ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

- advert banner 728 90 728x90 - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

- un hombre adquiere marihuana para uso recreativo en una farmacia en uruguay reuters 1 - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

- new3 - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

ອູ​ຣູກວາ​ຍ​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ມີ​ກົດໝາຍ​ຮັບຮອງ​ການ​ຂາຍ​ກັນຊາ, ​ແຕ່​ການ​ຊື້ຂາຍ​ຍັງ​ຕ້ອງ​ຢູ່​ພາຍ​ໃຕ້​ການ​ຄວບ​ຄຸມ​ຢ່າງ​​ເຂັ້ມງວດ​ຂອງ​ລັດຖະບານ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມອນ​ເຕວິ​ເດ​ໂອ ປະ​ເທດ​ອູຣູກວາ​ຍ ​ໃນ​ວັນ​ທີ 19 ກໍລະກົດ​ນີ້​ວ່າ: ຮ້ານ​ຈຳໜ່າຍ​ຢາ 16 ​ແຫ່ງ​ທຳ​ອິດ​ທີ່​ໄດ້​ຮັບ​ໃບ​ອະນຸຍາດ​ຈຳໜ່າຍ​ກັນຊາ​ຈາກ​ລັດຖະບານ​ອູຣູກວາ​ຍ ​ເລີ່​ມການຈຳໜ່າຍກັນຊາ​ໃຫ້​ແກ່​ຜູ້​ບໍລິ​ໂພ​ກ​ໂດຍ​ກົງ ​ໃນ​ວັນ​ທີ 19 ກໍລະກົດ, ພາຍຫລັງ​ກົດໝາຍ​ເຊິ່ງຜ່ານ​ຄວາມ​ເຫັນ​ພ້ອມ​ຂອງ​ລັດຖະບານ​ໃນ​ປີ 2013 ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ​ໃນ​ວັນ​ດັ່ງກ່າວ ຖື​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ອະນຸຍາດ​ໃຫ້​ມີ​ການ​ຊື້ຂາຍ​ກັນຊາ​ເພື່ອ​ການ​ສັນທະ​ນາ​ການ​ພາຍ​ໃຕ້ການ​ຄວບ​ຄຸມ​ຂອງ​ລັດ.

- 111 - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

 

- lattana 1 - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

ທັງ​ນີ້ ພົນລະ​ເມືອງ​ອູຣູກວາ​ຍທີ່​ຈະ​ສາມາດ​ຊື້ກັນຊາ​ໄດ້​ຕ້ອງ​ມີ​ອາຍຸ​ບໍ່​ຕໍ່າ​ກວ່າ 18 ປີ ​ແລະ ຕ້ອງ​ລົງທະບຽນ​ເພື່ອ​ຢືນຢັນ​ຕົວ​ຕົນ​ຢ່າງ​ລະອຽດ ພ້ອມ​ຈ້ຳ​ໂປ, ຜູ້​ບໍລິ​ໂພ​ກສາມາດ​ຊື້ກັນຊາ​ທີ່​ມີ​ໃຫ້​ເລືອກ 2 ປະ​ເພດ ຄື​ແອ​ລຟາ ວັນ ​ແລະ ​ເບ​ຕ້າ ວັນ ສູງ​ສຸດ​ບໍ່​ເກີນ 10 ກຣາມຕໍ່​ອາທິດ ​ແລະ ຕ້ອງ​ບໍ່​ເກີນ​ເດືອນ​ລະ 40 ກຣາມ, ສ່ວນ​ລາຄາ​ຈຳໜ່າຍ​ກັນຊາ​ໃຫ້​ເປັນຕາ​ມມາດຕະຖານ​ດຽວ​ກັນ​ຕາມ​ຂໍ້​ກຳນົດ​ຂອງ​ລັດຖະບານ ຄື 1 ຊຸດ​ມີ 5 ກຣາມ ລາຄາ 187 ​ເປ​ໂຊ​ອູຣູກວາ​ຍ (ປະມານ 50 ພັນ​ກີບ).

- 58 - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

ຂະນະ​ທີ່​ລາຍ​ງານ​ຂອງ​ສະ​ຖາ​ບັນ​​ເບິ່ງ​ແຍງ ​ແລະ ຄວບ​ຄຸມ​ກັນຊາ​ແຫ່ງ​ຊາດ​ຂອງ​ອູຣູກວາ​ຍ (IRCC) ສະ​ແດງ​ຄວາມ​ຫວັງ​ວ່າ: ການ​ເປີດ​ໂອກາດ​ໃຫ້​ປະຊາຊົນ​ສາມາດ​ຊື້ກັນຊາ​ໄດ້​ຢ່າງ​ເສລີ​ຫລາຍ​ຂຶ້ນ ຈະ​ຊ່ວຍ​ຫລຸດ​ອັດຕາ​ການ​ຄ້າ​ຢາ​ເສບ​ຕິດ​ໃນ​ປະ​ເທດ ​ເນື່ອງ​ຈາກ​ກົດໝາຍ​ຍັງ​ອະນຸຍາດ​ໃຫ້​ປະຊາຊົນ​ສາມາດ​ປູກ​ຕົ້ນກັນຊາ​ໄດ້​ເອງ​ພາຍ​ໃນ​ເຄຫາ​ສະຖານ, ​ແຕ່​ຕ້ອງ​ເປັນ​ສາຍ​ພັນຕາ​ມທີ່​ລັດຖະບານ​ກຳນົດ ​ໂດຍ​ສາມາດ​ປູກ​ໄດ້​ສູງ​ສຸດ 6 ຕົ້ນ ​ແລະ ຖ້າ​ຕ້ອງການ​ນຳ​ຜົນ​ຜະລິດ​ທີ່​ໄດ້​ມາ​ເສບ​ນອກ​ເຂດ​ບ່ອນຢູ່​ອາ​ໄສ ຕ້ອງ​ເສບ​ໃນ​ບໍລິ​ເວນ​ທີ່​ລັດຖະບານ​ກຳນົດ​ເທົ່າ​ນັ້ນ ຄື​ໃຊ້​ພື້ນທີ່​ດຽວ​ກັບ​ເຂດ​ສູບຢາ​ໃນ​ຮ້ານ​ອາຫານ, ປ້າຍ​ລົດ​ປະຈຳ​ທາງ ​ແລະ ຫ້ອງ​ສູບຢາ​ຕາມ​ສະຖານີ​ລົດ​ໄຟ, ຫ້າມ​ສູບ​ໃນ​ສະຖານ​ທີ່​ລາຊະການ, ​ໂຮງໝໍ, ບໍລິສັດ ​ແລະ ຫ້າງ​ຮ້ານ​ເດັດຂາດ.

- m - ອູຣູກວາຍເລີ່ມຂາຍກັນຊາຖືກກົດໝາຍ ເປັນບ່ອນທຳອິດໃນໂລກ

error: Content is protected !!