ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ

ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ - 022304 2021 - ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ
ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ - AGL banner - ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ

ໃນຍຸກປັດຈຸບັນ ການເລືອກກິນໄຂມັນທີ່ດີເປັນສິ່ງສຳຄັນຕໍ່ສຸຂະພາບ ໜຶ່ງໃນຕົວເລືອກອັນດັບຕົ້ນຂອງໄຂມັນທີ່ໄດ້ຮັບຄວາມ ນິຍົມໃນກຸ່ມຄົນຮັກສຸຂະພາບກໍຄື “ນ້ຳມັນຕັບປາ” ເນື່ອງຈາກນ້ຳມັນປາມີ ກົດໄຂມັນໂອເມກ້າ 3 ເປັນກົດໄຂມັນບໍ່ອີ່ມໂຕທີ່ມີ ຄວາມຈຳເປັນຕໍ່ຮ່າງກາຍ ເຊິ່ງຈະໄດ້ຮັບຈາກອາຫານເທົ່ານັ້ນ ເພາະຮ່າງກາຍບໍ່ສາມາດສ້າງຂຶ້ນເອງໄດ້ ຫາກທ່ານຢາກຮູ້ວ່າ ນ້ຳມັນປາ ດີກັບສຸຂະພາບແນວໃດ ແລະ ມີໂທດຫລືບໍ່ ຕ້ອງອ່ານບົດຄວາມຕໍ່ໄປນີ້ :

  • ນ້ຳມັນປາ (Fish Oil) ແມ່ນນ້ຳມັນທີ່ສະກັດຈາກພາກສ່ວນຊີ້ນ, ໜັງ, ຫົວ ແລະ ຫາງຂອງປາທະເລນ້ຳເລິກ ໂດຍສະ ເພາະປາໃນເຂດໜາວ ເຊັ່ນ : ປາແຊວມັອນ, ປາທູນ່າ, ປາຊາດີນ ແລະ ປາແມັກເຄີເຣວ ໃນນ້ຳມັນປາມີກົດໄຂມັນ ຫລາຍຊະນິດ, ແຕ່ທີ່ສຳຄັນ ແລະ ມີການເອົາມາໃຊ້ທາງການແພດແມ່ນກົດໄຂມັນບໍ່ອີ່ມໂຕທີ່ຈຳເປັນຕໍ່ຮ່າງກາຍ ທີ່ຊື່ວ່າ ໂອເມກ້າ 3 ຈາກປາ ປະກອບໄປດ້ວຍກົດໄຂມັນສຳຄັນ 2 ຊະນິດ ຄື EPA ຫລື Eicosapentaenoic Acid ແລະ DHA ຫລື Docosahexaenoic Acid ເຊິ່ງກົດໄຂມັນທັງ 2 ໂຕນີ້ເປັນສ່ວນປະກອບສຳຄັນທີ່ຈຳເປັນຕໍ່ການ ພັດທະນາລະບົບສາຍຕາ ແລະ ສະໝອງ ໂດຍສະເພາະຢ່າງຍິ່ງໃນເດັກນ້ອຍເກີດໃໝ່. ນອກຈາກນີ້, ຍັງມີສ່ວນຊ່ວຍຫລຸດ ຄວາມສ່ຽງໃນການເກີດພະຍາດຫົວໃຈ, ຫລຸດໄຂມັນໃນເລືອດ ຊ່ວຍປ້ອງກັນມະເຮັງ, ຫລຸດອາການອັກເສ ໃນ ຮ່າງກາຍ ລວມທັງພະຍາດປະດົງຂໍ້ ຫລື ຂໍ້ອັກເສບອື່ນໆ ຈຶ່ງບໍ່ແປກໃຈວ່າເປັນຫຍັງຄົນສ່ວນຫລາຍຈຶ່ງຫັນມາສົນໃຈ ແລະ ໃຫ້ຄວາມສຳຄັນໃນການກິນປາຫລາຍຍິ່ງຂຶ້ນ.
