ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ

ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ - ea88a e1627556428101 - ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ
ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ - AGL banner - ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ

ວັນທີ 29 ກໍລະກົດ ນີ້ ທ່ານ ພັນຄໍາ ວິພາວັນ ນາຍົກລັດຖະມົນຕີ ລົງຢ້ຽມຢາມ ແລະ ຊຸກຍູ້ແກ້ໄຂການລະບາດຂອງພະຍາດໂຄວິດ-19ຢູ່ແຂວງຈໍາປາສັກ ແລະ ຂະນະດຽວກັນທ່ານນາຍົກກໍໄດ້ພົບປະ ແລະ ຮັບຟັງ ລາຍງານ ອົງການປົກຄອງແຂວງ ຈໍາປາສັກ, ສາລະວັນ, ເຊກອງ ແລະ ອັດຕະປື ໃນການ ປ້ອງກັນ ຄວບຄຸມ ແລະ ແກ້ໄຂການລະບາດພະຍາດໂຄວິດ -19 ດັ່ງທ່ານ ວິໄລວົງ ບຸດດາຄໍາ ເຈົ້າແຂວງໆຈໍາປາສັກ ໄດ້ລາຍງານວ່າ: ແຂວງຈໍາປາສັກໄດ້ເອົາໃຈໃສ່ປະຕິບັດບັນດາມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດພະຍາດດັ່ງກ່າວທີ່ສູນກາງວາງອອກຢ່າງເຂັ້ມງວດ, ຊຶ່ງມາຮອດປັດຈຸບັນ ທົ່ວແຂວງມີຜູ້ຕິດເຊື້ອໂຄວິດ-19ເປັນ ຈໍານວນບໍ່ຫນ່ອຍຕົ້ນຕໍ ແຮງງານກັບມາຈາກປະເທດໃກ້ຄຽງທີ່ມີການລະບາດຂອງພະຍາດນີ້, ຖ້ານັບທັງຕົວເລກສະສົມທົ່ວແຂວງມີຜູ້ຕິດເຊື້ອ 1.618 ຄົນ, ປົວຫາຍດີແລ້ວ 755 ຄົນ, ຍັງສືບຕໍ່ປິນປົວ ທັງໝົດຈໍານວນ 863 ຄົນ.

ສະຖານທີ່ປິ່ນປົວຜູ້ຕິດເຊື້ອຢູ່ແຂວງຈຳປາສັກ ມີ 3 ແຫ່ງຄື: ຄົນເຈັບທີ່ມີອາການໜັກແມ່ນປິ່ນປົວຢູ່ເມືອງໂພນທອງ, ຜູ້ມີອາການປານກາງແມ່ນປີ່ນປົວຢູ່ໂຮງໝໍບໍລະເວນ 106 ກອງທັບ, ສ່ວນຜູ້ມີອາການເບົາບາງແມ່ນປິ່ນປົວຢູ່ໂຮງໝໍພາກສະໜາມວິທະຍາໄລການເງິນພາກໃຕ້.

ທ່ານເຈົ້າແຂວງໃຫ້ຮູ້ວ່າ: ສ່ວນແຮງງານລາວ ເດີນທາງເຂົ້າມາປະເທດຜ່ານດ່ານສາກົນວັງເຕົ່າໂດຍສະເລ່ຍແຕ່ລະມື້ມີ ປະມານ 100-200 ຄົນ, ສຳລັບສູນກັກກັ້ນບໍລະເວນມີທັງໝົດ 8 ສູນ, ຊຶ່ງປັດຈຸບັນມີຜູ້ກັກກັນບໍລິເວນຢູ່ທັງໝົດ 1.431 ຄົນ. ຜ່ານມາແຂວງຈຳປາສັກກໍໄດ້ຮັບການແບ່ງປັນວັກຊິນໂຄວິດຈາກລັດຖະບານແລ້ວ 123.000 ໂດສ ຊຶ່ງສາມາດສັກໃຫ້ປະຊາຊົນແລ້ວກວມເອົາ 30% ຂອງພົນລະເມືອງໃນທົ່ວແຂວງ.

ໃນໂອກາດນີ້ທ່ານນາຍົກລັດຖະມົນຕີ ກໍໄດ້ໃຫ້ກຽດໂອ້ລົມ ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ອົງການປົກຄອງ ແລະ ຄະນະສະເພາະກິດແຕ່ລະຂັ້ນ ທີ່ໄດ້ສຸມມານະຈິດເຮື່ອແຮງ ແລະ ທຶນຮອນ ເຂົ້າໃນການຄວບຄຸມພະຍາດໂຄວິດ-19 ຢ່າງຈິງຈັງ. ພ້ອມໄດ້ໃຫ້ທິດຊີ້ນໍາຕໍ່ຄະນະພັກ-ອົງການປົກຄອງແຂວງ ກໍຄືຄະນະສະເພາະກິດແຕ່ລະຂັ້ນ ໃຫ້ສືບຕໍ່ເອົາໃຈໃສ່ໃນການຄວບຄຸມການລະບາດຂອງພະຍາດ ໃຫ້ແຂງແຮງກ່ວາເກົ່າ. ຖືເອົາການປະຕິບັດມາດຕະການທີ່ສູນກາງພັກ, ລັດຖະບານ ແລະ ແຂວງວາງອອກໃຫ້ເຂັ້ມງວດ ແລະ ເປັນເຈົ້າການ, ພ້ອມເອົາໃຈໃສ່ປຸກລະດົມກຳລັງແຮງຂອງສັງຄົມສາມັກຄີກັນສຸມໃສ່ສະກັດກັ້ນຄວບຄຸມ ແລະ ແກ້ໄຂການລະບາດພະຍາດຮ້າຍນີ້ ໃຫ້ຫລຸດໜ້ອຍຖອຍລົງເທື່ອລະກ້າວ.

ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ - Wave100S AD to Website 2020 0 - ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ

ໃນໂອກາດມາຢ້ຽມຢາມ ແຂວງຈໍາປາສັກ ແລະ ບັນດາແຂວງພາກໃຕ້ ທ່ານ ນາຍົກລັດຖະມົນຕີ ໄດ້ມອບເງິນໃຫ້ແຂວງຈໍາປາສັກຈໍານວນ 450 ລ້ານກີບ, ແຂວງສາລະວັນ ເຊກອງ ແລະ ແຂວງອຫດຕະປືແຂວງລະ 150 ລ້ານກີບເພື່ອນໍາໃຊ້ເຂົ້າໃນການຄວບຄຸມ ແກ້ໄຂການລະບາດພະຍາດໂຄວິດ- 19 ແລະ ໄດ້ໄປຢ້ຽມຢາມໂຮງໝໍພາກສະໜາມວິທະຍາໄລການເງິນພາກໃຕ້ ເພື່ອຢ້ຽມຢາມຖາມຂ່າວ ແລະ ໃຫ້ກຳລັງໃຈແກ່ພະນັກງານແພດໝໍ ແລະ ຜູ້ຕິດເຊື້ອໂຄວິດ-19ທີ່ກຳລັງປິ່ນປົວຢູ່ໂຮງດັ່ງກ່າວ.

ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ - lattana banner - ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ
ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ -    AD conten website - ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ
ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ - lattana banner 1 - ນາຍົກລັດຖະມົນຕີ ລົງຊຸກຍູ້ແກ້ໄຂການລະບາດພະຍາດໂຄວິດ-19 ຢູ່ແຂວງຈໍາປາສັກ
error: Alert: ເນື້ອຫາຂ່າວມີລິຂະສິດ !!