ ໂດຍພາບຫລ້າສຸດປາກົດນັ້ນ ປຸ່ມ Home ຈະຢູ່ຟັງຊັ່ນ Area ທາງລຸ່ມສຸດ ແລະ ຈະມີພຽງກ້ອງ, ລໍາໂພງສົນທະນາ ແລະ ເຊັນເຊີເທົ່ານັ້ນ.

ສ່ວນທາງຫຼັງກໍຍັງມີກ້ອງແບບແນວຕັ້ງ ທີ່ສາມາດຖ່າຍພາບໄດ້ທັງແບບທໍາມະດາ ແລະ ແບບ VR ໄດ້ເຊັ່ນກັນ, ແຕ່ຍັງບໍ່ໝົດ ບ່ອນສຽບຍັງເປັນແບບ Lightning Port ແລະ ບໍ່ມີຮູສຽບຫູຟັງ 3,5 ມິນລີແມັດ ຄືເກົ່າ.

ແລ້ວສະແກນລາຍນິ້ວມືທີ່ປຸ່ມ Power ນັ້ນເປັນຄັ້ງທໍາອິດຂອງມືຖືຈິງ ຫຼື ບໍ່ ? ຄໍາຕອບຄືບໍ່​ແມ່ນ ເພາະເຕັກໂນໂລຊີນີ້ Sony ໄດ້ນໍາມາໃຊ້ກັບ Xperia Z5 ກ່ອນເປັນລຸ້ນທໍາອິດ ແລະມີພັດທະນາການມາເລື້ອຍໆຈົນເຖິງປັນຈຸບັນ, ແຕ່ເມື່ອຍ້າຍປຸ່ມແລ້ວຈະຄຸ້ນເຄີຍກັບມັນຫຼາຍໜ້ອຍປານໃດ ຄົງຕ້ອງຖ້າເບິ່ງຕົວ​ຈິງກັນຕໍ່ໄປ.

 

 

 

 

 

 

error: Alert: Content is protected !!