ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ

ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ - 217512536 4222758747817353 1714512474429650181 n - ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ
ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ - AGL banner - ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ

ໂດຍ: ທິດກ່ຳ

ຊ່ວງໄລຍະປັດຈຸບັນນີ້, ແຮງງານລາວທີ່ໄປເຮັດວຽກຢູ່ປະເທດເພື່ອນບ້ານ ໂດຍສະເພາະປະເທດໄທ ໄດ້ພາກັນຫລັ່ງໄຫລກັບຄືນມາປະເທດຂອງຕົນຢ່າງຫລວງຫລາຍ ອັນສາເຫດກໍຍ້ອນການແຜ່ລະບາດຂອງພະຍາດໂຄວິດ-19 ຢູ່ປະເທດດັ່ງກ່າວນັບມື້ຮ້າຍແຮງເພີ່ມທະວີຂຶ້ນຢ່າງໜ້າວິຕົກ. ຈາກສະຖິຕິຄົນຕິດເຊື້ອສະເພາະມື້ວັນທີ 18 ກໍລະກົດ 2021 ແມ່ນມີເຖິງ 11.397 ຄົນ, ເສຍຊີວິດ 101 ຄົນ, ລວມຜູ້ຕິດເຊື້ອສະສົມ 403.386 ຄົນ, ເສຍຊີວິດໄປແລ້ວ 3.341 ຄົນ ໃນບັນດາເຂດແຂວງທີ່ມີການລະຍາດໜັກແມ່ນຢູ່ກະໂຕກຸງເທບມະຫານະຄອນ ແລະ ແຂວງໃຫຍ່ໆທີ່ຢູ່ອ້ອມແອ້ມເຂດປະລິມົນທົນ ລາມມາຮອດຫລາຍຈັງຫວັດໃນພາກອີສານແລ້ວ.

ຈາກສະພາບດັ່ງກ່າວຈຶ່ງເຮັດໃຫ້ແຮງງານລາວຢູ່ໄທຫລາຍແສນຄົນໄດ້ພາກັນ ກັບຄືນປະເທດຢ່າງຫລວງຫລາຍພາຍມາກ ດັ່ງເຮົາເຫັນໃນແຫລ່ງຂ່າວໃນແຕ່ລະວັນຜ່ານມາ. ສິ່ງທີ່ໜ້າເປັນຫ່ວງ ແລະ ວິຕົກກັງວົນອີກປະການໜຶ່ງກໍຄື ແຮງງານລາວທີ່ໄດ້ກັບຄືນຖິ່ນນີ້ມີຈຳນວນບໍ່ໜ້ອຍພາກັນນຳເອົາເຊື້ອພະຍາດໂຄວິດ-19 ເຂົ້າມາພ້ອມ ໃນນີ້ກໍມີທັງສາຍພັນອິນເດຍ ແລະ ອັງກິດ ຫລື ທີ່ເອີ້ນກັນວ່າ: ສາຍພັນເດວຕາ ແລະ ອານຟາ ທີ່ເປັນເຊື້ອພະຍາດຕິດແປດໄດ້ໄວ ແລະ ອັນຕະລາຍກວ່າສາຍພັນທຳມະດາ.

ສະເພາະມື້ວັນທີ 20 ກໍລະກົດ 2021 ທີ່ຜ່ານມາ, ແມ່ນມີແຮງງານລາວໄດ້ຕິດເຊື້ອໂຄວິດ-19 ນຳເຂົ້າຈາກປະເທດໄທເຖິງ 170 ຄົນ. ນີ້ຄືສັນຍານຄວາມອັນຕະລາຍຮ້າຍກາດທີ່ພວກເຮົາຕ້ອງພ້ອມກັນເອົາໃຈໃສ່ຄຸ້ມກັນ ທັງປ້ອງກັນສະກັດກັ້ນຢ່າງຈິງຈັງ ແລະ ເດັດຂາດ. ສິ່ງທີ່ໜ້າເປັນຫ່ວງອີກປະການໜຶ່ງກໍຄື ໃນຈຳນວນແຮງງານທີ່ກັບຄືນຖິ່ນຄັ້ງນີ້ມີຈຳນວນໜຶ່ງຍັງລັກຂ້າມມາແບບຜິດກົດໜາຍ ເຊິ່ງສ້າງຄວາມລຳຄານໃຫ້ເຈົ້າໜ້າທີ່ບ້ານເມືອງຂອງພວກເຮົາ.

ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ - Wave100S AD to Website 2020 0 - ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ

ແນວໃດກໍຕາມ, ອີງໃສ່ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດໄທພວມແພ່ລະບາດຂະຫຍາຍຕົວເປັນວົງກວ້າງ ແລະ ມີຄວາມສ່ຽງສູງໃນການຕິດເຊື້ອ, ແຮງງານລາວຈຶ່ງໄດ້ກັບຄືນປະເທດຢ່າງເລັ່ງດ່ວນ ເພື່ອຫລີກລ່ຽງຄວາມອັນຕະລາຍຕໍ່ຊີວິດອິນຊີແກ່ຕົນເອງ, ຊ້ຳບໍ່ໜຳເມື່ອຕິດເຊື້ອໄປແລ້ວພັດບໍ່ໄດ້ຮັບການດູແລເອົາໃຈໃສ່ໃນການປິ່ນປົວເປັນຢ່າງດີຈາກແພດໝໍເທົ່າທີ່ຄວນ ໂດຍປະໃຫ້ກັນຕາຍໂດຍໄຮ້ຍາດຂາດມິດດັ່ງທີ່ເຫັນມາແລ້ວໃນບາງລາຍ.

ເຖິງຢ່າງໃດກໍດີ, ເຮົາມີຄວາມໝັ້ນໃຈເປັນຢ່າງຍິ່ງວ່າ ມາຮອດໄລຍະນີ້ເຖິງວ່າມີແຮງງານລາວໄດ້ພາກັນຕິດເຊື້ອໂຄວິດເຂົ້າມາໃນປະເທດ, ແຕ່ພັກ ແລະ ລັດຖະບານຍັງມີຄວາມສາມາດໃນການປິ່ນປົວ, ຄວບຄຸມ ແລະ ປ້ອງກັນສະກັດກັ້ນ ເພື່ອໃຫ້ພົນລະເມືອງລາວໄດ້ຫ່າງເຫີນຈາກໂຄວິດ-19 ຢ່າງແນ່ນອນ.

ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ -    AD conten website - ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ
ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ - lattana banner 1 - ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ
ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ - lattana banner - ລະວັງໂຄວິດ-19 ທີ່ນຳເຂົ້າຈາກປະເທດເພື່ອນບ້ານ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!