ຜົນວິໄຈພົບລູກຄ້າຫລາຍຄົນຍັງບໍ່ເຄີຍໃຊ້ຫລາຍອຸປະກອນໃນລົດ

- advert banner 728 90 728x90 - ຜົນວິໄຈພົບລູກຄ້າຫລາຍຄົນຍັງບໍ່ເຄີຍໃຊ້ຫລາຍອຸປະກອນໃນລົດ

ຄຣິສຕິນ ໂຄລອດ ຜູ້ອຳນວຍການອາວຸໂສຝ່າຍຕິດຕໍ່ຜູ້ຂັບຂ່ີ ເຈດີ ພາຍເວີ (JD Power) ເປີດເຜີຍວ່າ : ເຈດີ ພາວເວີ ໄດ້ ເຮັດການວິໄຈຫລ້າສຸດວ່າອຸປະກອນ ຫລື ອັອບຊັ່ນໄຮເທັກທີ່ຕິດມາກັບລົດໄດ້ໃຊ້ ຫລື ມີແລ້ວບໍ່ໃຊ້ ປະກົດວ່າ : ຫລາຍກ່ວາ 50% ເກືອບບໍ່ເຄີຍຖືກໃຊ້ງານໃນຍາມລູກຄ້າເອົາລົດໄປໃຊ້ໂຕຈິງໃນຊີວິດປະຈຳວັນ ໂດຍຫລາຍກ່ວາ 20% ຂອງລູກຄ້າບໍ່ເຄີຍໃຊ້ລະ ບົບທັນສະໄໝໃນລົດໃໝ່ຂອງຕົນ. ການສຳຫລວດຍັງເຈາະເລິກໄປຕື່ມວ່າລະບົບໃດແດ່ຖືກໃຊ້ງານໜ້ອຍທີ່ສຸດຈາກໂຕຜູ້ໃຊ້ງານ ພົບວ່າຜູ້ໃຊ້ກ່ວາ 43% ຄິດວ່າລະບົບຜູ້ຊ່ວຍພາຍໃນລົດຖືກໃຊ້ງານໜ້ອຍທີ່ສຸດ, ຮອງລົງມາແມ່ນລະບົບເຊື່ອມຕໍ່ຕ່າງໆ ຄິດໄລ່ເປັນ 38% ຂອງຜູ້ໃຊ້ງານທັງໝົດທີ່ຄິດວ່າພວກເຂົາບໍ່ເຄີຍໄດ້ໃຊ້ງານ ຕະຫລອດຈົນລະບົບຊ່ວຍຈອດອັດຕະໂນມັດ ຜູ້ໃຊ້ກ່ວາ 35% ກ່າວວ່າບໍ່ເຄີຍໄດ້ໃຊ້ ແລະ ທ້າຍສຸດ ໜ້າຈໍສະແດງຜົນແບບເຮດອັບ ດິສເພລ ຫລື ຈໍສະແດງຜົນຕ່າງໆເທິງແວ່ນໜ້າລົດເບື້ອງຄົນຂັບ ຄິດໄລ່ເປັນ 33% ແລະ ທ້າຍສຸດແມ່ນແອັບພລິເຄເຊິນພາຍໃນລົດ ຫລື ເຄື່ອງສຽງ ຜູ້ໃຊ້ກ່ວາ 32% ຄິດວ່າ ພວກເຂົາບໍ່ມີໂອກາດໄດ້ໃຊ້ງານມັນ.

- new3 - ຜົນວິໄຈພົບລູກຄ້າຫລາຍຄົນຍັງບໍ່ເຄີຍໃຊ້ຫລາຍອຸປະກອນໃນລົດ

ຄຣິສຕິນ ໂຄລອສ ກ່າວວ່າ :  ຫລາຍເທື່ອພົບວ່າຄົນສ່ວນຫລາຍຍັງຄົງໃຊ້ໂທລະສັບມືຖືໃນເວລາຂັບລົດຫລາຍກ່ວາຈະເຊື່ອມຕໍ່ລະບົບເຂົ້າກັບລະບົບພາຍໃນລົດ ເນື່ອງຈາກລຶ້ງເຄີຍກັບລະບົບໃນອຸປະກອນຫລາຍກ່ວາ ແລະ ສະໜອງຄວາມຕ້ອງການໃຊ້ງານໄດ້ໄວກ່ວາໃນສະມ໊າດໂຟນ. ໃນຂະນະທີ່ທາງດ້ານຜູ້ຜະລິດລົດ ແລະ ໂທລະສັບມືຖືພະຍາຍາມຫລາຍໃນການເຮັດໃຫ້ລະບົບສາມາດເຊື່ອມຕໍ່ໄດ້ງ່າຍ, ແຕ່ຊຳ້ພັດເປັນການເສຍເງິນຫລາຍລ້ານໂດລາເພື່ອພະຍາຍາມເຮັດໃຫ້ລູກຄ້າເຂົ້າມາເຊື່ອມຕໍ່.

ຕາມລາຍງານລະບຸວ່າ : ລູກຄ້າສ່ວນຫລາຍສະແດງຄວາມຄິດເຫັນວ່າລະບົບທີ່ລຳ້ສະໄໝຕ່າງໆເຫລົ່ານີ້ຈຳເປັນຕ້ອງໃຫ້ຄຳແນະນຳກັບລູກຄ້າໃນຕອນຊື້ລົດຈາກໂຊຣູມອອກລົດໃໝ່ ເຖິງວ່າລະບົບເຫລົ່ານີ້ເບິ່ງຄືວ່າຈະເກີນຄວາມຈຳເປັນໃນການໃຊ້ງານແດ່ບາງອັນ, ແຕ່ຜູ້ໃຊ້ກໍຍັງຕ້ອງການລະບົບຊ່ວຍໃຫ້ພວກເຂົາຂັບລົດໄດ້ງ່າຍຂຶ້ນ ແລະ ເພື່ອຄວາມປອດໄພໃນລະຫ່ວາງການຂັບຂີ່ ເຊັ່ນ : ລະບົບ Adaptive Cruise Control ຫລື ລະບົບເບຣກກ່ອນຕຳ Blind Spot Warning ຫລື ສັນຍານເຄື່ອນລົດດ້ານຂ້າງໃນມູມແອອັດ ເຊິ່ງໃນໄລຍະ 30 ມື້ທຳອິດເປັນໄລຍະທີ່ຍາກລຳບາກສຳລັບຜູ້ໃຊ້ ພວກເຂົາຈະພະຍາຍາມຮຽນຮູ້ເຕັກໂນໂລຊີໃໝ່ໃນລົດເອງ ລູກຄ້າຈະພະຍາຍາມຢ່າງຍິ່ງຈະໃຊ້ງານລະບົບໃຫ້ເປັນ.

- lattana 1 - ຜົນວິໄຈພົບລູກຄ້າຫລາຍຄົນຍັງບໍ່ເຄີຍໃຊ້ຫລາຍອຸປະກອນໃນລົດ

ການສຳຫລວດດັ່ງກ່າວຂອງ ເຈດີ ພາວເວີ ນີ້ໄດ້ສຳຫລວດກັບເຈົ້າຂອງລົດໃໝ່ກ່ວາ 3.200 ຄົນ ທີ່ເປັນເຈົ້າຂອງລົດໃໝ່ໃນໄລຍະເວລາບໍ່ເຖິງ 90 ມື້ ເຊິ່ງເປັນຜົນການສຳຫລວດຈາກບໍ່ເທົ່າໃດປີທີ່ຜ່ານມາ.

error: Content is protected !!