ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ

ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ - 21938 e1627296345250 - ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ
ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ - AGL banner - ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ
ໃນວັນທີ 25 ກໍລະກົດ 2021 ຜ່ານມານີ້, ທ່ານ ສົມສັກ ປິ່ນແກ້ວ ເຈົ້າເມືອງເມິງ ແຂວງບໍລິຄຳໄຊ ພ້ອມດ້ວຍຄະນະຄວບຄຸມແກ້ໄຂໄພພິບັດຂັ້ນເມືອງ ໄດ້ລົງກວດກາຜົນເສຍຫາຍຈາກໄພພິບັດນໍ້າຖ້ວມບ້ານນໍ້າຄາລື້ກຸ່ມຫົວນໍ້າຄາ ແລະ ບ້ານອື່ນໆໃນທົ່ວເມືອງ, ໄພພິບັດນໍ້າຖ້ວມດັ່ງກ່າວແມ່ນເກີດຂື້ນໃນຊ່ວງອາທິດທີ່ຜ່ານມາ ເນື່ອງຈາກມີຝົນຕົກໜັກຫລາຍວັນຕິດຕໍ່ກັນ ເຮັດໃຫ້ນໍ້ານອງກະທັນຫັນ-ກະແສນໍ້າໄຫຼຊຸແຮງ ເຮັດໃຫ້ນໍ້າຫຍື່ງຂຶ້ນຖ້ວມບ້ານເຮືອນ ຂອງປະຊາຊົນບ້ານນໍ້າຄາລື້ເສຍຫາຍໜັກພໍສົມຄວນ, ເຊິ່ງນໍ້າໄດ້ຂຶ້ນຖ້ວມບ້ານ-ເຮືອນຂອງປະຊາຊົນຈຳນວນ 14 ຫຼັງຄາເຮືອນ, ເຄື່ອງໃຊ້ສອຍພາຍໃນເຮືອນເສຍຫາຍ, ສັດລ້ຽງຖືກນໍ້າຖ້ວມພັດໄຫຼໄປນໍານໍ້າຫລາຍຮ້ອຍໂຕ ແລະ ເນື້ອທີ່ນາຖືກນໍ້າຖ້ວມເສຍຫາຍ 36,93 ເຮັກຕາ, ດິນທັບຖົມ 19,4 ເຮັກຕາ, ດິນເຊາະເຈື່ອນ 17,3 ເຮັກຕາ, ໜອງປາເປ່ເພ 7 ໜອງ  7 ຄອບຄົວ, ລວມມູນຄ່າຜົນເສຍຫາຍທັງໝົດ 983.997.000 ກີບ. ນອກນັ້ນເສັ້ນທາງແຕ່ແຂວງຫາເມືອງ ແລະ ເມືອງຫາບ້ານແມ່ນເປ່ເພຈາກດິນສະໄລຖົມ-ເສັ້ນທາງເປັນຂີ້ຕົມ, ນ້ຳເຊາະເສັ້ນທາງຕັດຂາດບາງຈຸດເຮັດໃຫ້ການສັນຈອນມີຄວາມຫຍຸ້ງຍາກ.
ໂອກາດນີ້, ຄະນະຄວບຄຸມແກ້ໄຂໄພພິບັດຂັ້ນເມືອງ ໄດ້ນໍາເອົາເງິນສົດຈຳນວນໜຶ່ງມາຊ່ວຍເຫຼືອຄອບຄົວທີ່ໄດ້ຮັບຜົນກະທົບຈໍານວນ 16 ຄອບຄົວ ພ້ອມທັງໃຫ້ກຳລັງໃຈປະຊາຊົນທີ່ຖືກຜົນກະທົບຈາກອຸທົກກະໄພນໍ້າຖ້ວມຄັ້ງນີ້ ໃຫ້ມີແນວຄິດອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ ແລະ ລັດ, ພື້ນທີ່ນາທີ່ໄດ້ຮັບຜົນກະທົບຈາກນໍ້າຖ້ວມເສຍຫາຍແມ່ນໃຫ້ພາກສ່ວນຫ້ອງການກະສິກໍາສືບຕໍ່ລົງກວດກາເກັບກຳຂໍ້ມູນລະອຽດ ແລ້ວນໍາເອົາແນວພັນພືດເປັນສິນຄ້າອື່ນໆມາປູກທົດແທນເນື້ອທີ່ທໍາການຜະລິດທີ່ຖືກເສຍຫາຍ. ແລະ ເນັ້ນໃຫ້ປະຊາຊົນຕ້ອງມີຄວາມບຸກບືນສູ້ຊົນ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ ເພື່ອເຮັດໃຫ້ການດໍາລົງຊີວິດກັບເຂົ້າສູ່ສະພາວະປົກກະຕິໂດຍໄວ ແລະ ໃຫ້ມີສະຕິກຽມພ້ອມ ເພື່ອຮັບມືກັບໄພພິບັດຕ່າງໆ ທີ່ອາດຈະເກີດຂຶ້ນຊໍ້າໃນຕໍ່ໜ້າ.
ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ - Wave100S AD to Website 2020 0 - ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ
ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ -    AD conten website - ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ
ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ - lattana banner - ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ
ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ - lattana banner 1 - ນໍ້າຖ້ວມເມືອງເມິງ ແຂວງບໍ່ແກ້ວ ເສຍຫາຍຫລາຍກວ່າ 983 ລ້ານກີບ
error: Alert: ເນື້ອຫາຂ່າວມີລິຂະສິດ !!