ອາຊີບທີ່ເໝາະສົມກັບຄົນມີຄວາມຄິດສ້າງສັນ

ອາຊີບທີ່ເໝາະສົມກັບຄົນມີຄວາມຄິດສ້າງສັນ - 092704 2021 - ອາຊີບທີ່ເໝາະສົມກັບຄົນມີຄວາມຄິດສ້າງສັນ
ອາຊີບທີ່ເໝາະສົມກັບຄົນມີຄວາມຄິດສ້າງສັນ - AGL banner - ອາຊີບທີ່ເໝາະສົມກັບຄົນມີຄວາມຄິດສ້າງສັນ

ມີອາຊີບຫລວງຫລາຍທີ່ຕ້ອງການ ຄວາມຄິດສ້າງສັນ ເພາະການຄິດ ການຈິດຕະນາການ ສາມາດຊຸກຍູ້ໃຫ້ໂລກຂອງເຮົາ ກ້າວໜ້າໄປໄດ້ຢ່າງບໍ່ຢຸດ, ແຕ່ຫາກເຮົາເວົ້າພຽງເທົ່ານີ້ ຫລາຍຄົນອາດຈະນຶກບໍ່ອອກວ່າຈະມີອາຊີບຫຍັງແດ່ທີ່ສາມາດໃຊ້ຄວາມ ຄິດສ້າງສັນໄດ້ຢ່າງເຕັມທີ່. ສະນັ້ນ ມາເບິ່ງກັນວ່າຈະມີອາຊີບຫຍັງແດ່ທີ່ເໝາະສົມສຳຫລັບຄົນທີ່ມີຫົວຄິດສ້າງສັນ ບໍ່ແນ່ວ່າອາດ ຈະມີວຽກທີ່ທ່ານໝາຍປອງຢູ່ໃນລາຍການກໍເປັນໄດ້.

  1. ນັກອອກແບບ : ອາຊີບນັກອອກແບບພາຍໃນ ໝາຍເຖິງຜູ້ທີ່ຄອຍໃຫ້ຄຳແນະນຳດ້ານການຕົກແຕ່ງເຮືອນ ເຊິ່ງນັກອອກ ແບບມືອາຊີບມັກຈະເນັ້ນອອກແບບເຮືອນໃຫ້ງົດງາມ, ເບິ່ງມີເລື່ອງລາວ ແລະ ຍັງຮັກສາໄວ້ເຊິ່ງຄວາມຮູບແບບການ ໃຊ້ງານຕ່າງໆພາຍໃນເຮືອນຢ່າງຄົບຖ້ວນ.
  2. ນັກອອກແບບສື່ໂຄສະນາ : ສະໄໝນີ້ການຊື້ຂາຍສາມາດເຮັດໄດ້ງ່າຍກໍແມ່ນ, ແຕ່ການຈະຈູງໃຈໃຫ້ຜູ້ຄົນຫັນມາສົນໃຈ ໃນໂຕສິນຄ້າຖືເປັນອີກເລື່ອງໜຶ່ງ ອາຊີບນີ້ຈຶ່ງໄດ້ຖືກຳເນີດຂຶ້ນ ຫາກທ່ານເປັນອີກຄົນທີ່ຊ່ຽວຊານດ້ານການນຳຫລັກ ຈິດຕະວິທະຍາມາໃຊ້ຄຽງຄູ່ກັບວຽກງານອອກແບບ ວຽກນີ້ໜ້າຈະເປັນສິ່ງທີ່ເໝາະສົມກັບທ່ານ.
