Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ

Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ - af1d0787 2309 4453 ae4f a14b96af0aa3 - Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ
Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ - AGL banner - Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ

ຜູ້ທີ່ເປີດເສັ້ນທາງໃຫ້ແກ່ການຄົ້ນຄວ້າ ແລະ ພັດທະນາວັກຊິນ ເພື່ອກອບກູ້ເອົາຊີວິດຂອງມວນມະນຸດຊາດຫຼາຍລ້ານຄົນພົ້ນຈາກການລະບາດຂອງໂຄວິດ-19 ນັ້ນກໍຄືທ່ານນາງ Katalin Kariko ນັກວິທະຍາສາດຊາວ ຮຸງກາຣີ

ນາງ Katalin Kariko ເປັນຫນຶ່ງໃນຜູ້ທຳອິດທີ່ຄົ້ນພົບ RNA ສື່ສານ ຫຼື ເອີ້ນຊື່ຫຍໍ້ວ່າ MRNA ຊຶ່ງເປັນເຕັກໂນໂລຊີນຳໃຊ້ເຂົ້າໃນການຜະລິດວັກຊິນຕ້ານໂຄວິດ-19 ຊະນິດຕ່າງໆ ທີ່ທັນສະໄໝທີ່ສຸດຂອງໂລກໃນປັດຈຸບັນ.

ການຄົ້ນພົບ MRNA ຂອງນາງ ມັນເຕັມໄປດ້ວຍຄວາມຫຍຸ້ງຍາກນານາປະການຕະຫຼອດໄລຍະເວລາທີ່ຍາວນານຂອງການຄົ້ນຄ້ວາຂອງນັກວິທະຍາສາດ ຮຸງກາຣີ ຄົນນີ້ ເບິ່ງແລ້ວຄືວ່າ ຈະບໍ່ເປັນຄວາມຈິງໄດ້, ໃຜໆ ເຫັນແລ້ວ ກໍລ້ວນແຕ່ແກວ່ງຫົວ ປະຕິເສດຕໍ່ກັບການຄົ້ນຄວ້າດັ່ງກ່າວ, ແມ່ນແຕ່ເພື່ອນຮ່ວມງານຂອງທ່ານເອງກໍເຊັ່ນດຽວກັນ.

Katalin Kariko ເກີດເມື່ອວັນທີ 17/01/1955 ທີ່ເມືອງ Kisujszallas ປະເທດ ຮຸງກາຣີ ໃນຄອບຄົວຄ້າຂາຍຊີ້ນ. Kariko ,ມີຄວາມມັກ, ຮັກ ແລະ ເມົາມົວກັບການຄົ້ນຄວ້າວິທະຍາສາດ ມາແຕ່ໄວເດັກ, ເນື່ອງຈາກວ່າຖານະຄອບຄົວມີຄວາມຍາກຈົນ, ເຂົາຈຶ່ງໄດ້ທຸ່ມເທທຸກຢ່າງເພື່ອການຮໍ່າຮຽນ ເພື່ອຄວາມຫວັງວ່າ ຈະໄດ້ປ່ຽນຊີວິດໃໝ່. ຄວາມອົດທົນພະຍາຍາດັ່ງກ່າວໄດ້ເຮັດໃຫ້ເຂົາໄດ້ຮັບທຶນການສຶກສາຈາກສາທາລະນະລັດປະຊາຊົນ ຮຸງກາຣີ ຊຶ່ງເປັນທຶນການສຶກສາທີ່ມີຄຸນຄ່າສຸດໃນເວລານັ້ນ.

ພາຍຫຼັງຮຽນຈົບມະຫາວິທະຍາໄລແລ້ວ, Kariko ສືບຕໍ່ຄົ້ນຄວ້າລະດັບປະລີນຍາເອກ, ຫຼັງຈາກນັ້ນໄດ້ເຂົ້າເຮັດວຽກຢູ່ສູນຄົ້ນຄວ້າຊີວະວິທະຍາ ຂອງສະຖາບັນວິທະຍາສາດ ຮຸງກາຣີ ໃນເມືອງ Szeged ໂດຍຕັ້ງໃຈໃຫ້ກັບການຄົ້ນຄວ້າ mRNA ແຕ່ເວລາຍັງເປັນນັກສຶກສາໃນມະຫາວິທະຍາໄລເປັນຕົ້ນມາ. ແຕ່ເນື່ອງຈາກວ່າ ທຶນການຄົ້ນຄວ້າບໍ່ພຽງພໍ, ເມື່ອຕົ້ນປີ 1980 ທາງສະຖາບັນໄດ້ຢຸດຕິໃຫ້ການຊ່ວຍເຫຼືອດ້ານການເງິນໃຫ້ແກ່ການຄົ້ນຄວ້າຂອງເຂົາ.

