ເຈົ້າຄອງນນະຄອນຫລວງວຽງຈັນອອກຄຳສັ່ງ ຫ້າມບຸກລຸກປ່າສະຫງວນແຫ່ງຊາດ ພູພະນັງ ພູເຂົາຄວາຍ

ວັນທີ 18 ສິງຫາ 2021 ນີ້ ເຈົ້າຄອງນະຄອນຫລວງວຽງຈັນ ອອກຄຳສັ່ງເລກທີ 013/ຈນວ ວ່າດ້ວຍ ການປົກປັກຮັກສາປ່າສະຫງວນ ແຫ່ງຊາດພູພະນັງ ພູເຂົາຄວາຍ ໃນຂອບເຂດນະຄອນຫຼວງວຽງຈັນ ເພື່ອປົກປັກຮັກສາ, ບູລະນະຟື້ນຟູລະບົບນິເວດ ຢູ່ເຂດປ່າສະຫງວນແຫ່ງຊາດພູພະນັງ ແລະ ພູເຂົາຄວາຍ ໃນຂອບເຂດນະຄອນຫຼວງວຽງຈັນ ເພື່ອໃຫ້ບັນລຸຄາດໝາຍການສ້າງຕົວເມືອງທີ່ໜ້າຢູ່ ແລະ ຍືນຍົງ
ໃຫ້ທະຫານປ້ອງກັນການບຸກລຸກປ່າ, ພ້ອມທັງລົບລ້າງສິ່ງກໍ່ສ້າງຕ່າງໆໃນປ່າສະຫງວນ, ຫ້າມຊື້-ຂາຍອຸປະກອນກ່ຽວກັບການຕັດໄມ້, ປິດກັ້ນເສັ້ນທາງເຂົ້າ-ອອກ ແລະພ້ອມທັງຫ້າມບໍ່ໃຫ້ປະຊາຊົນຫາກິນໃນເຂດດັ່ງກ່າວ.

ພ້ອມທັງ ຍັງເພີ່ມທະວີການສະກັດກັ້ນ, ປ້ອງກັນການບຸກລຸກ ເຂດປ່າສະຫງວນແຫ່ງຊາດ, ການລັກລອບຕັດໄມ້ທຳລາຍປ່າ, ການເຄື່ອນຍ້າຍໄມ້, ການຂຸດຄົ້ນຊັບພະຍາກອນທຳມະຊາດ, ການບຸກລູກຈັບຈອງດິນເຂດປ່າສະຫງວນ, ບັນຫາໄຟໄໝ້ລາມປ່າ ແລະ ປາກົດການຫຍໍ້ທໍ້ຕ່າງໆທີ່ເກີດຂຶ້ນ.