6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ

6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ - 050505 2021 - 6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ
6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ - AGL banner - 6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ

ທ່ານ ວໍເຣັນ ບັບເຟດ (Warren Buffett) ແມ່ນບຸກຄົນທີ່ຮັ່ງມີທີ່ສຸດເປັນອັນດັບຕົ້ນໆຂອງໂລກ ດ້ວຍມູນຄ່າຊັບສິນ 84.500 ລ້ານໂດລາສະຫະລັດ ແນ່ນອນວ່າຄວາມສຳເລັດລະດັບນີ້ເປັນເລື່ອງງ່າຍທີ່ໃຜກໍເຮັດຕາມໄດ້, ແຕ່ກໍບໍ່ແມ່ນວ່າເຮົາຈະບໍ່ ສາມາດຍ່າງຕາມຮອຍເລື່ອງດີໆເຫລົ່ານີ້ໄດ້ ແລະ ນີ້ແມ່ນຂໍ້ຄິດ 6 ເລື່ອງທີ່ກ່ຽວກັບ ທ່ານ ວໍເຣັນ ບັນເຟດ ເຊິ່ງທ່ານສາມາດເອົາ ໄປປັບໃຊ້ໄດ້ແທ້ ທັງໃນໜ້າທີ່ວຽກງານ ແລະ ຊີວິດປະຈຳວັນ.

6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ - Wave100S AD to Website 2020 0 - 6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ
  1. ເລືອກຢູ່ທ່າມກາງຄົນທີ່ເກັ່ງກ່ວາ : ໃນການປະຊຸມປະຈຳປີຂອງ Berkshire Hathaway ໃນປີ 2004 ເພິ່ນໄດ້ພົບກັບ ເດັກນ້ອຍອາຍຸ 14 ປີ ຈາກກາລິຟໍເນຍຄົນໜຶ່ງ ພ້ອມກັບມອບເຄັດລັບຄວາມສຳເລັດໃຫ້ເດັກນ້ອຍຄົນນັ້ນໄດ້ຮຽນຮູ້ “ການໄປໃສມາໃສກັບຄົນທີ່ເກັ່ງກ່ວາທ່ານ ມັນດີກ່ວາແນ່ນອນ ລອງແນມຫາຄົນທີ່ເກັ່ງກ່ວາ ແລ້ວທ່ານຈະຖືກຊັກຈູງ ໄປທາງນັ້ນເອງ” ເພາະເມື່ອທ່ານຢູ່ໃກ້ຄົນເກັ່ງ ໂອກາດທີ່ທ່ານຈະໄດ້ເຊື່ອມຊຶມຂໍ້ດີ ແລະ ບຸກຄະລິກບາງຢ່າງໃນໂຕຄົນ ເຫລົ່ານັ້ນກໍມີຫລາຍຂຶ້ນ ແລະ ສິ່ງເຫລົ່ານັ້ນຈະຊ່ວຍໃຫ້ທ່ານພັດທະນາຕົນເອງໄດ້ດີກ່ວາເກົ່າ ບໍ່ວ່າຈະໃນຖານະຜູ້ນຳ, ພະນັກງານ, ນັກລົງທຶນ ຫລື ແມ່ນແຕ່ໃນຖານະມະນຸດຄົນໜຶ່ງ.
  2. ເຮັດໃນສິ່ງທີ່ທ່ານຮັກ : ອາດເປັນສິ່ງທີ່ຫລາຍຄົນເຄີຍໄດ້ຍິນກັນມາຈົນລຶ້ງແລ້ວ, ແຕ່ ທ່ານ ວໍເຣັນ ກໍຢືນຢັນວ່າ “ຄວາມ ຫລົງໄຫລ” ແມ່ນອົງປະກອບສຳຄັນສຳຫລັບຄວາມສຳເລັດໃນໜ້າທີ່ວຽກງານຂອງທ່ານ. “ໃນໂລກຂອງທຸລະກິດ ຄົນທີ່ປະສົບຄວາມສຳເລັດຫລາຍໆສ່ວນຫລາຍກໍເຮັດໃນສິ່ງທີ່ຕົນເອງຮັກທັງໝົດ ຂະນະທີ່ຄົນຈຳນວນຫລາຍໄປໃຫ້ຄ່າ ກັບຄ່າຕອບແທນສູງໆ ຫລື ຄວາມໝັ້ນຄົງໃນໜ້າທີ່ວຽກງານພຽງຢ່າງດຽວ ໂດຍທີ່ເລິກໆແລ້ວທ່ານເອງກໍຢາກຈະ ຫັນຫລັງໃຫ້ກັບວຽກເຫລົ່ານັ້ນ ເພື່ອໄປເຮັດຢ່າງອື່ນ – ສິ່ງທີ່ພວກທ່ານມັກແທ້ໆ”.
