ໝາກໄມ້ສຳຫລັບຄົນຂັບຖ່າຍຍາກ

ໝາກໄມ້ສຳຫລັບຄົນຂັບຖ່າຍຍາກ - 012704 2021 - ໝາກໄມ້ສຳຫລັບຄົນຂັບຖ່າຍຍາກ
ໝາກໄມ້ສຳຫລັບຄົນຂັບຖ່າຍຍາກ - AGL banner - ໝາກໄມ້ສຳຫລັບຄົນຂັບຖ່າຍຍາກ

ມັນແມ່ນບັນຫາທີ່ຄົນຂັບຖ່າຍຍາກຕ້ອງພະເຊີນມາເປັນເວລາດົນ ກັບບັນຫາການຂັບຖ່າຍທີ່ບໍ່ເປັນເວລາ, ຄຸນນະພາບບໍ່ດີ ຫລື ຈຳເປັນຕ້ອງໃຫ້ເວລາ ແລະ ອາລົມໃນການເຈັບທ້ອງປວດຖ່າຍກ່ວາມັນຈະອອກມາ ຫລື ບາງເທື່ອທ່ານອາດຈະເສຍເວລາໄປ ຫລາຍຊົ່ວໂມງ, ແຕ່ກໍບໍ່ສາມາດຖ່າຍອາຈົມໄດ້ຢ່າງເປັນປົກກະຕິ.

ໂດຍທົ່ວໄປແລ້ວອາການຂັບຖ່າຍຍາກ ແມ່ນອາການທີ່ມີຄວາມຖີ່ໃນການຂັບຖ່າຍອາຈົມໜ້ອຍກ່ວາປົກກະຕິ, ຖ່າຍດ້ວຍ ຄວາມຍາກລຳບາກ ຫລື ຖ່າຍອາຈົມໜ້ອຍກ່ວາ 3 ເທື່ອຕໍ່ອາທິດ.

ແລ້ວທ່ານແກ້ໄຂບັນຫາເຫລົ່ານີ້ແນວໃດ ? ບາງຄົນກໍຫັນໄປເພິ່ງຢາຖ່າຍ, ດີທັອກລ້າງສານພິດ ຫລື ວິທີການສວນທະວານ ເຊິ່ງວິທີການເຫລົ່ານີ້ຄວນເລືອກເປັນອັນດັບທ້າຍໆ ເພາະມັນເປັນການແກ້ໄຂບັນຫາຢູ່ປາຍເຫດ ບໍ່ແມ່ນຕົ້ນເຫດ ແລະ ມີຜົນໃຫ້ ບັນຫາທີ່ທ່ານມີຍັງຄົງຄ້າງຢູ່ ແລະ ເປັນຢູ່ຕະຫລອດໄປ ບາງເທື່ອມັນອາດຈະຫາຍໄປໃນໄລຍະໜຶ່ງ, ແຕ່ຮັບຮອງວ່າອີກບໍ່ດົນ ທ່ານກໍຈະກັບມາຂັບຖ່າຍຍາກໄດ້ອີກແນ່ນອນ.

ແລ້ວວິທີແກ້ໄຂບັນຫາທີ່ດີທີ່ສຸດຈະເປັນຫຍັງໄປໄດ້ ຖ້າບໍ່ແມ່ນການປັບການກິນອາຫານຂອງທ່ານ ກ່ອນອື່ນທ່ານຕ້ອງຮູ້ກ່ອນ ວ່າບັນຫາການຂັບຖ່າຍຍາກມີສາເຫດມາຈາກຫຍັງ ເຊິ່ງສາເຫດຂອງມັນກໍຄື :

