ຮອງນາຍົກລັດຖະມົນຕີລົງຊຸກຍູ້ການເກັບລາຍຮັບຢູ່ແຂວງບໍລິຄຳໄຊ

- advert banner 728 90 728x90 - ຮອງນາຍົກລັດຖະມົນຕີລົງຊຸກຍູ້ການເກັບລາຍຮັບຢູ່ແຂວງບໍລິຄຳໄຊ

ເມື່ອບໍ່ດົນມານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນພ້ອມຄະນະ, ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານການຈັດຕັ້ງປະຕິບັດການຈັດເກັບລາຍຮັບເຂົ້າງົບປະມານຢູ່ແຂວງບໍລິຄຳໄຊ, ໂດຍມີທ່ານຮອງເຈົ້າແຂວງບໍລິຄໍາໄຊ ບຸນເສັງ ປະທຳມະວົງ, ພ້ອມດ້ວຍຕາງໜ້າພະແນກການເງິນແຂວງ, ບັນດາເມືອງໃຫ້ການຕ້ອນຮັບຢ່າງອົບອຸ່ນ.

- new3 - ຮອງນາຍົກລັດຖະມົນຕີລົງຊຸກຍູ້ການເກັບລາຍຮັບຢູ່ແຂວງບໍລິຄຳໄຊ

ໂອກາດນີ້, ທ່ານ ຄຳແຫວນ ປັນຍານຸວົງ ຫົວໜ້າພະແນກການເງິນແຂວງບໍລິຄຳໄຊ ໄດ້ໃຫ້ຮູ້ວ່າ: ການຈັດຕັ້ງປະຕິບັດແຜນງົບປະມານແຫ່ງລັດໃນ 6 ເດືອນຕົ້ນປີສາມາດປະຕິບັດໄດ້ 378 ຕື້ກີບ (ຄາດໝາຍແມ່ນ 247 ຕື້ກີບ) ລື່ນຄາດໝາຍ 137,55%. ສ່ວນລາຍຈ່າຍປະຕິບັດໄດ້ 229 ຕື້ກີບ (ຄາດໝາຍແມ່ນ 258 ຕື້ກີບ) ເທົ່າກັບ 88,51% ແລະ ປັດໃຈທີ່ພາໃຫ້ການເກັບລາຍຮັບໄດ້ລື່ນແຜນການ ກໍເນຶ່ອງມາຈາກພູດສູນກາງໄດ້ຈາກພາສີ-ອາກອນຂາເຂົ້າປະເພດພາຫະນະ ແລະ ນ້ຳມັນເຊື້ອໄຟເພີ່ມຂື້ນ, ສ່ວນລາຍຮັບພູດທ້ອງຖິ່ນໄດ້ຈາກຂະແໜງໄຟຟ້ານ້ຳຕົກກວມເອົາ 17,55%, ໄຟຟ້າສາຍສົ່ງກວມເອົາ 13,29%, ກໍ່ສ້າງສ້ອມແປງໄຟຟ້າ ກວມເອົາ 12,34% ແລະ ນ້ຳມັນເຊື້ອໄຟກວມເອົາ 6,66%.

ໂອກາດນີ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ໂອ້ລົມເນັ້ນໃຫ້ຄະນະພັກ-ຄະນະນຳຂອງແຂວງ ໂດຍສະເພາະແມ່ນພະແນກການເງິນແຂວງຈົ່ງເອົາໃຈໃສ່ການເກັບລາຍຮັບເຂົ້າງົບປະມານໃຫ້ໄດ້ຫລາຍກວ່າເກົ່າ, ຕິດຕາມກວດກາບັນດາດ່ານສາກົນທີ່ມີການນຳເຂົ້າພາຫະນະ, ນ້ຳມັນເຊື້ອໄຟໃຫ້ຖືກຕ້ອງ, ການນຳໃຊ້ງົບປະມານຖືກຕ້ອງຕາມຮ່ວງທີ່ງົບປະມານຈັດໃຫ້, ກວດສອບລາຍຮັບໃຫ້ຖືກຕ້ອງຕາມຄວາມເປັນຈິງ ແລະ ຖືກຕ້ອງຕາມລະບຽບກົດໝາຍ. ໃນໂອກາດນີ້, ທ່ານ ສົມດີ ດວງດີ ໄດ້ລົງກວດກາເບິ່ງການຈັດຕັ້ງປະຕິບັດຂອງດ່ານສາກົນປາກຊັນ ແລະ ດ່ານພາສີສາກົນປາກຊັນ ເພື່ອຮັບຟັງລາຍງານໂດຍຫຍໍ້ກ່ຽວກັບການນຳເຂົ້າສີນຄ້າ ເປັນຕົ້ນ: ພາຫະນະ, ນໍ້າມັນເຊື້ອໄຟ. ເຄື່ອງອຸປະໂພກ-ບໍລິໂພກ ແລະ ອື່ນໆ..

- lattana 1 - ຮອງນາຍົກລັດຖະມົນຕີລົງຊຸກຍູ້ການເກັບລາຍຮັບຢູ່ແຂວງບໍລິຄຳໄຊ

 

error: Content is protected !!