  • ນ້ຳມັນປາກັບນ້ຳມັນຕັບປາຄືກັນຫລືບໍ່ ? ນ້ຳມັນທັງ 2 ຊະນິດ ເຖິງຈະມາຈາກປາຄືກັນ, ແຕ່ອົງປະກອບຕ່າງກັນ ໂດຍທັງ 2 ຊະນິດລ້ວນແຕ່ເປັນແຫ່ລງທີ່ດີຂອງ EPA ແລະ DHA, ແຕ່ນ້ຳມັນຕັບປາເປັນນ້ຳມັນທີ່ສະກັດໄດ້ຈາກຕັບ ຂອງປາ, ແຕ່ຈະມີປະລິມານວິຕາມິນ A ແລະ ວິຕາມິນ D ຫລາຍ ໂດຍສະເພາະຢ່າງຍິ່ງວິຕາມິນ A ຈຶ່ງເໝາະສຳລັບ ຜູ້ທີ່ຂາດ ແລະ ຕ້ອງການເສີມວິຕາມິນດັ່ງກ່າວ. ວິຕາມິນ D ຊ່ວຍການດູດຊຶມທາດການຊຽມ, ຊ່ວຍເສີມສ້າງກະດູກ. ວິຕາມິນ A ມີລິດເປັນສານຕ້ານອະນຸມູນອິດສະລະ ຊ່ວຍປົກປ້ອງຜິວໜັງ ແລະ ດວງຕາບໍ່ໃຫ້ຖືກທຳລາຍຈາກມົນລະພິດ ຊ່ວຍກະຕຸ້ນລະບົບພູມຕ້ານທານຂອງຮ່າງກາຍໃຫ້ເຮັດວຽກໄດ້ຢ່າງມີປະສິດທິພາບ. ນ້ຳມັນຕັບປາທີ່ຜະລິດຈາກປາ ຊະນິດອື່ນອາດບໍ່ມີກົດໂອເມກ້າ 3 ແລະ ວິຕາມິນ D ຈຶ່ງຄວນພິຈາລະນາເຖິງແຫ່ລງທີ່ມາຂອງນ້ຳມັນຕັບປາ ແລະ ປະລິມານຂອງວິຕາມິນ A ເຊິ່ງຫາກໄດ້ຮັບຫລາຍເກີນໄປອາດເປັນພິດຕໍ່ຕັບ, ກະດູກ ແລະ ລູກໃນທ້ອງໄດ້.
  • ປະໂຫຍດຂອງນ້ຳມັນປາຕໍ່ສຸຂະພາບ : ຈາກຜົນການວິໄຈທາງວິທະຍາສາດພົບວ່າ ກົດໄຂມັນໂອເມກ້າ 3 ທີ່ໄດ້ຈາກ ນ້ຳມັນປາມີຜົນກັບສຸຂະພາບໃນຫລາຍໆດ້ານ ຫາກກິນໃນປະລິມານທີ່ພຽງພໍ ເຊັ່ນ : ລະບົບຫລອດເລືອດຫົວໃຈ, ຄວາມ ດັນຂອງຫລອດເລືອດທີ່ໄປລ້ຽງພາກສ່ວນຕ່າງໆ ໂດຍສະເພາະຫົວໃຈ ແລະ ສະໝອງ ລວມທັງມີສ່ວນຊ່ວຍໃຫ້ຫລອດ ເລືອດຂະຫຍາຍຕົວ ເຮັດໃຫ້ລະບົບການໄຫລວຽນຂອງເລືອດໃນຮ່າງກາຍດີຂຶ້ນ ຈຶ່ງມີຜົນໃຫ້ຄວາມດັນຫລຸດລົງ ໂດຍທີ່ ນ້ຳມັນປາຈະບໍ່ມີຜົນຕໍ່ຄວາມດັນໃນຜູ້ທີ່ມີຄວາມດັນເລືອດປົກກະຕິແຕ່ຢ່າງໃດ. ກົດ EPA ຍັງຊ່ວຍຫລຸດການເຕັ້ນຂອງ ຫົວໃຈທີ່ຜິດປົກກະຕິ, ຫລຸດລະດັບໄຂມັນໄຕຣກລີເຊີໄຣ ມັກໃຊ້ໃນປະລິມານຫລາຍ000 – 3.500 ມິນລີກຣາມ ເຊິ່ງ ຈະຊ່ວຍຫລຸດລະດັບໄຂມັນໄຕຣກລີເຊີໄຣໃນເລືອດໄດ້ 20 – 50% ທີ່ສຳຄັນແມ່ນປອດໄພ, ບໍ່ມີຜົນຂ້າງຄຽງຕໍ່ ຮ່າງກາຍ ສາມາດໃຊ້ຮ່ວມກັບຢາໃນການຫລຸດລະດັບໄຂມັນໃນຜູ້ທີ່ມີໄຂມັນໃນເລືອດສູງໄດ້, ຫລຸດການອັກເສບຂອງ ພະຍາດຂໍ້. ກົດໄຂມັນໂອເມກ້າ 3 ໃນນ້ຳມັນປາຈະຊ່ວຍຫລຸດອາການຂອງພະຍາດຂໍ້ເສື່ອມ-ປວດຂໍ້, ຂໍ້ອັກເສບ, ປະດົງຂໍ້ ເນື່ອງຈາກ EPA ສາມາດຫລຸດສານທີ່ກໍ່ໃຫ້ເກີດອາການອັກເສບ, ປວດ, ບວມຂໍ້. ນອກຈາກນັ້ນຍັງຊ່ວຍເພີ່ມ ການສ້າງສານທີ່ມີຄຸນສົມບັດເຮັດໃຫ້ອາການອັກເສບຕ່າງໆຂອງຂໍ້ຫລຸດລົງໄດ້. ເສີມການເຮັດວຽກຂອງແຊນສະໝອງ ປ້ອງກັນສະໝອງເສື່ອມ, ການກິນນ້ຳມັນປາອາດຊ່ວຍຫລຸດຄວາມສ່ຽງສະໝອງເສື່ອມ ຫລື ພະຍາດອັລໄຊເມີໃນໄລຍະ ເລີ່ມຕົ້ນໄດ້ ເພາະ DHA ຊ່ວຍເພີ່ມສານທີ່ຊ່ວຍຫລຸດການສ້າງເສັ້ນໄຍໃນສະໝອງອັນເປັນໂຕການທຳລາຍໄຍປະສາດ ພາກສ່ວນຄວາມຈື່ຈຳ.
  • ນອກຈາກນີ້, ນ້ຳມັນປາຍັງມີປະໂຫຍດໃນດ້ານອື່ນໆນຳອີກ ບໍ່ວ່າຈະເປັນຊ່ວຍຫລຸດອາການຊຶມເສົ້າ ແລະ ອາການ ສະມາທິສັ້ນໃນເດັກ, ຊ່ວຍປ້ອງການການຈະເລີນເຕີບໃຫຍ່ຂອງແຊນມະເຮັງ ສຳລັບຄົນປ່ວຍມະເຮັງທີ່ຕ້ອງສາຍແສງ, ເຄມີບຳບັດ, ພູມຕ້ານທານບຳບັດຕ້ອງໃຊ້ໃນປະລິມານຫລາຍຂຶ້ນ, ຊ່ວຍໃຫ້ການປິ່ນປົວເຄມີບຳບັດດີຂຶ້ນ ແລະ ຫລຸດ ຜົນຂ້າງຄຽງທາງເຄມີບຳບັດ, ຫລຸດການອັກເສບຂອງພະຍາດຜິວໜັງ ທັງຍັງຊ່ວຍເສີມສຸຂະພາບຂອງແມ່ຍິງຖືພາ ແລະ ລູກໃນທ້ອງນຳອີກ.