ໝາກໄມ້ສຳຫລັບຄົນຂັບຖ່າຍຍາກ - Wave100S AD to Website 2020 0 - ໝາກໄມ້ສຳຫລັບຄົນຂັບຖ່າຍຍາກ
  1. ສາເຫດທີ່ເກີດຈາກພະຍາດທາງກາຍ ເຊັ່ນ : ພະຍາດເບົາຫວານ, ຕ່ອມໄທຣອຍເຮັດວຽກໜ້ອຍກ່ວາປົກກະຕິ, ມີທາດ ການຊຽມໃນເລືອດຫລາຍ, ພະຍາດທາງລະບົບປະສາດຕ່າງໆ.
  2. ສາເຫດຈາກຢາທີ່ກິນເປັນປະຈຳ ເຊັ່ນ : ກຸ່ມຢາທາງຈິດ, ຢາແກ້ແພ້ບາງຊະນິດ, ຢາກັນຊັອກ, ທາດເຫລັກ ທີ່ມີຢູ່ໃນຢາ ບຳລຸງເລືອດ.
  3. ການອັດຕັນຂອງທາງເດີນອາຫານ ເຊັ່ນ : ພະຍາດມະເຮັງ ຫລື ຊີ້ນປົ່ງຂອງລຳໄສ້ໃຫຍ່ ແລະ ທະວານໜັກ, ລຳໄສ້ຕີບຕັນ, ຄວາມຜິດປົກກະຕິຢູ່ທະວານໜັກ.
  4. ສາເຫດທີ່ເກີດຈາກການເຄື່ອນໄຫວຂອງລຳໄສ້ ຫລື ກ້າມຊີ້ນທີ່ຄວບຄຸມການຂັບຖ່າຍຜິດປົກກະຕິ.

ໃນບັນດາສາເຫດຂອງອາການຂັບຖ່າຍຍາກທີ່ກ່າວມາຂ້າງເທິງທັງໝົດ ພົບວ່າຜູ້ປ່ວຍສ່ວນຫລາຍເກີດຂຶ້ນ ເນື່ອງ ຈາກການກິນອາຫານທີ່ບໍ່ດີ ເຊິ່ງບັນຫາເຫລົ່ານີ້ຈະຫລຸດລົງຫາກທ່ານໃຊ້ໝາກໄມ້ເປັນໂຕຊ່ວຍ ດັ່ງຕໍ່ໄປນີ້ :