  3. ຜູ້ຄວບຄຸມການຜະລິດ : ອາຊີບນີ້ມີຄວາມສຳຄັນຫລາຍ ໃນດ້ານຂອງການດຳເນີນການຜະລິດສື່ອອນລາຍ, ສື່ໂທລະ ພາບ ລວມໄປເຖິງການຈັດງານສະແດງໂຊ ຫລື ນິທັດສະການຕ່າງໆ ເພາະຜູ້ທີ່ເຮັດວຽກນີ້ຈະເປັນດັ່ງໂຕຕັ້ງໂຕຕີໃນ ການທີ່ຈັດງານໃຫ້ອອກມາສົມບູນແບບ ເອີ້ນອີກຢ່າງໜຶ່ງວ່າ ເຈົ້າພາບ ກໍໄດ້.
  4. ຜູ້ກຳກັບຮູບເງົາ : ອີກໜຶ່ງອາຊີບທີ່ສາມາດເຮັດໃຫ້ຄົນເຫັນເຖິງຄວາມເປັນໂຕຕົນຂອງເຮົາໄດ້ດີອີກອາຊີບໜຶ່ງ ເຖິງວ່າ ຈະຕ້ອງໃຊ້ຄວາມສາມາດ ແລະ ທຶນສູງ, ແຕ່ຫາກເຮັດອອກມາໄດ້ດີກໍອ່າວກຸ້ມຄ່າໃນການລົງທຶນ.
  5. ຈິດຕະກອນ : ຖືວ່າເປັນວຽກສຳລັບສາຍສ້າງສັນ ທີ່ອ່າວຕອບໂຈດການເຮັດວຽກຕາມໃຈໄດ້ດີທີ່ສຸດ ເພາະສ່ວນຫລາຍ ແລ້ວເປັນການສ້າງສັນວຽກຕາມຄວາມເພິງພໍໃຈ ແລະ ເນັ້ນດຶງດູດຄົນທີ່ສົນໃຈໃນດ້ານດຽວກັນກັບໂຕເຮົາເອງ.
  6. ຊ່າງປັ້ນຕຸກກະຕາ : ຫລາຍຄົນຄົງເຄີຍເຫັນວີດີໂອທີ່ມີຄົນປັ້ນຕຸກກະຕາເປັນຮູບຮ່າງຕ່າງໆຕາມອິນເຕີເນັດ ພວກເຂົາ ເຫລົ່ານັ້ນບໍ່ໄດ້ເຮັດພຽງປັ້ນຍ້ອນເປັນກິດຈະກຳຍາມວ່າງເທົ່ານັ້ນ, ແຕ່ຍັງຂາຍຜົນງານການປັ້ນເຫລົ່ານັ້ນໃຫ້ກັບຜູ້ຄົນ ນຳອີກ ເຊິ່ງສ່ວນຫລາຍເປັນວຽກທີ່ເນັ້ນຂາຍຮູບປັ້ນຕາມສັ່ງ.
  7. ຊ່າງຕັດເສື້ອສຳລັບແຕ່ງຄອສເພລ : ເຖິງວ່າສ່ວນຫລາຍຊຸດຄອສເພລຈະເນັ້ນຕັດຫຍິບຕາມແບບທີ່ມີໃຫ້ເຫັນຢູ່ແລ້ວ, ແຕ່ທ່ານສາມາດຕັດຊຸດຕາມຈິນຕະນາການໄດ້ຄືກັນ ຫາກມີຄົນມັກຜົນງານ ແລະ ສີມືຂອງທ່ານ ຮັບຮອງວ່າໄປໄດ້ໄກ ແນ່ນອນ.
  8. ເຈົ້າຂອງຮ້ານຄາເຟ້ : ຄວາມສຸກຂອງບາງຄົນແມ່ນການໄດ້ມີສະຖານທີ່ໆເປັນຂອງຕົນເອງ ຕົກແຕ່ງຕາມແບບທີ່ຕົນ ເອງມັກ, ມີຂອງກິນແຊບໆໃນຮູບແບບທີ່ປຽບດັ່ງຄວາມຝັນ ຫາກທ່ານຕັດສິນໃຈຈະເປີດຮ້ານຄາເຟ້ເປັນຂອງຕົນເອງ ແລ້ວ ກຽມໂຕລະເບີດຈິນຕະນາການອອກມາໄດ້ເລີຍ, ແຕ່ຢ່າລືມປຸງແຕ່ງລົດຊາດໃຫ້ແຊບຖືກປາກລູກຄ້ານຳ.
