ການລັກລອບຂົນໄມ້ສົ່ງໄປປະເທດເພື່ອນບ້ານຈຸດບ້ານດອນຫວາຍໄດ້ຮັບການແກ້ໄຂສະຫງົບລົງແລ້ວ

- advert banner 728 90 728x90 - ການລັກລອບຂົນໄມ້ສົ່ງໄປປະເທດເພື່ອນບ້ານຈຸດບ້ານດອນຫວາຍໄດ້ຮັບການແກ້ໄຂສະຫງົບລົງແລ້ວ

ພະແນກກະສິກໍາ-ປ່າໄມ້ແຂວງສະຫວັນນະເຂດ ໃຫ້ຮູ້ວ່າ: ພາຍຫລັງມີປະຊາຊົນໄດ້ສະເໜີຜ່ານກອງປະຊຸມສະໄໝສາມັນເທື່ອທີ 3 ຂອງສະພາແຫ່ງ ຊາດແຫ່ງຊາດຊຸດທີ 8 ວ່າ: ໄດ້ມີກຸ່ມຄົນບໍ່ດີຈຳນວນໜຶ່ງລັກລອບຂົນສົ່ງໄມ້ແປຮູບໄປປະເທດໄທໃນຍາມກາງຄືນຜ່ານຈຸດທ່ານໍ້າຂອງເຂດບ້ານດອນຫວາຍ ແລະ ບ້ານນາຄະຍອມ ແລະ ເມື່ອເຈົ້າໜ້າທີ່ພົບເຫັນກຸ່ມຄົນດັ່ງກ່າວກໍໄດ້ເອົາເງິນຊື້ຈ້າງແລ້ວກໍປ່ອຍໄປ. ເມື່ອໄດ້ຮັບຄໍາສະເໜີດັ່ງກ່າວພາກສ່ວນກ່ຽວຂ້ອງກໍໄດ້ຈັດເຈົ້າໜ້າທີ່ກວດກາປ່າໄມ້ລົງກວດກາພື້ນທີ່ຕົວຈິງ ແລະ ພົບວ່າ: ສະພາບການລັກລອບເຄື່ອນຍ້າຍໄມ້, ຊື້-ຂາຍໄມ້ຢູ່ເຂດດ່ານປະເພນີບ້ານດອນຫວາຍ ແລະ ບ້ານນາຄະຍອມ ໃນໄລຍະຜ່ານມາແມ່ນມີຄວາມຈິງແທ້, ໂດຍໄມ້ສ່ວນໃຫຍ່ມາຈາກເຂດເມືອງທ່າປາງທອງ ແລະ ເປັນປະເພດໄມ້ຄຸ້ມຄອງ ເຊັ່ນ: ໄມ້ອະລາງ, ໄມ້ແດງ, ໄມ້ເປືອຍ ແລະ ອື່ນໆ, ໂດຍໃຊ້ລົດຂົນສົ່ງຂະໜາດນ້ອຍ ແລະ ລົດໄຖນາເປັນພາຫະນະຂົນສົ່ງໃນຍາມກາງຄືນ ແລະ ສະພາບບໍ່ດີດັ່ງກ່າວເກີດຈາກການຄຸ້ມຄອງ, ຕິດຕາມກວດກາຂອງພະນັກງານ ແລະ ເຈົ້າໜ້າທີ່ພາກສ່ວນຕ່າງໆບໍ່ທັນເຂັ້ມງວດເທົ່າທີ່ຄວນ. ຕໍ່ສະພາບດັ່ງກ່າວເຈົ້າໜ້າທີ່ປ່າໄມ້ແຂວງບໍ່ໄດ້ລົດລະ, ພ້ອມທັງ ເອົາໃຈໃສ່ເຄື່ອນໄຫວກວດກາລາດຕະເວນຢ່າງຕັ້ງໜ້າເພື່ອຕ້ານ ແລະ ສະກັດກັ້ນ, ໂດຍມີການປະສານສົມທົບກັບເຈົ້າໜ້າທີ່ພາກສ່ວນຕ່າງໆ ແລະ ອໍານາດການປົກຄອງທ້ອງຖິ່ນ, ຈົນສາມາດຈັບກຸ່ມຜູ້ລັກລອບ ແລະ ຢຶດໄມ້ໄດ້ຈຳນວນໜຶ່ງເພື່ອເປັນຫລັກຖານໃນການດຳເນີນຄະດີຕາມລະບຽບກົດໝາຍ ແລະ ມາຮອດປັດຈຸບັນສະພາບການລັກລອບເຄື່ອນຍ້າຍໄມ້ ແລະ ຊື້-ຂາຍໄມ້ໃນຈຸດດັ່ງກ່າວແມ່ນຖືວ່າໄດ້ຮັບການແກ້ໄຂໃຫ້ສະຫງົບລົງແລ້ວ.

- new3 - ການລັກລອບຂົນໄມ້ສົ່ງໄປປະເທດເພື່ອນບ້ານຈຸດບ້ານດອນຫວາຍໄດ້ຮັບການແກ້ໄຂສະຫງົບລົງແລ້ວ
- lattana 1 - ການລັກລອບຂົນໄມ້ສົ່ງໄປປະເທດເພື່ອນບ້ານຈຸດບ້ານດອນຫວາຍໄດ້ຮັບການແກ້ໄຂສະຫງົບລົງແລ້ວ
error: Content is protected !!