  1. ໝາກກ້ວຍ : ສານອາຫານໃນໝາກກ້ວຍຊ່ວຍຫລຸດອາການຂັບຖ່າຍຍາກໄດ້ ແລະ ຍັງຊ່ວຍປັບຄວາມດຸ່ນດ່ຽງ ຂອງລະບົບຂັບຖ່າຍໃຫ້ເປັນປົກກະຕິນຳອີກ. ແນວໃດກໍຕາມ, ຕ້ອງກິນໝາກກ້ວຍໃຫ້ຖືກຕາມຊ່ວງອາຍຸນຳ ໂດຍຫາກຢາກແກ້ອາການຂັບຖ່າຍຍາກ ຕ້ອງກິນໝາກກ້ວຍສຸກ ເພາະມີລິດເປັນຢາລະບາຍແກ້ອາການຂັບຖ່າຍ ຍາກ ທັງນີ້ຍ້ອນໝາກກ້ວຍມີສານເພັກຕິນຫລາຍ ຈຶ່ງຊ່ວຍເພີ່ມກາກອາຫານໃນລຳໄສ້ໄດ້ ໂດຍໝາກກ້ວຍທີ່ສຸກ ຫລາຍໆຈະມີລະເປັນຢາລະບາຍໄດ້ດີ ເພາະມີສານເພັກຕິນຫລາຍກ່ວາ ທັງນີ້ ລິດການລະບາຍຂອງໝາກກ້ວຍນ້ຳ ສຸກຈະບໍ່ຮຸນແຮງຫລາຍ ຈຶ່ງຈ້ອງກິນເປັນປະຈຳ ມື້ລະ 5 – 6 ໜ່ວຍ ຈຶ່ງຈະເຫັນຜົນ.
  2. ໝາກຫຸ່ງ : ເປັນໂຕຊ່ວຍໄລ່ນ້ຳຍ່ຽວ ແລະ ອາຈົມໄດ້ດີ ໂດຍສະເພາະໝາກຫຸ່ງສຸດຈະມີລິດເປັນຢາລະບາຍອ່ອນໆ ທັງຍັງມີວິຕາມິນ A ຫລາຍ ເໝາະສົມຕໍ່ການບຳລຸງສາຍຕາ. ໃຜທາດໜັກ ຕ້ອງໄປຫາມາກິນເປັນປະຈຳ. ແນວໃດ ກໍຕາມ, ການກິນໝາກຫຸ່ງຫລາຍເກີນໄປອາດສ່ຽງຕໍ່ພະຍາດກະດູກ, ຂໍ້ຕໍ່, ອາການນອນບໍ່ຫລັບ ແລະ ມີອາການ ເບື່ອອາຫານໄດ້. ສະນັ້ນແລ້ວ ຄວນກິນໃຫ້ພໍດີພໍງາມ.
  3. ໝາກແອັບເປິ້ນ : ດັ່ງທີ່ຮູ້ກັນດີວ່າໝາກແອັບເປິ້ນເປັນໝາກໄມ້ທີ່ມີປະໂຫຍດ, ແຕ່ທ່ານອາດຍັງບໍ່ຮູ້ວ່າມັນເປັນໂຕ ຊ່ວຍໃນການຂັບຖ່າຍໄດ້ດີຫລາຍຢ່າງໜຶ່ງ ເພາະໝາກແອັບເປິ້ນມີສານເພັກຕິນທີ່ຊ່ວຍເພີ່ມກາກໄຍອາຫານໃຫ້ແກ່ ທາງເດີນອາຫານ ຈຶ່ງຊ່ວຍເສີມປະສິດທິພາບຂອງລະບົບຂັບຖ່າຍໄດ້ດີ. ຍິ່ງໄປກ່ວານັ້ນ, ການກິນໝາກແອັບເປິ້ນ ຍັງໄດ້ວິຕາມິນ C ທີ່ມີສ່ວນໃນການຊ່ວຍປ້ອງກັນພະຍາດຫວັດ, ປ້ອງກັນອາການທ້ອງບິດ ແລະ ປ້ອງກັນມະເຮັງ ລຳໄສ້ໃຫຍ່ໄດ້ນຳ.
  4. ໝາກກ້ຽງ : ເປັນໝາກໄມ້ທີ່ມີກາກໄຍຫລາຍ ທັງອຸດົມໄປດ້ວຍວິຕາມິນ C ທີ່ຊ່ວຍເຮັດໃຫ້ຮ່າງກາຍມີພູມຕ້ານ ທານພະຍາດ, ແຂງແຮງ ແລະ ບໍ່ເປັນຫວັດງ່າຍ. ທັງນີ້ ການກິນໝາກກ້ຽງໃຫ້ປະໂຫຍດຕໍ່ການຂັບຖ່າຍ ຄວນກິນ ໝົດໜ່ວຍແບບທີ່ຍັງມີກາກກໄຍຕິດຢູ່ ໃຜຄິດວ່າພຽງແຕ່ການດື່ມນ້ຳໝາກກ້ຽງກໍອາດຈະພໍຊ່ວຍໄດ້ ທ່ານກຳລັງ ຄິດຜິດ ເພາະພາກສ່ວນສຳຄັນທີ່ຈະຊ່ວຍເລື່ອງລະບົບຂັບຖ່າຍກໍຄື ກາກໄຍຂອງໝາກກ້ຽງ.
