ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ

ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ - 239801538 5906096609465222 3481701813420873159 n - ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ
ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ - AGL banner - ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ

ອີງຕາມການລາຍງານຂ່າວຂອງກອງທັບປະຊາຊົນລາວ ວັນທີ 20 ສິງຫາ 2021 ຜ່ານມານີ້ວ່າ: ພາຍຫຼັງທີ່ໄດ້ປະສານງານວາງແຜນຮ່ວມກັນ ແລະ ກະກຽມຄວາມພ້ອມຮອບດ້ານໃຫ້ແກ່ພາກປະຕິບັດຕົວຈິງເລີ່ມແຕ່ວັນທີ 10 ສິງຫາເປັນຕົ້ນມາກໍາລັງເຂົ້າຮ່ວມຊ້ອມຮົບຮ່ວມທັງສອງຝ່າຍລາວ-ຣັດເຊຍນັບແຕ່ຄະນະຊີ້ນໍາ, ຄະນະບັນຊາການຫັດແອບພາກສະໜາມ ແລະ ກຳລັງພົນທີ່ເຮັດໜ້າທີ່ຊ້ອມຮົບຕົວຈິງແມ່ນໄດ້ປະສານກັນຢ່າງກົມກຽວເຂົ້າອົກເຂົ້າໃຈເຊິ່ງກັນ ແລະ ກັນ, ຮ່ວມແບ່ງປັນປະສົບການ, ຖອດຖອນບົດຮຽນ, ມີຄວາມຈິງໃຈ ຊ່ວຍເຫຼືອເຊິ່ງກັນ ແລະ ກັນດ້ວຍນໍ້າໃຈມິດຕະພາບ ແລະ ສາມັກຄີ ຖານເພື່ອນສະຫາຍທີ່ດີ.

ນັກຮົບລົດຕັງສອງກໍາລັງລາວ-ຣັດເຊຍ ແມ່ນໄດ້ຊ່ວຍເຫຼືອເຊິ່ງກັນ ແລະ ກັນໃນການປະຕິບັດໜ້າທີ່ຈົນສາມາດບັນລຸດ້ານວຽກງານການກະກຽມສໍາເລັດຕາມແຜນການທີ່ທັງສອງຝ່າຍໄດ້ກໍານົດໄວ້.

ຕອນເຊົ້າ ວັນທີ 18 ສິງຫາ 2021 ນີ້ ເຫຼົ່າຮົບລົດຕັງ ລາວ-ຣັດເຊຍ ໄດ້ດໍາເນີນການຊ້ອມຮົບທາງຍຸດທະວິທີສູ້ຮົບຮ່ວມກັນຢ່າງເປັນທາງການໃນຫົວຂໍ້: ປະຕິບັດການປາບປາມຕ່າວໂຈມຕີກຸ່ມກໍ່ການຮ້າຍບົນເງື່ອນໄຂການຕໍ່ສູ້ທີ່ທັນສະໄໝ ມີການນໍາໃຊ້ລູກປືນແທ້, ການເຄື່ອນໄຫວຊ້ອມຮົບ, ສອງເຫຼົ່າຮົບລົດຕັງ ລາວ-ຣັດເຊຍແມ່ນໄດ້ຮ່ວມກັນຄົ້ນຫາເປົ້າໝາຍ, ປິດລ້ອມ ແລະ ດັບສູນເປົ້າໝາຍ ເຊິ່ງໄດ້ດໍາເນີນໄປຢ່າງວ່ອງໄວຄ່ອງແຄ້ວ ແລະ ດັບສູນເປົ້າໝາຍຢ່າງມີປະສິດທິຜົນສູງ.

ການຊ້ອມຮົບຮ່ວມດັ່ງກ່າວນີ້ ນອກຈາກໄດ້ນໍາໃຊ້ເຫຼົ່າຮົບລົດຕັງ, ກໍາລັງໄຟປືນໃຫຍ່ໜ້າດິນຍິງໂຈມຕີເປົ້າໝາຍທາງພາກພື້ນດິນຮ່ວມກັບເຫຼົ່າຮົບອື່ນໆແລ້ວຍັງໄດ້ນໍາໃຊ້ຍົນສູ້ຮົບ Su- 25 ຈໍານວນ 4 ລໍາ ແລະ ຍົນເຮລີກັອບເຕີ KA 52 ຈໍານວນ 2 ລໍາ ຍິງປະສານທໍາລາຍເປົ້າໝາຍທາງອາກາດອີກ .

ການຊ້ອມຮົບຮ່ວມລົດຕັງ ລາວ-ຣັດເຊຍ ຄັ້ງນີ້ຝ່າຍກອງທັບປະຊາຊົນລາວນໍາໂດຍສະຫາຍພົນຈັດຕະວາສາຍໃຈ ກົມມະສິດ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ ຫົວໜ້າຄະນະຮັບຜິດຊອບຊີ້ນໍາການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣສ- 2021), ສ່ວນຝ່າຍກໍາລັງປະກອບອາວຸດແຫ່ງສະຫະພັນຣັດເຊຍນໍາໂດຍສະຫາຍພົນຕີ ເຊຍວາຣຸກກົບ ຮອງຜູ້ບັນຊາການທະຫານເຂດ ຕາເວັນອອກແຫ່ງສະຫະພັນຣັດເຊຍ.

ການຊ້ອມຮົບຮ່ວມລົດຕັງລະ ຫວ່າງກອງທັບປະຊາຊົນລາວ ແລະກໍາລັງປະກອບອາວຸດແຫ່ງ ສະຫະພັນຣັດເຊຍ ປະຈໍາ ປີ2021 ຄັ້ງນີ້ ແມ່ນໄດ້ດໍາເນີນໄປຕາມ ແຜນການການຊ້ອມຮົບຮ່ວມທີ່ ທັງສອງຝ່າຍໄດ້ກໍານົດໄວ້ ປະສົມ-ປະສານກັບການນໍາໃຊ້ອາວຸດ, ອຸປະກອນຮັບປະກັນໃຫ້ແກ່ການຊ້ອມຮົບທີ່ທັນສະໄໝບວກກັບນໍ້າໃຈສູ້ຮົບອັນອົງອາດກ້າຫານ ແລະ ຍຸດທະວິທີ ແລະ ໄຫວພິບໃນການນໍາໃຊ້ອາວຸດຢ່າງຊໍານິຊໍານານຂອງທະຫານລາວ ແລະ ຣັດເຊຍໄດ້ເຮັດໃຫ້ການຊ້ອມຮົບຮ່ວມລົດຕັງລາວ-ຣັດເຊຍ ປະຈໍາປີ 2021 ພາຍໃຕ້ຫົວຂໍ້ “ການເຄື່ອນໄຫວສູ້ຮົບຮ່ວມໃນການດຳເນີນການປະຕິບັດການປາບປາມຕ່າວໂຈມຕີກຸ່ມກໍ່ການຮ້າຍ” ໄດ້ດໍາເນີນໄປຢ່າງມີຜົນສໍາເລັດສູງ.

ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ -    AD conten website - ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ
ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ - lattana banner 1 - ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ
ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ - lattana banner - ການຊ້ອມຮົບຮ່ວມລົດຕັງລາວ-ຣັດເຊຍ(ລາໂຣດ-2021) ຄັ້ງທີ 2 ດຸເດືອດເໝືອໃນບັ້ນຮົບຕົວຈິງ
error: Alert: ເນື້ອຫາຂ່າວມີລິຂະສິດ !!