  • ເຫັນຄຸນປະໂຫຍດຂອງນ້ຳມັນປາກັນແລ້ວ ກໍຢ່າລືມບໍລິໂພກປາທະເລໃຫ້ໄດ້ຢ່າງໜ້ອຍອາທິດລະ 2 – 3 ເທື່ອ ຖ້າຈະໃຫ້ ດີກໍຄວນຫລີກເວັ້ນການຈືນດ້ວຍນ້ຳມັນຈົນຖ້ວມ ເຊິ່ງເຮັດໃຫ້ສູນເສຍປະລິມນນ້ຳມັນປາໃນອາຫານທຳມະຊາດ, ແຕ່ຖ້າ ໃຜບໍ່ສະດວກ ຫລື ມີຂໍ້ຈຳກັດໃນການກິນປາ ບໍ່ວ່າຈະດ້ວຍເຫດຜົນໃດກໍຕາມ ຜະລິດຕະພັນເສີມອາຫານດັ່ງ ນ້ຳມັນປາ ກໍອາດເປັນອີກທາງເລືອກໜຶ່ງທີ່ຈະມາຊ່ວຍໃນການເບິ່ງແຍງສຸຂະພາບໄດ້.
  • ຂໍ້ມູນການວິໄຈຫລ້າສຸດເປີດເຜີຍວ່າ ຍັງບໍ່ມີປະລິມານສູງສຸດໃນການບໍລິໂພກໂອເມກ້າ ແນວໃດກໍຕາມ, National Institue of Health ແລະ ອົງການອາຫານ ແລະ ຢາຂອງສະຫະລັດອາເມລິກາ ແນະນຳວ່າ ບໍ່ຄວນກິນ DHA ແລະ EPA ເກີນມື້ລະ 3 ກຣາມ. ຫລາຍອົງການແນະນຳໃຫ້ກິນນ້ຳມັນປາທີ່ມີສ່ວນປະກອບຂອງ EPA ແລະ DHA ລວມກັນປະລິມານ 250 – 500 ມິນລີກຣາມ ແລະ ບໍ່ຄວນກິນນ້ຳມັນປາໃນປະລິມານຫລາຍເກີນໄປໂດຍບໍ່ໄດ້ປຶກສາ ແພດ ເພາະອາດເຮັດໃຫ້ມີເລືອດອອກໄດ້ງ່າຍ ແລະ ເຮັດໃຫ້ເລືອດໄຫລບໍ່ຢຸດ ຫລື ຢຸດໄຫລຊ້າລົງໄດ້. ດັ່ງນັ້ນ, ຜູ້ທີ່ມີ ຄວາມສ່ຽງຕໍ່ການມີເລືອດອອກ ເຊັ່ນ : ຜູ້ທີ່ກຳລັງຈະເຂົ້າຮັບການຜ່າຕັດ, ຜູ້ທີ່ມີບາດແຜໃນກະເພາະອາຫານ, ຜູ້ທີ່ດື່ມ ເຫລົ້າຫລາຍ ຫລື ຜູ້ທີ່ກິນຢາຈຳພວກແອດໄປຣິນ, ວາຟາຣິນ ຫລື ຢາຊະນິດອື່ນທີ່ມີຄຸນສົມບັດຫລຸດການກ້າມຂອງ ເລືອດ ອາດຈະຕ້ອງກິນນ້ຳມັນປາຢ່າລະມັດລະວັງ ແລະ ຄວນປຶກສາແພດກ່ອນ.
ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ - Wave100S AD to Website 2020 0 - ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ
ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ -    AD conten website - ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ
ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ - lattana banner 1 - ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ
ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ - lattana banner - ນ້ຳມັນປາ ແລະ ນ້ຳມັນຕັບປາ ປະໂຫຍດ ແລະ ຂໍ້ຄວນລະວັງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!