ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້

ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້ - 040505 2021 - ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້
ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້ - AGL banner - ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້

ເປົ້າໝາຍໃນຊີວິດຄົນເຮົາບໍ່ຄືກັນ ບາງຄົນພໍໃຈກັບທາງລັດແລ້ວເກັບລາຍລະອຽດກ່ອນລົງມືເຮັດ, ບາງຄົນມັກທີ່ຈະຄ່ອຍໆ ຍ່າງເທື່ອລະກ້າວ ເພື່ອຊື່ນຊົມຄວາມງົດງາມລະຫ່ວາງທາງ, ແຕ່ສຳລັບບາງຄົນເມື່ອເຫັນຈຸດໝາຍທີ່ຈະແຈ້ງກໍຮີບຟ້າວໄປໃຫ້ ຮອດໂດຍໄວ. ການຊັ່ງຊາຂອງຊີວິດຈຶ່ງເປັນການເບິ່ງກ້ວາງໆວ່າແຕ່ລະມື້ເຮົາມີຄວາມສຸກໄປກັບຫຍັງແດ່ ແລະ ມັນແມ່ນສິ່ງທີ່ ເຮົາຢາກໄດ້ຢ່າງແທ້ຈິງຫລືບໍ່, ແຕ່ຖ້າທ່ານເປັນຄົນເບິ່ງໄປໃສ່ເປົ້າໝາຍ ແລ້ວຮູ້ສຶກວ່າການໃຊ້ຊີວິດແຕ່ລະມື້ຍັງຄົງຢຸດຍ່ຳຢູ່ແຕ່ ບ່ອນເກົ່າ ແລະ ຄວາມເຊື່ອງຊ້ານັ້ນບໍ່ແມ່ນທາງຂອງທ່ານ ໃຫ້ລອງມາເບິ່ງວ່າເປັນຍ້ອນທ່ານຍັງເຮັດສິ່ງເຫລົ່ານີ້ຢູ່ຫລືບໍ່ ອາດມີ ບາງຂໍ້ທີ່ທ່ານຢຸດເຮັດ ແລ້ວຊີວິດຈະກ້າວໄປໄກກ່ວາເກົ່າກໍເປັນໄດ້.

  1. ຢຸດລໍຖ້າຈັງຫວະເວລາທີ່ສົມບູນແບບ : ຄົນຮັກມັກມີຄຳເວົ້າຕິດປາກວ່າ ຈັກໜ້ອຍຈຶ່ງຄ່ອຍເຮັດ, ຈັກໜ້ອຍຈຶ່ງຄ່ອຍເລີ່ມ ລົງມືເຮັດວຽກ, ແລ້ວຈຶ່ງຄ່ອຍອອກກຳລັງກາຍຕາມຫລັງ, ແລ້ວຈຶ່ງຄ່ອຍຕອບຂໍ້ຄວາມຕາມຫລັງ …. ກັບຫລາຍໆ ເລື່ອງ ຍ້ອນຄິດວ່າມັນມີຈັງຫວະເວລາທີ່ດີທີ່ສຸດໃນການເລີ່ມເຮັດສິ່ງເຫລົ່ານັ້ນ ແຕ່ໃນຄວາມເປັນຈິງແລ້ວ ເຮົາບໍ່ເຄີຍມີ ໄລຍະເວລາທີ່ສົມບູນແບບ. ໃນໄລຍະເວລາທີ່ດີທີ່ສຸດແມ່ນໄລຍະເວລາໃນຕອນນີ້ ຂະນະນີ້ ປັດຈຸບັນນີ້ ທີ່ທ່ານເລີ່ມລົງມື ເຮັດໃນທັນທີທັນໃດ ແລ້ວປັບປ່ຽນໄປຕາມສະຖານະການຂ້າງໜ້າ, ຮຽນຮູ້ທີ່ຈະລົ້ມ ແລະ ລຸກໄປກັບເວລານາທີນັບ ຈາກມື້ນີ້, ຈື່ໄວ້ວ່າ ນາທີນີ້ ແມ່ນເວລາທີ່ສົມບູນແບບທີ່ສຸດສະເໝີ.
