ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

- advert banner 728 90 728x90 - ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

- UNAIDS - ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

- new3 - ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

ລອນ​ດອນ 20 ກໍລະກົດ: ​ໂຄງການ​ເອດ​ແຫ່ງ​ສະຫະ​ປະຊາ​ຊາດ (UNAIDS) ​ເປີດ​ເຜີຍ​ວ່າ: ການ​ຕໍ່ສູ້​ກັບ​ພະຍາດ​ເອດ​ກຳລັງ​ຄືບ​ໜ້າ, ຕົວ​ເລກ​ຜູ້​ເສຍ​ຊີວິດ​ຫລຸດ​ລົງ​ເກືອບ​ເຄື່ອງ​ນັບ​ແຕ່​ປີ 2005. ຂະນະ​ທີ່​ຕົວ​ເລກ​ຜູ້​ຕິດ​ເຊື້ອ HIV ທີ່​ໄດ້​ຮັບ​ຢາ​ຕ້ານ​ໄວຣັສມີ​ເກີນ​ເຄິ່ງ​ແລ້ວ.

- Antiretroviral drugs - ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

UNAIDS ອອກ​ລາຍ​ງານ​ຫລ້າ​ສຸດ​ໃນ​ວັນ​ທີ 20 ກໍລະກົດ​ນີ້​ວ່າ: ທົ່ວ​ໂລກ​ມີ​ການ​ກວດກາ​ເຊື້ອ​ໄອ​ວີ, ​ໃຫ້ການ​ປິ່ນປົວ ​ແລະ ດຳ​ເນີນ​ໂຄງການ​ປ້ອງ​ກັນ​ຢ່າງ​ກວ້າງຂວາງ​ເພີ່ມ​ຂຶ້ນ ສົ່ງ​ຜົນ​ໃຫ້​ຈຳນວນ​ຜູ້​ເສຍ​ຊີວິດ​ຫລຸດ​ລົງ​ຈາກ 1,9 ລ້ານ​ຄົນ ​ໃນ​ປີ 2005 ​ເຫລືອ 1 ລ້ານ​ຄົນ​ໃນ​ປີ​ກ່ອນ ​ແລະ ມີ​ຜູ້​ຕິດ​ເຊື້ອ HIV ​ໄດ້​ຮັບ​ຢາ​ຕ້ານ​ໄວຣັສ 19,5 ລ້ານ​ຄົນ ຈາກ​ທັງ​ໝົດ 36,7 ລ້ານ​ຄົນ, ພາຍຫລັງ​ພະຍາດ​ນີ້​ຂ້າ​ຊີວິດ​ຄົນ​ທົ່ວ​ໂລກ​ໄປ​ແລ້ວ​ປະມານ 35 ລ້ານ​ຄົນ​ນັບ​ແຕ່​ເກີດຂຶ້ນ​ໃນ​ໄລຍະ​ຄຣິສທົດ​ສະ​ວັດ​ຫລັງ​ປີ 1980, ຖ້າ​ຄວາມ​ຄືບ​ໜ້າ​ຍັງ​ດຳ​ເນີນ​ຕໍ່​ໄປ​ແບບ​ນີ້ ​ໂລກ​ຈະ​ສາມາດ​ບັນລຸ​ເປົ້າໝາຍ​ເລື່ອງ​ໃຫ້​ຜູ້​ຕິດ​ເຊື້ອ​ໄດ້​ຮັບ​ຢາ​ຕ້ານ 30 ລ້ານ​ຄົນ​ພາຍ​ໃນ​ປີ 2020.

- lattana 1 - ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

- 1500541215196 960x0 - ມີຜູ້ເສຍຊີວິດຈາກເອດຫລຸດລົງ ແລະ ມີຜູ້ຮັບຢາຕ້ານ HIV ເພີ່ມຂຶ້ນ

ລາຍງານ​ລະບຸ​ວ່າ: ມີ​ສັນຍານ​ທີ່​ໜ້າ​ດີ​ໃຈ​ຢູ່​ອາ​ຟຣິກາ ພາກ​ພື້ນທີ່​​ເອດ​ລະບາດ​ໜັກ ​ໂດຍ​ສະ​ເພາະ​ທາງ​ຕາ​ເວັນ​ອອກ ​ແລະ ທາງ​ໃຕ້​ທີ່​ມີ​ຜູ້​ຕິດ​ເຊື້ອ HIV ລາຍ​ໃໝ່​ຫລຸດ​ລົງ​ເກືອບ 30% ນັບ​ແຕ່​ປີ 2010 ​ແລະ ມີ​ຜູ້​ຕິດ​ເຊື້ອມີ​ອາຍຸ​ໄຂ​ເພີ່ມ​ຂຶ້ນ​ເກ​ືອບ 10 ປີ, ຊຸມ​ຊົນ ​ແລະ ຄອບຄົວ​ມີ​ສ່ວນ​ສຳຄັນ​ຫລາຍ​ໃນ​ການ​ຕໍ່ສູ້​ກັບ​ເອດ ​ເມື່ອ​ການລະບາດ​ສາມາດ​ຄວບ​ຄຸມ​ໄດ້ ປະຊາຊົນ​ກໍ​ແຂງ​ແຮງ​ຂຶ້ນ ປະ​ເທດ​ເຂັ້ມ​ແຂງ​ຂຶ້ນ. ​ເຖິງ​ຢ່າງ​ໃດ​ກໍ​ດີ, ຍັງ​ມີ​ຫລາຍ​ພາກພື້ນທີ່​ສະຖານະ​ການ​ຮ້າຍ​ແຮງ​ຂຶ້ນ, ຕາ​ເວັນ​ອອກ​ກາງ ​ແລະ ອາ​ຟຣິກາ​ເໜືອ, ​ເອີຣົບຕາ​ເວັນ​ອອກ ​ແລະ ອາຊີ​ກາງ​ມີ​ຄົນ​ເປັນ​ເອດ​ເສຍ​ຊີວິດ​ເພີ່ມ​ຂຶ້ນ 48% ​ແລະ 38% ຕາມ​ລຳດັບ ສາ​ເຫດ​ຕົ້ນຕໍ​ເພາະ​ຜູ້​ຕິດ​ເຊື້ອ HIV ບໍ່​ໄດ້​ຮັບ​ຢາ​ຕ້ານ​ໄວຣັສ.

error: Content is protected !!