  9. ສະຕຣີມເມີ (Streamer) : ບາງເທື່ອນັກສະຕຣີມເມີກໍໃຊ້ການຫລິ້ນເກມເພື່ອປົດປ່ອຍຈິນຕະນາການ ແລະ ບັນເທີງ ຄົນເບິ່ງ ເຊັ່ນ : ທ່ານອາດຈະຫລິ້ນເກມຢູ່ ແລະ ໃຊ້ການພາກເກມເພື່ອໃຫ້ຄົນເບິ່ງຮູ້ສຶກມ່ວນຫລາຍກ່ວາປົກກະຕິ ຖືເປັນ ອີກວຽກໜຶ່ງທີ່ເໝາະສົມສຳຫລັບສາຍນັກຄິດ-ນັກສ້າງສັນ.
  10. ຢູທູບເບີ (Youtuber) : ການເຮັດຊ່ອງຢູທູບເປັນຂອງຕົນເອງ ທ່ານຈະໄດ້ມີການສ້າງສັນຜົນງານຢ່າງເຕັມທີ່ ທັງການຖ່າຍທຳ, ການຕັດຕໍ່, ການນຳສະເໜີເລື່ອງລາວທຸກຢ່າງຂຶ້ນຢູ່ກັບທ່ານ ຂໍພຽງແຕ່ໃຫ້ນຶກເຖິງສັງຄົມກ່ອນທີ່ຈະ ສ້າງສັນຜົນງານຫຍັງຈັກຢ່າງອອກສູ່ສາທາລະນະກໍພໍ ບໍ່ດັ່ງນັ້ນແລ້ວ ກະແສອາດຈະຕີສວນກັບທາງແທນ.
  • ເຖິງຈະເປັນອາຊີບທີ່ເຮົາສາມາດໃຊ້ຄວາມຄິດສ້າງສັນໄດ້ຢ່າງເຕັມທີ່, ແຕ່ໃນການເຮັດວຽກຕົວຈິງເຮົາຍັງຈະຕ້ອງ ເຮັດວຽກຮ່ວມກັບຜູ້ອື່ນໃນສັງຄົມຢູ່ດີ ທ່ານຈຶ່ງຈະຕ້ອງບໍ່ລືມທີ່ຈະຮັບຟັງຄວາມຄິດເຫັນຂອງຜູ້ອື່ນນຳ ບໍ່ແນ່ນວ່າວຽກ ອາດຈະອອກມາດີກ່ວາການໃຊ້ຄວາມຄິດຂອງເຮົາພຽງຄົນດຽວກໍໄດ້.
ອາຊີບທີ່ເໝາະສົມກັບຄົນມີຄວາມຄິດສ້າງສັນ - lattana banner 1 - ອາຊີບທີ່ເໝາະສົມກັບຄົນມີຄວາມຄິດສ້າງສັນ
ອາຊີບທີ່ເໝາະສົມກັບຄົນມີຄວາມຄິດສ້າງສັນ - lattana banner - ອາຊີບທີ່ເໝາະສົມກັບຄົນມີຄວາມຄິດສ້າງສັນ
ອາຊີບທີ່ເໝາະສົມກັບຄົນມີຄວາມຄິດສ້າງສັນ -    AD conten website - ອາຊີບທີ່ເໝາະສົມກັບຄົນມີຄວາມຄິດສ້າງສັນ
ອາຊີບທີ່ເໝາະສົມກັບຄົນມີຄວາມຄິດສ້າງສັນ - Wave100S AD to Website 2020 0 - ອາຊີບທີ່ເໝາະສົມກັບຄົນມີຄວາມຄິດສ້າງສັນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!