  2. ຢຸດຫວັງການເຮັດໄດ້ຫລາຍທີ່ສຸດ, ແຕ່ເອົາໃຈໃສ່ກັບການເຮັດໃຫ້ດີທີ່ສຸດ : ການໃຊ້ເວລາຢ່າງກຸ້ມຄ່າເປັນເລື່ອງທີ່ດີ, ແຕ່ບໍ່ແມ່ນການທຸ້ມເທເວລາໄປກັບການສ້າງຜົນງານໃຫ້ໄດ້ຫລາຍທີ່ສຸດ ເພາະຈຳນວນເວລາທີ່ຫລາຍນັ້ນບໍ່ໄດ້ຮັບປະ ກັນເຖິງຄຸນນະພາບທີ່ມີຫລາຍໄປນຳ ແລະ ການວັດແທກສັກກະຍະພາບຂອງຕົນເອງກໍບໍ່ແມ່ນການນັບຢູ່ຈຳນວນຜົນ ຕອບແທນແຕ່ຢ່າງໃດ. ມະນຸດບໍ່ແມ່ນຫຸ່ນຈັກຜະລິດວຽກໃຫ້ຫລາຍທີ່ສຸດ, ແຕ່ມັນແມ່ນການບໍລິຫານຈັດການຊີວິດເພື່ອ ການສ້າງສັນຜົນງານທີ່ດີເລີດ ທີ່ໂຕເຮົາເອງກໍຮູ້ສຶກພໍໃຈກັບມັນ.
  3. ຢຸດເບິ່ງຊີວິດຕົນເອງຜ່ານສາຍຕາຄົນອື່ນ : ເຮົາຄົງໃຊ້ຊີວິດໂດຍບໍ່ສົນໃຈຄົນອື່ນບໍ່ໄດ້ ເພາະແນວໃດເຮົາກໍຢູ່ໃນສັງຄົມ ຮ່ວມກັບຄົນຢ່າງຫລວງຫລາຍ, ແຕ່ເຮົາບໍ່ຄວນໃຫ້ ສາຍຕາຄົນອື່ນ ມາກຳນົດຊີວິດເຮົາ ຫລື ຄິດວ່າເຮົາຕ້ອງເປັນແບບ ນັ້ນແບບນີ້ຕາມທີ່ຄົນອື່ນຄິດວ່າເຮົາຕ້ອງເປັນ ເພາະໂຕເຮົາເອງທີ່ຮູ້ດີວ່າ ຫລັກໄຊຂອງຊີວິດເຮົາແມ່ນຫຍັງ ແລະ ເສັ້ນ ທາງຂອງຊີວິດເຮົາແມ່ນເສັ້ນທາງໃດ, ອອກແບບຊີວິດຂອງຕົນເອງໃຫ້ດີ ສ່ວນຄວາມຄິດ ຫລື ທັດສະນະຄະຕິຂອງຄົນ ອື່ນເປັນພຽງຄວາມຄິດເຫັນເພີ່ມຕື່ມທີ່ເຮົາຈະຈັບມາໃຊ້ເທົ່ານັ້ນ.
  4. ຢຸດປ່ຽນແຜນໄປມາຢູ່ຕະຫລອດ : ຊີວິດແມ່ນຄວາມບໍ່ແນ່ນອນ ເຮົາຕ້ອງພ້ອມປ່ຽນແປງຢູ່ສະເໝີ ນັ້ນແມ່ນຄວາມຄິດທີ່ ຖືກຕ້ອງ, ແຕ່ການປ່ຽນແຜນກັບໄປກັບມາຢູ່ຕະຫລອດ ຈົນຄືກັບໄຮ້ແຜນການ ກໍບໍ່ແມ່ນສິ່ງທີ່ດີປານໃດ ເພາະເລິກໆ ແລ້ວມັນອາດໝາຍເຖິງທ່ານບໍ່ຢາກເລີ່ມເຮັດວຽກຫຍັງເລີຍ. ເລືອກໜຶ່ງແຜນ ແລ້ວລົງມືເຮັດຕັ້ງແຕ່ມື້ນີ້ ຖ້າເກີດຂໍ້ຜິດ ພາດຫຍັງກໍຄ່ອຍໆໄປປັບໜ້າວຽກ ດີກ່ວາປ່ຽນແຜນໄປມາຢູ່ແບບນັ້ນ ມັນບໍ່ເປັນຜົນດີ.