  3. ພັດທະນາຈຸດເດັ່ນໃນຕົນເອງໃຫ້ເຖິງຂີດສູງສຸດ : ທ່ານ ວໍເຣັນ ໄດ້ກ່າວເທິງເວທີຕໍ່ໜ້ານັກສຶກສາມະຫາວິທະຍາໄລ ຈໍເຈຍ ສະເຕະ ວ່າການຕໍ່ຍອດສັກກະຍະພາບ ແລະ ຄວາມຮູ້ອັນເກົ່າທີ່ມີຕິດໂຕອອກໄປ ເປັນເລື່ອງສຳຄັນກ່ວາການພະ ຍາຍາມດຶງໂຕເອງອອກໄປໃນເລື່ອງອື່ນໆທີ່ທ່ານອາດບໍ່ລຶ້ງເຄີຍ. “Tom Warson Sr. ຜູ້ກໍ່ຕັ້ງ IBM ຂຽນໄວ້ໃນ ໜັງສືອັດຕະຊີວະປະຫວັດຕົນເອງວ່າ ໃນເມື່ອລາວບໍ່ແມ່ນອັດສະລິຍະ ແຕ່ລາວກໍມີຄວາມຊຳນານບາງຢ່າງຢູ່ ລາວກໍຈະ ພັດທະນາຕົນເອງຕໍ່ເນື່ອງໄປເທິງຄວາມຊຳນານເຫລົ່ານັ້ນ ນັ້ນແມ່ນກຸນແຈສຳຄັນ. ສະນັ້ນ ຖ້າທ່ານຮູ້ຫຍັງບາງຢ່າງ ແລະ ຝຶກຝົນມັນຈົນໄດ້ດີ ເທົ່ານັ້ນກໍຖືວ່າຈົບງາມແລ້ວ”.
  4. ຫາຕົ້ນແບບໃກ້ໂຕ (ແລະພັດທະນາຕົນເອງຕາມ) : ໃນການຂຶ້ນເວົ້າເທື່ອໜຶ່ງ ທ່ານ ວໍເຣັນ ໄດ້ແນະນຳໃຫ້ເດັກນ້ອຍ ລອງນຶກຊື່ໝູ່ຮ່ວມຫ້ອງໜຶ່ງຄົນ ທີ່ຄາດວ່າຈະປະສົບຄວາມສຳເລັດໃນຊີວິດ ແລະ ເຮົາພ້ອມຈະມີລາຍໄດ້ພຽງແຕ່ 1 ໃນ 10 ຂອງຄົນຜູ້ນັ້ນໄປຕະຫລອດຊີວິດ. “ທ່ານອາດຈະຕ້ອງເລືອກຄົນທີ່ທ່ານເຂົ້າກັບເຂົາໄດ້ດີທີ່ສຸດ, ຄົນທີ່ມີຄຸນສົມບັດ ຂອງຜູ້ນຳໃນໂຕ, ຄົນທີ່ສາມາດປຸກລະດົມໃຫ້ຄົນອື່ນໆເຮັດຕາມຄວາມສົນໃຈຂອງເຂົາໄດ້ ຫລື ອາດຈະເປັນຄົນ ທີ່ຈິງໃຈ, ກົງໄປກົງມາ ແລະ ໃຫ້ເຄຣດິດກັບທຸກຄົນທີ່ເປັນເຈົ້າຂອງໄອເດຍ”. ຂະນະທີ່ ທ່ານ ວໍເຣັນ ນັ້ນ ມີທ່ານ Benjamin Graham ເປັນໄອດອລ ຈຶ່ງພະຍາຍາມຫາໂອກາດໄປເຮັດວຽກນຳ, ແຕ່ກໍຖືກປະຕິເສດຫລາຍເທື່ອ ຍ້ອນ ທ່ານ Graham ຢາກເຮັດວຽກກັບຄົນເຊື້ອສາຍຍິວເທົ່ານັ້ນ, ແຕ່ສຸດທ້າຍອີກຝ່າຍກໍຍອມໃຈອ່ອນ ຍ້ອນຄວາມຕັ້ງໃຈ ຈິງ ຂອງ ທ່ານ ວໍເຣັນ ໃນໄວໜຸ່ມ.
