9 ເລື່ອງຄວນຮູ້ກ່ອນເກີດລູກຄົນທຳອິດ

- advert banner 728 90 728x90 - 9 ເລື່ອງຄວນຮູ້ກ່ອນເກີດລູກຄົນທຳອິດ
  1. ການເກີດລູກຄົນທຳອິດບໍ່ຮ້າຍແຮງດັ່ງທີ່ທ່ານຄິດ : ການເກີດລູກຄົນທຳອິດບໍ່ໄດ້ໜ້າຢ້ານດັ່ງທີ່ທ່ານຄິດ ຄົນທີ່ຍັງບໍ່ເກີດລູກ ອາດຢ້ານຍ້ອນຟັງເລື່ອງບໍ່ດີ ຫລື ເລື່ອງໜ້າຢ້ານກ່ຽວກັບການເກີດລູກມາ, ແຕ່ເຊື່ອໄດ້ເລີຍວ່າຄົນສ່ວນຫລາຍຜ່ານມັນໄປໄດ້ດ້ວຍດີ ແລະ ທຸກຄົນກໍສາມາດອົດທົນກັບຄວາມເຈັບປວດນີ້ໄດ້ຢູ່ແລ້ວ.
  2. ອ່ານປະສົບການການເກີດລູກຂອງແມ່ຍິງທ່ານອື່ນໄວ້ນຳ : ພະຍາຍາມຫາປະສົບການການເກີດລູກທີ່ໜ້າປະທັບໃຈຂອງແມ່ຄົນອື່ນໆມາອ່່ານ ທັງການເກີດແບບທຳມະຊາດ ແລະ ການເກີດແບບຜ່າຕັດ. ການອ່ານປະສົບການທີ່ໜ້າປະທັບໃຈເຫລົ່ານີ້ຈະ ຊ່ວຍໃຫ້ທ່ານຮູ້ສຶກດີ ແລະ ພ້ອມສຳລັບການເກີດລູກຄົນທຳອິດ.
  3. ແມ່ບາງຄົນກໍຕົດ : ແມ່ຍິງຖືພາບາງຄົນກ່າວວ່າຮູ້ສຶກຄືມີແກ໊ສຢູ່ໃນທ້ອງຕອນເບັ່ງ ເຮັດໃຫ້ຕົດຫລາຍເທື່ອຈົນອາຍ.
  4. ລູກຈະຖ່າຍອາຈົມໃນທ້ອງທ່ານ : ສິ່ງທີ່ແມ່ອາດເບິ່ງຂ້າມໄປກໍຄື ລູກຈະຖ່າຍອາຈົມໃນທ້ອງຂອງທ່ານ ໂດຍລູກຈະຖ່າຍສິ່ງເສດເຫລືອ ຄື : ນຳ້ບີ ແລະ ນຳ້ຄາວປາທີ່ກືນເຂົ້າໄປອອກມາເປັນອາຈົມສີຂຽວແກ່ທີ່ເອີ້ນວ່າ : ຂີ້ເທົາ.
  5. ຫລາຍຄົນກໍບໍ່ໄດ້ເກີດລູກຢູ່ໂຮງໝໍ : ເຖິງວ່າຈະຜ່ານມາຈັກຍຸກຈັກສະໄໝ ແຕ່ເລື່ອງສຸກເສີນນີ້ກໍເກີດຂຶ້ນໄດ້ ແມ່ບາງຄົນຕ້ອງເກີດລູກຢູ່ເຮືອນ, ບາງຄົນເກີດລູກໃນລົດ ຫລື ຕາມສະຖານທີ່ສາທາລະນະຕ່າງໆ.
  6. ບັນຫາກ່ຽວກັບການບັອກຫລັງ : ເປັນການສັກຢາຊາເຂົ້າໄປໃນເນື້ອເຍື່ອຫຸ້ມປະສາດໄຂສັນຫລັງເພື່ອລະງັບອາການເຈັບທ້ອງເກີດລູກ ໂດຍແມ່ຍິງຖືພາບາງຄົນອາດພົບກັບບັນຫາການບັອກຫລັງ ບາງຄົນແພດຕ້ອງໃຊ້ຄວາມພະຍາຍາມເຖິງ 4 ເທື່ອຈຶ່ງຈະສຳເລັດໄດ້ ບາງຄົນກໍວິນຫົວປວດຮາກ, ບາງຄົນກໍຍັງຮູ້ສຶກເຈັບຫລັງຈາກການບັອກຫລັງໄປອີກເປັນເດືອນ.
  7. ນຳ້ຄາວປາອອກມາກ່ອນເກີດລູກ : ສຳລັບບາງຄົນນຳ້ຄາວປາກໍອອກມາຫລາຍມື້ກ່ອນທີ່ຈະເກີດລູກ.
  8. ການເບັ່ງບືດດຽວ : ແມ່ຍິງຖືພາຫລາຍຄົນເວົ້າວ່າໃນຕອນທຳອິດນາງຄິດວ່າການເບັ່ງເກີດລູກອອກມາຈະດົນກ່ວານັ້ນ, ແຕ່ເມື່ອເບັ່ງແທ້ໆແລ້ວໃຊ້ເວລາພຽງແຕ່ 5 ນາທີເທົ່ານັ້ນ ເຊິ່ງແມ່ບາງຄົນເກືອບບໍ່ໄດ້ຮູ້ສຶກເຈັບຫລາຍເລີຍ.
  9. ບາງເທື່ອລູກກໍບໍ່ຍອມອອກມາຈັກເທື່ອ : ເດັກນ້ອຍບາງຄົນກໍນານອອກ ຈົນຈຳເປັນຕ້ອງໄດ້ໃຊ້ອຸປະກອນດູດອອກ ຫລື ຜ່າຕັດອອກ.
- new3 - 9 ເລື່ອງຄວນຮູ້ກ່ອນເກີດລູກຄົນທຳອິດ
- lattana 1 - 9 ເລື່ອງຄວນຮູ້ກ່ອນເກີດລູກຄົນທຳອິດ
error: Content is protected !!