ຕໍາຫລວດໄທຈັບໜຸ່ມລາວຄົນໜຶ່ງລັກລອບຂົນຢາບ້າ 2 ແສນກວ່າເມັດເຂົ້າປະເທດ

- advert banner 728 90 728x90 - ຕໍາຫລວດໄທຈັບໜຸ່ມລາວຄົນໜຶ່ງລັກລອບຂົນຢາບ້າ 2 ແສນກວ່າເມັດເຂົ້າປະເທດ

ຕາມການລາຍງານຈາກສໍານັກຂ່າວຂອງໄທ ໃຫ້ຮູ້ວ່າ: ວັນທີ 17 ກໍລະກົດນີ້, ເຈົ້າໜ້າທີ່ປາບປາມຢາເສບຕິດຂອງໄທປະຈຳດ່ານສາກົນຂົວມິດຕະພາບລາວ-ໄທ 1 ໄດ້ຈັບຕົວທ້າວ ວັນພອນ ອາຍຸ 32 ປີຢູ່ບ້ານສີວິໄລເມືອງໄຊທານີ ນະຄອນຫລວງວຽງຈັນ, ພ້ອມຂອງກາງຢາບ້າຈໍານວນ 2 ແສນກວ່າເມັດຊຸກເຊື່ອງຢູ່ໃນລົດກະບະວີໂກ້ສີປອນທອງໝາຍເລກທະບຽນ ກບ 0345 ກຳແພງນະຄອນ.

- new3 - ຕໍາຫລວດໄທຈັບໜຸ່ມລາວຄົນໜຶ່ງລັກລອບຂົນຢາບ້າ 2 ແສນກວ່າເມັດເຂົ້າປະເທດ

ເຈົ້າໜ້າທີ່ ໃຫ້ຮູ້ວ່າ: ຜູ້ຕ້ອງຫາໄດ້ເຂົ້າ-ອອກຣາຊະອານາຈັກໄທເປັນປະຈໍາ ໂດຍຜ່ານຂົວມິດຕະພາບລາວ-ໄທ 1 ແລະ ເຈົ້າໜ້າທີ່ໄດ້ມີການຕິດຕາມພຶດຕິກຳການເຂົ້າ-ອອກຂອງຜູ້ກ່ຽວຢ່າງໃກ້ຊິດ, ຈົນມາຮອດເວລາປະມານ 6:55 ໂມງຂອງວັນທີ 17 ກໍລະກົດຜູ້ກ່ຽວໄດ້ແຈ້ງໜັງສືຜ່ານດ່ານກວດຄົນເຂົ້າ-ອອກເມືອງໜອງຄາຍ. ຈາກນັ້ນເຈົ້າໜ້າທີ່ໄດ້ເຂົ້າກວດຄົ້ນລົດກະບະວີໂກ້ຂອງຜູ້ກ່ຽວ ແລະ ພົບກະເປົາພາຍ 1 ໜ່ວຍວາງຢູ່ບ່ອນຢຽບບໍລິເວນດ້ານຫລັງຄົນຂັບຈຶ່ງກວດຄົ້ນພາຍໃນກະເປົາພົບມີວັດຖຸເປັນກ້ອນແຂງຫຸ້ມຫໍ່ດ້ວຍສະກັອດສີນ້ຳຕານຈຳນວນຫລາຍຄ້າຍຫໍ່ຢາບ້າ. ຈາກນັ້ນເຈົ້າໜ້າທີ່ໄດ້ເອົາຕົວຜູ້ກ່ຽວໄປສອບສວນ ແລະ ກວດຫໍ່ດັ່ງກ່າວພົບຢາບ້າຈຳນວນ 100 ມັດເທົ່າກັບ 2 ແສນເມັດຈຶ່ງໄດ້ ຈັບຕົວ ແລະ ຢຶດຂອງກາງດັ່ງກ່າວໄວ້ເປັນຫລັກຖານໃນການດໍາເນີນຄະດີ.

ຜ່ານການສືບສວນ-ສອບສວນຂອງເຈົ້າໜ້າທີ່ທ້າວວັນພອນໄດ້ຮັບສາລະພາບວ່າ: ຢາບ້າຈຳນວນດັ່ງກ່າວແມ່ນຕົນໄດ້ຮັບຈ້າງຂົນເອົາມາແຕ່ບ້ານຫລັກ 52 ເມືອງໂພນໂຮງແຂວງວຽງຈັນເພື່ອໄປສົ່ງໃຫ້ຜູ້ສັ່ງຊື້ຢູ່ແຂວງອຸດອນທານີປະເທດໄທ, ໂດຍໄດ້ຄ່າຈ້າງເປັນເງິນຈໍານວນ 12 ລ້ານກີບ ແລະ ໄດ້ຄ່າເດີນທາງມາກ່ອນ 5 ແສນກີບ, ແຕ່ກໍຖືກເຈົ້າໜ້າທີ່ຈັບຕົວໄດ້ກ່ອນ.

- lattana 1 - ຕໍາຫລວດໄທຈັບໜຸ່ມລາວຄົນໜຶ່ງລັກລອບຂົນຢາບ້າ 2 ແສນກວ່າເມັດເຂົ້າປະເທດ
error: Content is protected !!