  5. ໝາກມ່ວງສຸກ : ເໝາະສົມຕໍ່ການເລັ່ງການຂັບຖ່າຍ ເພາະໃນໝາກມ່ວງສຸກຈະມີວິຕາມິນ C ຫລາຍ ແລະ ຍັງມີ ວິຕາມິນ A, ເບຕ້າແຄໂຣທີນ. ການກິນໝາກໄມ້ຊະນິດນີ້ ຈຶ່ງຊ່ວຍໃຫ້ອາຈົມອ່ອນນຸ້ມຂຶ້ນ ສົ່ງຜົນໃຫ້ການຂັບຖ່າຍ ເປັນໄປໄດ້ດີຫລາຍກ່ວາເກົ່າ.
  6. ໝາກພຣຸນ : ເປັນໝາກໄມ້ທີ່ນິຍົມເອົາມາເຮັດເປັນສານສະກັດ ດື່ມກືນສອງກືນກໍຊ່ວຍໃຫ້ຂັບຖ່າຍສະດວກ, ແຕ່ຖ້າ ບໍ່ຢາກເສຍເງິນແພງ ການກິນໝາກພຣຸນສົດກໍຊ່ວຍເລື່ອງການຂັບຖ່າຍໄດ້ຄືກັນ ເພາະໝາກພຣຸນມີຄຸນສົມບັດເດັ່ນ ໃນເລື່ອງການຂັບຖ່າຍ ທັງຍັງມີເບຕ້າແຄໂຣທີນ, ສານຕ້ານອະນຸມູນອິດສະລະ ຍິ່ງກິນຍິ່ງດີຕໍ່ສຸຂະພາບ.
  7. ໝາກນັດ : ເປັນໝາກໄມ້ທີ່ຊ່ວຍຍ່ອຍອາຫານໄດ້ດີ ໂດຍສະເພາະອາຫານຈຳພວກຊີ້ນສັດ ຫລື ອາຫານທີ່ມີໂປຣຕິນ ຫລາຍ. ດັ່ງນັ້ນ, ໃຜຮູ້ໂຕວ່າໄລຍະນີ້ກິນໂປຣຕິນຫລາຍເກີນໄປ ເຮັດໃຫ້ລະບົບຍ່ອຍອາຫານເຮັດວຽກໜັກ, ຂັບຖ່າຍຍາກ ກໍລອງກິນໝາກນັດ ມັນຊ່ວຍເພີ່ມປະສິດທິພາບໃນລະບົບຂັບຖ່າຍໄດ້ດີທີ່ສຸດ.
  8. ໝາກລະມຸດ : ອາດເປັນໝາກໄມ້ທີ່ຫາຊື້ຍາກແດ່ ແລະ ເຖິງວ່າຈະຫາຍາກ ຫາກໄດ້ກິນໝາກລະມຸດເມື່ອໃດ ລະບົບການຂັບຖ່າຍຂອງທ່ານຈະເຮັດວຽກດີຂຶ້ນແນ່ນອນ ເພາະໝາກລະມຸດເປັນໝາກໄມ້ທີ່ມີກາກໄຍອາຫານ ຫລາຍ ຊ່ວຍປ້ອງກັນອາການຂັບຖ່າຍຍາກໄດ້ດີ ໃຜທີ່ຂັບຖ່າຍຍາກ ຢ່າລືມນຶກເຖິງໝາກໄມ້ຊະນິດນີ້.
ໝາກໄມ້ສຳຫລັບຄົນຂັບຖ່າຍຍາກ - lattana banner - ໝາກໄມ້ສຳຫລັບຄົນຂັບຖ່າຍຍາກ
ໝາກໄມ້ສຳຫລັບຄົນຂັບຖ່າຍຍາກ -    AD conten website - ໝາກໄມ້ສຳຫລັບຄົນຂັບຖ່າຍຍາກ
ໝາກໄມ້ສຳຫລັບຄົນຂັບຖ່າຍຍາກ - lattana banner 1 - ໝາກໄມ້ສຳຫລັບຄົນຂັບຖ່າຍຍາກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!