ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ

ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ - 217390 e1627106394925 - ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ
ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ - AGL banner - ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ

ໂດຍ: ລູກເມືອງພວນ

ດັ່ງທີ່ພວກເຮົາຊາບນ້ຳກັນແລ້ວວ່າ, ໃນ 3-4 ວັນຜ່ານມານີ້, ລາວເຮົາມີຜູ້ຕິດເຊື້ອນັບມື້ສູງຂຶ້ນ ບໍ່ຕໍ່າກວ່າຫຼັກຮ້ອຍຂຶ້ນເມືອໃນແຕ່ລະວັນ. ດັ່ງນັ້ນຈຶ່ງມີຄວາມເປັນຫ່ວງວ່າ ຈະບໍ່ມີສະຖານທີ່ຮັບຮອງ, ເຄື່ອງໄມ້ເຄື່ອງມືທາງການແພດ, ຢຸກຢາທານັງ ແລະ ບຸກຄະລາກອນທາງການແພດຈະບໍ່ພຽງພໍ…ອີກຢ່າງໜຶ່ງກໍຢ້ານຜູ້ທີ່ກັກຕົວປິ່ນປົວຢູ່ໃນສູນກັກກັນນັ້ນ ລັກໜີອອກຈາກຄ້າຍໄປ ແລະ ນຳເອົາເຊື້ອໄປແພ່ໃສ່ຊຸມຊົນ ດັ່ງທີ່ພວກເຮົາເຄີຍໄດ້ຍິນຂ່າວທີ່ຜ່ານມາ ແລະ ບໍ່ຮູ້ວ່າຈຳນວນຜູ້ຕິດເຊື້ອນີ້ປານໃດຈຶ່ງຈະຫາຍດີໝົດ ໂດຍປາສະຈາກການເສຍຊິວິດເພີ່ມເຕີມ. ການທີ່ນຳເອົາເຊື້ອໂຄວິດ ເຂົ້າມານັບມື້ນັບຫຼາຍແບບນີ້ກໍມີຄວາມສ່ຽງສູງ ເໜືອຄວາມສາມາດທີ່ຈະຄວບຄຸມມັນໄດ້ ຖ້າບໍ່ມີມາດຕະການປ້ອງກັນ ສະກັດກັ້ນ ແລະ ແກ້ໄຂທີ່ຖືກຕ້ອງ.

ເຖິງ ແມ່ນວ່າຈະມີຜູ້ຕິດເຊື້ອນັບມື້ສູງຂຶ້ນກໍຈິງ, ແຕ່ພວກເຮົາກໍຍັງມີຄວາມອຸ່ນໃຈຢູ່ບ່ອນວ່າ ຈຳນວນຜູ້ຕິດເຊື້ອດັ່ງກ່າວລ້ວນແຕ່ແມ່ນກໍລະນີນຳເຂົ້າເປັນສ່ວນໃຫຍ່, ຊຶ່ງທາງການສາມາດຄວບຄຸມໄດ້ ບໍ່ໃຫ້ກະຈາຍເຊື້ອໄປສູ່ຊຸມຊົນ ແລະ ພີ່ນ້ອງແຮງງານເຫຼົ່ານີ້ລ້ວນແຕ່ໄດ້ຮັບການປິ່ນປົວ, ເບິ່ງແຍງດູແລ ເປັນຢ່າງດີ ແລະ ອີກຢ່າງໜຶ່ງ ພີ່ນ້ອງແຮງງານລາວເຂົ້າມາປະເທດກໍມີຄວາມຕື່ນຕົວ ແລະ ຮັບຮູ້ບັນຫາອັນຕະລາຍຕໍ່ປະເທດຊາດບ້ານເມືອງຫຼາຍຂຶ້ນ ຈຶ່ງໄດ້ພ້ອມກັນເຈົ້າມາຢ່າງຖືກຕ້ອງຕາມລະບຽບຫຼັກການ, ຈຶ່ງເຮັດໃຫ້ການແພ່ລະບາດໃນລາວມີຄວາມສະຫງົບດີ, ບໍ່ມີການແພ່ເຊື້ອໃນຊຸມຊົນ, ມີແຕ່ກໍລະນີນຳເຂົ້າເປັນສ່ວນໃຫ່ຍ ຈຶ່ງເຮັດໃຫ້ພວກເຮົາມີຄວາມອຸ່ນໃຈ ໃນການຄວບຄຸມເຊື້ອພະຍາດບະບາດນີ້ດ່ວຍຄວາມຫວັງດີ.

ດ້ານໜຶ່ງອີກທີ່ພວກເຮົາອຸ່ນໃຈໄດ້ ກໍເນື່ອງຈາກວ່າລັດຖະບານລາວໄດ້ຈັດຫາວັກຊີນຊະນິດຕ່າງໆ ແລະ ດີດີ ທັງນັ້ນ ມາສັກໃຫ້ກັບປະຊາຊົນໄດ້ຢ່າງຕໍ່ເນື່ອງ, ຄາດວ່າເມື່ອຮອດເດືອນສິງຫາທີ່ຈະມາເຖິງຄາດວ່າຈະມີຜູ້ໄດ້ຮັບການສັກວັກຊີນທັງເຂັມ 1 ແລະ ເຂັມ 2 ປະມານກວ່າ 29% ປະຊາກອນຂອງປະເທດ.

ການສັກວັກຊີນເປັນມາດຕະການໜຶ່ງທີ່ຈະຊ່ວຍໃຫ້ການແພ່ລະຍາດຂອງພະຍາດຢຸດຕິລົງໄດ້ໂດຍໄວ ແລະ ທັງເປັນເງື່ອນໄຂໃຫ້ແກ່ການເຄື່ອນໄຫວໄປມາ ຂອງພົນລະເມືອງລາວໃນສະຖານະການໃໝ່ ທັງນີ້ກໍເພື່ອຮັບປະກັນໃຫ້ແກ່ການດຳລົງຊີວິດ ປົກະຕິແບບໃໝ່ຢ່າງຕໍ່ເນື່ອງ.

ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ - Wave100S AD to Website 2020 0 - ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ

ການຕື່ນຕົວຂອງພີ່ນ້ອງແຮງງານລາວເຂົ້າມາປະເທດຢ່າງຖືກຕ້ອງ, ການສັກວັກຊີນໃຫ້ກັບປະຊາຊົນນັບມື້ນັບຫຼາຍຂຶ້ນ ຄືມາດຕະການຈະຊ່ວຍໃຫ້ການຢູດເຊື້ອໂຄວິດ-19 ໃນລາວຢຸດຕິລົງຢ່າງໄວວາໂດຍບໍ່ຕ້ອງສົງໄສ.

ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ - lattana banner 1 - ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ
ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ -    AD conten website - ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ
ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ - lattana banner - ທັງມີຄວາມເປັນຫ່ວງ ທັງມີຄວາມອຸ່ນໃຈໃນເມື່ອພີ່ນ້ອງແຮງງານລາວເຂົ້າມາຢ່າງຖືກຕ້ອງ
error: Alert: ເນື້ອຫາຂ່າວມີລິຂະສິດ !!