ເມື່ອຕົກເຂົ້າສູ່ວິກິດການ ອາຍຸໄດ້ພຽງ 30 ປີ, ເບື້ອງຕົ້ນ Kariko ໄດ້ເດີນທາງໄປທົ່ວທະວີບຢູໂຣບເພື່ອຊອກຫາວຽກເຮັດງານທຳ ແຕ່ກໍສິ້ນຫວັງ. ຕອນບ່າຍຄ້າຍແລງຂອງ ວັນໜຶ່ງໃນປີ 1985 ລາວໄດ້ຕັດສິນໃຈເຄາະຂອດເງິນທີ່ຕົນເອງມີຢູ່, ຂາຍຊັບສິນທັງໝົດທີ່ມີຄ່າໃນຄອບຄົວ ແລ້ວພາລູກ-ຜົວ ຂ້າມມະຫາສະໝຸດໄປດຳລົງຊິວິດຢູ່ສະຫະລັດອາເມລິກາ.
ເມື່ອໄປເຖິງສະຫະລັດ, ເບື້ອງຕົ້ນເຂົາໄດ້ຮຽນຈົບໃນລະບົບຫຼັງມະຫາວິທະຍາໄລທີ່ມະຫາວິທະຍາໄລ Temple ຈາກນັ້ນເຂົາຖືກຮັບເຂົ້າເປັນຜູ້ຊ່ວຍວຽກໃຫ້ປະລິນຍາເອກ Elliot Barnathan ທີ່ມະຫາວິທະຍາໄລ Pennsylvania, ແຕ່ເຂົາກໍບໍ່ໄດ້ຮັບເງິນອູດໜູນໃນການສືບຕໍ່ຄົ້ນຄວ້າ mARN ເລີຍ. ຍິ່ງໄປກວ່ານັ້ນ ທຸກສິ່ງທຸກຢ່າງນັບມື້ຮ້າຍແຮງລົງ ໃນຂະນະທີ່ປະລິນຍາເອກ Barnathan ຍ້າຍອອກຈາກມະຫາວິທະຍາໄລ Pennsylvania ໄປ, ເຂົາກໍເລີຍຕົກເຂົ້າສູ່ສະພາວະຂາດແຄນເງິນຊ່ວຍເຫຼືອໃນການຄົ້ນຄວ້າ.

ປີ 1995, ພາຍຫຼັງຍ້າຍໄປຢູສະຫະລັດໄດ້ 10 ປີ ຊຶ່ງເປັນໄລຍະເວລາ ທີ່ຫຍຸ້ງຍາກສັບສົນທີ່ສຸດໃນຊີວິດຂອງນາງ ເມື່ອຖືກໄລ່ອອກຈາກມະຫາວິ ທະຍາໄລ Pennsylvania ແລະ ທັງຖືກບົ່ງມະຕິພະຍາດວ່າເປັນມະເຮັງ. ເຮັດໃຫ້ນາງຕົກງານ ພ້ອມມີພະຍາດຕິດຕົວ ຈຶ່ງເຮັດໃຫ້ຄວາມຫວັງຕັ້ງໃຈທຸ່ມເທໃສ່ພາລະກິດຄົ້ນຄວ້າຂອງເຂົາຖືກຫຼົ້ມສະຫຼາຍໄປທັງໝົດ.

ຫຼັງຈາກນັ້ນ 3 ປີ, ຂະນະທີ່ Kariko ກຳລັງໄປອັດເອກະສານສຳເນົາໃດຫນຶ່ງຢູ່ນັ້ນ ເຂົາໄດ້ພົບກັບສາດສະດາຈານພະຍາດລະບາດວິທະຍາ Drew Weissmen ໂດຍບັງເອີນ ແລະ ໃນເວລາລໍຖ້າກ໊ອບປີເອກະສານຢູ່ນັ້ນ, Kariko ໄດ້ເລົ່າເລື່ຶອງລາວທັງໝົດກ່ຽວກັຍ mRNA ໃຫ້ Weissmen ຟັງ. ເມື່ອຟັງແລ້ວ, ສາດສະດາຈານ Weissmen ເຫັນວ່າ ອັນນັ້ນມັນເປັນຄວາມຮູ້ທີ່ລໍ້າເລີດທີ່ສຸດ, ເພີ່ນຈຶ່ງໄດ້ຕັດສິນໃຈທຸ່ມເທຊັບສິນເງິນຄຳ ແລະ ຮ່ວມມືກັບ Kariko ຄົ້ນຄວ້າ ແລະ ພັດທະນາ mRNA ຂຶ້ນມາ.

Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ - Wave100S AD to Website 2020 0 - Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ

ວົງການວິທະຍາສາດໃນເວລານັ້ນ ບໍ່ສົນໃຈກັບບັນຫາດັ່ງກ່າວ ແລະ ປະຕິເສດທີ່ຈະໃຫ້ການສະໜັບສະໜູນດ້ານການເງິນເພື່ຶອຄົ້ນຄວ້າ mRNA ເພາະເຂົາຄິດວ່າເທັກໂນໂລຢີ ອັນນີ້ບໍ່ມີລັກສະນະຕົວຈິງແຕ່ຢ່າງໃດ. ໜັງສືພີມຕ່າງໆກໍປະຕິເສດທີ່ຈະລົງບົດຂ່າວກ່ຽວກັບການຄົ້ນຄວ້າຂອງ Kariko ແລະ Weissmen ເລີຍ.

ຄວາມອົດທົນພະຍາຍາມຜ່ານທຸກຜ່ານຍາກໃນການຄົ້ນຄວ້າ ຂອງນັກວິທະຍາສາດ Kariko ແລະ Weissman ໃນທີ່ສຸດກໍໄດ້ຮັບການຕອບແທນ. ປີ 2005 Kariko ແລະ Weissman ໄດ້ປະສົບຜົນສໍາເລັດໃນການຄົ້ນຄວ້າຂອງຕົນ ເມື່ອພວກເຂົາທັງສອງຄົ້ນພົບ mRNA ໃນລະບົບຄຸ້ມກັນພະຍາດຂອງຮ່າງກາຍ.

ຫຼັງຈາກນັ້ນ, ໂຄງການຄົ້ນຄວ້າຂອງພວກເຂົາກໍສາມາດດຶງດູດຄວາມສົນໃຈຈາກນັກຊີວະວິທະຍາຈຸລັງວິທະຍາ ຂອງ ການາດາ, Derrick Rossi ແລະ ເຂົາໄດ້ປະກອບສ່ວນເຂົ້າໃນການສ້າງຕັ້ງບໍລິສັດການຢາ ໂມເດິນນາ ແລະ ເປັນຄູ່ຮ່ວມມືກັບ ໄຟເຊີ ແລະ ໄບອອນເທັກ. Rossi ບໍ່ສະເພາະແຕ່ມີຄວາມເຊື່ອໝັ້ນໃນການປະກອບສ່ວນຂອງ Kariko ແລະ Weissman ໃຫ້ກັບວົງການວິທະຍາສາດການແພດໂລກ ແຕ່ຍັງສົມກັບວ່າ ເປັນຜູ້ຊ່ວຍໃຫ້ພວກເຂົາໄດ້ຮັບລາງວັນ ໂນເບລ ອີກດ້ວຍ.

ຂະນະນີ້, ເທັກໂນໂລຢີ mRNA ເປັນທີ່ຍອມຮັບຂອງບັນດານັກວິທະຍາສາດຂອງ ບໍລິສັດ Pfizer-BioNTech ແລະ Moderna ເພື່ອຜະລິດວັກຊີນໂຄວິດ-19 . ປະລີນຍາເອກ Anthony Fauci ຜູ້ອຳນວນການສະຖາບັນພະຍາດພູມແພ້ວິທະຍາແຫ່ງຊາດຂອງສະຫະລັດ ຢຶນຢັນວ່າ mRNA ມີຄວາມຫວັງທີ່ໃຫ່ຍຫຼວງໃນການຄົ້ນຄວ້າວັກຊີນ ຕ້ານພະຍາດທີ່ມີມາແຕ່ດົນນານເຊັ່ນ: ໄຂ້ຫວັດຕາມລະດູການ, ໄຂ້ມາລາເລຍ, ເອສ ແລະ ອື່ນ…

ຮຽບຮຽງຕາມແຫຼ່ງຂ່າວ: vietnamnet

 

Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ -    AD conten website - Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ
Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ - lattana banner - Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ
Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ - lattana banner 1 - Katalin Kariko ຜູ້ຄົ້ນພົບວັກຊີນຕ້ານໂຄວິດ-19 ເພື່ອກອບກູ້ຊີວິດຂອງມວນມະນຸດ

Comment

    Anonymous
    31/07/2021 - 10:00 am

    mRNA ຫຍໍ້ມາຈາກໃສ

Comments are closed.

error: Alert: ເນື້ອຫາຂ່າວມີລິຂະສິດ !!