  5. ຢ່າສ່ຽງກັບເລື່ອງບໍ່ຈຳເປັນ : ເວລາໄດ້ຮັບຄຳແນະນຳໃຫ້ອອກຈາກພື້ນທີ່ຄວາມສະບາຍ ຫລາຍຄົນມັກບໍ່ເຂົ້າໃຈ ແລະ ໄຈ້ແຍກບໍ່ອອກວ່າເລື່ອງໃດຄວນຫລີກເວັ້ນ, ເລື່ອງໃດບໍ່ຄວນສ່ຽງ ຫລື ຄວນສ່ຽງຫລາຍໜ້ອຍປານໃດ ບໍ່ວ່າຈະເປັນ ເລື່ອງທຸລະກິດ ຫລື ເລື່ອງສ່ວນໂຕ ເມື່ອເວົ້າເຖິງເລື່ອງນີ້ ຄຳແນະນຳກໍຄື “ຖ້າທ່ານຕ້ອງສ່ຽງໃນເລື່ອງທີ່ສຳຄັນ ຫລື ຈຳເປັນກັບຊີວິດທ່ານແທ້ໆ ກໍຈົ່ງລົງມືເຮັດ, ແຕ່ຖ້າມັນບໍ່ໄດ້ສຳຄັນຂະໜາດນັ້ນ ມັນກໍບໍ່ຄູ່ຄວນທີ່ຈະສ່ຽງ, ຂ້ອຍບໍ່ສົນ ດອກວ່າອັດຕາຄວາມສ່ຽງຈະຢູ່ 99 ຕໍ່ 1 ຫລື 1.000 ຕໍ່ 1 ຖ້າມັນບໍ່ຄຸ້ມທີ່ຈະສ່ຽງ ກໍບໍ່ຕ້ອງໄປສ່ຽງ”.
  6. ຢຸດເຊົາ, ງົດເວັ້ນ ພຶດຕິກຳບໍ່ດີ : ເກືອບທຸກຄົນຮູ້ໂຕຢູ່ແລ້ວ ວ່າມີຂໍ້ເສຍຫຍັງທີ່ເຮັດໃຫ້ເຮົາໄປບໍ່ສຸດທາງຈັກເທື່ອ ຄຳ ແນະນຳສຳລັບຄົນທີ່ຢາກເອົາຊະນະດ້ານມືດຂອງຕົເອງໃຫ້ໄດ້ ກໍຄື “ຂ້ອຍເຫັນຄົນທີ່ມີຮູບແບບພຶດຕິກຳທີ່ສົ່ງຜົນເສຍ ກັບຕົນເອງຢູ່ເຕັມໄປໝົດ ຄວາມຈິງຊີວິດພວກເຂົາບໍ່ໄດ້ມີບັນຫາຫຍັງ ນອກຈາກເຮັດໂຕຂອງເຂົາເອງນັ້ນລະ” ທາງ ອອກທີ່ຜູ້ຊ່ຽວຊານດ້ານການລົງທຶນເຄີຍບອກໄວ້ ກໍຄື “ທ່ານຕ້ອງຫລຸດຜ່ອນ ຫລື ຢຸດເຊົາພຶດຕິກຳເຫລົ່ານີ້ຕັ້ງແຕ່ອາຍຸ ຍັງນ້ອຍ ເພາະເລື່ອງເຫລົ່ານີ້ສ່ວນຫລາຍຈະເກີດຈາກຄວາມລຶ້ງເຄີຍຫລາຍກ່ວາ, ການບໍ່ເອົາໃຈໃສ່ປັບປຸງຈົນຕິດເປັນ ນິໄສ ມັນຈະກາຍເປັນບັນຫາຍ້ອນຫລັງເມື່ອມັນກາຍເປັນນິໄສໄປແລ້ວ”.
6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ - lattana banner - 6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ
6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ - lattana banner 1 - 6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ
6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ -    AD conten website - 6 ຫລັກການໃນການພັດທະນາຕົນເອງ ໂດຍ ວໍເຣັນ ບັບເຟດ
error: Alert: ເນື້ອຫາຂ່າວມີລິຂະສິດ !!