  5. ຢຸດຄິດວ່າຕົນເອງບໍ່ຄືຄົນອື່ນ : ທຸກຄົນມີຄວາມເປັນໂຕເອງທີ່ແຕກຕ່າງກັນ ການທີ່ເຮົາຄິດ ຫລື ເຮັດບໍ່ຄືຄົນອື່ນນັ້ນ ເປັນ ເລື່ອງທຳມະດາ ຄວາມແຕກຕ່າງແມ່ນເລື່ອງປົກກະຕິ ການທີ່ຄົນອື່ນບໍ່ເຮັດບາງສິ່ງບາງຢ່າງ ບໍ່ໄດ້ໝາຍຄວາມ ວ່າທ່ານເລືອກເຮັດສິ່ງນັ້ນບໍ່ໄດ້. ຖ້າຢາກລອງເຮັດ ຈົ່ງເຮັດ, ຢ່າຢ້ານກົວພຽງເພາະທ່ານກຳລັງຍ່າງຢູ່ໃນທາງທີ່ຄົນອື່ນ ບໍ່ເຄີຍຍ່າງມາກ່ອນ.
  6. ຢຸດຄິດວ່າຕົນເອງຮູ້ດີທີ່ສຸດ : ຢ່າໝັ້ນໃຈຫຍັງຜິດໆ ໂດຍການຄິດວ່າຕົນເອງເປັນຄົນທີ່ຮູ້ເລື່ອງບາງເລື່ອງດີທີ່ສຸດ ເພາະ ເມື່ອເກີດບັນຫາ ທ່ານຈະຮູ້ສຶກວ່າມັນບໍ່ມີທາງອອກແລ້ວ ເພາະເຖິງຂັ້ນຕົນເອງທີ່ຮູ້ດີທີ່ສຸດຍັງບໍ່ເຫັນທາງອອກເລີຍ ການ ໝັ້ນໃຈໃນເລື່ອງນີ້ອາດເຮັດໃຫ້ທ່ານພົບກັບທາງຕັນໄດ້ງ່າຍໆ. ເປີດໃຈຮັບຟັງຄຳແນະນຳຂອງຄົນອື່ນແດ່ ບາງເທື່ອ ເຂົາຈະເວົ້າ ຫລື ແນະນຳໃນສິ່ງທີ່ເຮົາເບິ່ງບໍ່ເຫັນ ປະຕິຫານອາດເກີດຂຶ້ນໄດ້  ພຽງແຕ່ເຮົາຍອມຮັບວ່າເຮົາ “ບໍ່ຮູ້” ໃນ ບາງເລື່ອງກໍເທົ່ານັ້ນ.
  7. ຢຸດຄິດວ່າຜົນຕອບແທນທີ່ບໍ່ດີເກີດຈາກການເລືອກທາງທີ່ຜິດ : ເຮົາຕ້ອງພົບທາງເລືອກໃນທຸກໆໄລຍະຂອງຊີວິດ, ເລືອກຮຽນລະຫ່ວາງຄະນະທີ່ມັກກັບຄະນະທີ່ຫາວຽກງ່າຍ, ເລືອກຄົບກັບຄົນທີ່ແອບຮັກມາດົນ ຫລື ຄົນທີ່ເໝາະສົມກັນ, ເລືອກບໍລິສັດໃຫຍ່ ຫລື ບໍລິສັດຫາກໍເລີ່ມກໍ່ຕັ້ງ ຫາກເຮົາເລືອກສິ່ງໜຶ່ງແລ້ວ ຜົນຕອບແທນບໍ່ເປັນດັ່ງທີ່ຄິດ ກໍບໍ່ແມ່ນວ່າ ເຮົາເລືອກທາງທີ່ຜິດສະເໝີໄປ. ຢ່າຢ້ານການເລືອກຈົນບໍ່ກ້າເລືອກທາງໃດເລີຍ ແບບນັ້ນຊີວິດທ່ານຄົງຢຸດນິ້ງຢູ່ກັບ ບ່ອນໄປຕະຫລອດ, ຊັ່ງນ້ຳໜັກເລືອກຈັກຢ່າງ ແລະ ເດີນໜ້າໃຫ້ເຕັມທີ່ ຢ່າງໜ້ອຍທາງທີ່ເຮົາເລືອກກໍເຮັດໃຫ້ເຮົາກ້າວ ໜ້າໄປໄກກ່ວາຄວາມຢ້ານຢູ່ແລ້ວ.
ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້ - Wave100S AD to Website 2020 0 - ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້
ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້ -    AD conten website - ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້
ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້ - lattana banner - ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້
ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້ - lattana banner 1 - ຖ້າບໍ່ຢາກໃຫ້ຊີວິດຢຸດຢູ່ແຕ່ບ່ອນເກົ່າ ຈົ່ງຢຸດເຮັດ 7 ສິ່ງນີ້
error: Alert: ເນື້ອຫາຂ່າວມີລິຂະສິດ !!