ພຽງສອງວັນເມືອງສອງຄອນ ກວດພົບຜູ້ຕິດເຊື້ອໂຄວິດ-19 ຫລັງກັກຕົວຄົບ 14 ວັນແລ້ວ 17 ຄົນ

ຫ້ອງການສາທາລະນະສຸກເມືອງສອງຄອນ ແຂວງສະຫວັນນະເຂດ ລາຍງານໃນວັນທີ 2 ສິງຫາ ນີ້ວ່າ:  ເມືອງຂອງຕົນໄດ້ກວດພົບແຮງງານລາວນຳເຂົ້າຕິດເຊື້ອໂຄວິດ – 19 ຫລັງກັກກັນຕົວຢູ່ສູນຈຳກັດບໍລິເວນຂອງແຂວງຄົບ 14 ວັນແລ້ວ ແລະ ຖືກນຳສົ່ງມາສືບຕໍ່ກັກຕົວຢູ່ສູນຂອງເມືອງສອງຄອນ ທີ່ໂຮງປະຖົມບ້ານໂນນສົມພູ,ໄດ້ 2 ວັນ ແຕ່ກວດພົບເຊື້ອເປັນບວກສູງເຖິງ 17 ຄົນຄື: ຜົນກວດພົບເຊື້ອໃນວັນທີ 1 ສິງຫາ ມີ 10 ຄົນຄື:

1. ນາງນິ້ມ ອາຍຸ 17 ປີ ຢູ່ບ້ານເຊບັງຫຽງ, 2. ນາງກ້ວຍ ອາຍຸ 16 ປີ ຢູ່ບ້ານຫ້ວຍຄໍ້, 3. ນາງບົວລອຍ ອາຍຸ 29 ປີ ຢູ່ບ້ານໜອງເດິ່ນທົ່ງ, 4. ນາງລິນ ອາຍຸ 29 ປີ ຢູ່ບ້ານທົ່ງສີເມືອງ, 5. ນາງອຸດອນ ອາຍຸ 29 ປີ ຢູ່ບ້ານສະບູໄຊ, 6. ນາງຕ້າ ອາຍຸ 29 ປີ ຢູ່ບ້ານຄຳສະຫວ່າງ, 7. ນາງກີ້ ອາຍຸ 18 ປີ ຢູ່ບ້ານມ່ວງໄຂ່, 8. ທ້າວສີທົນ ອາຍຸ 22 ປີ ຢູ່ບ້ານນາຫອຍປັງ, 9. ນາງຈຸມິງ ອາຍຸ 14 ປີ ຢູ່ບ້ານລະຫານ້ຳ ແລະ 10. ນາງກຸ້ງ ອາຍຸ 31 ປີ ຢູ່ບ້ານນາຄູ.

ສ່ວນຜູ້ກວດພົບເຊື້ອໃນວັນທີ 2 ສິງຫາ ມີ 7 ຄົນຄື: 1. ນາງເຈັກ ອາຍຸ 31 ປີ ຢູ່ບ້ານນາຮັງແຂ້, 2. ທ້າວແຂກ ອາຍຸ 30 ປີ ຢູ່ບ້ານນາຮັງແຂ້, 3. ທ້າວລິນ ອາຍຸ 17 ປີ ຢູ່ບ້ານນາດົງ, 4. ນາງ ອໍ ອາຍຸ 20 ປີ ຢູ່ບ້ານໂຄກສະອາດ, 5. ທ້າວໂກມິນອາຍຸ 17 ປີ ຢູ່ບ້ານຫີນແຕກ, 6. ທ້າວຄິນ ອາຍຸ 29 ປີ ແລະ 7. ທ້າວຕ່າງ ອາຍຸ 20 ປີ ຊຶ່ງທັງສອງຢູ່ບ້ານດອນຂຽວ.