ອິດສະຣາແອນ ສັກວັກຊິນ ປ້ອງກັນ ໂຄວິດ-19 ໂດສ 3 ໃຫ້ປະຊາຊົນ
August 6, 2021 - 2:34 PM
ອ້າງຕາມຂ່າວ ຊິນຮວາ ຂອງ ຈີນ, ວັນທີ 5 ເດືອນສິງຫາ, ກະຊວງ ສາທາ ລະນະສຸກ ອິດສະຣາແອນ ຖະແຫລງວ່າ: ມີປະຊາຊົນ 262.563 ຄົນ ທີ່ໄດ້ຮັບ ການສັກ ວັກຊິນ ປ້ອງກັນ ໂຄວິດ-19 ໂດສທີ 3 ແລ້ວ ໃນໄລຍະເວລາ 4 ວັນ. ເມື່ອວັນທີ 1 ສິງຫາ ຜ່ານມາ, ອິດສາຣາແອນ ໄດ້ແນະນຳໃຫ້ ປະຊາຊົນ ເຂົ້າຮັບການ ສັກວັກຊິນ ໂດຍສ ທີ 3 ພາຍຫລັງ ຍອດຜູ້ຕິດເຊື້ອ ໂຄວິດ-19 ໄດ້ເພີ່ມສູງຂື້ນ ຢ່າງວ່ອງໄວ ເມື່ອບໍ່ດົນມານີ້ ເຮັດໃຫ້ ປະຊາຊົນ ເຂົ້າຮັບການສັກວັກຊິນໂດຍ ທີ 3 ລວມມີ 1,2 ລ້ານຄົນ ໂດຍສະເພາະ ຜູ້ທ່ີມີອາຍຸ 60 ປີຂຶ້ນໄປ. ປັດຈຸບັນ, ອິດສະຣາແອນ ມີ ປະຊາກອນ ທີ່ໄດ້ຮັບການ ສັກວັກຊິນ ໂດສທຳອິດ ປະມານ 5,8 ລ້ານຄົນ, ກວມເອົາ 62,2% ຂອງ ປະຊາກອນ ທັງໝົດ ແລະ ປະຊາຊົນ ທ່ີໄດ້ຮັບການ ສັກວັກຊິນ ໂດສທີ 2 ລວມມີ 5,39 ລ້ານຄົນ.
