ຢາກມີສຸຂະພາບແຂງແຮງຕ້ອງລ້າງພິດໃຫ້ຕັບ

- advert banner 728 90 728x90 - ຢາກມີສຸຂະພາບແຂງແຮງຕ້ອງລ້າງພິດໃຫ້ຕັບ

– ຍ້ອນຫຍັງຈຶ່ງຕ້ອງລ້າງພິດ :

- new3 - ຢາກມີສຸຂະພາບແຂງແຮງຕ້ອງລ້າງພິດໃຫ້ຕັບ

ໜ້າທີ່ຕົ້ນຕໍຂອງຕັບແມ່ນຜະລິດນຳ້ບີໃຫ້ຖົງນຳ້ບີ, ຊ່ວຍກັ່ນຕອງເລືອດ, ສົ່ງເລືອດດີເຂົ້າສູ່ຮ່າງກາຍ ແລະ ສົ່ງເລືອດໄປຫາ ໝາກໄຂ່ຫລັງ, ລ້າງສານພິດ ແລະ ຕັບຍັງຊ່ວຍຍ່ອຍອາຫານ, ເບິ່ງແຍງເສັ້ນຜົມ, ຂົນ, ເລັບ. ຖ້າຕັບເຮັດວຽກໜັກ ໝາກໄຂ່ຫລັງກໍຈະຊ່ວຍເຮັດວຽກ ເມື່ອເຮັດວຽກໜັກເກີນໄປ ທັງຕັບ ແລະ ໝາກໄຂ່ຫລັງກໍຈະເສື່ອມ.

– ການລ້າງພິດຕັບເໝາະສົມກັບໃຜແດ່ ?

ເໝາະສົມກັບຄົນທີ່ມີພຶດຕິກຳການໃຊ້ຊີວິດທີ່ມີຄວາມສ່ຽງ ເປັນຕົ້ນແມ່ນສູບຢາ, ດື່ມເຫລົ້າ ຫລື ເຄື່ອງດື່ມອານກໍຮໍເປັນປະຈຳແລະ  ຜູ້ທີ່ກິນອາຫານບໍ່ຖືກຫລັກອະນາໄມ ເຊັ່ນ : ອາຫານລົດຊາດເຜັດ, ປີ້ງ, ຈີ່ ຫລື ຜູ້ທີ່ມີຄວາມເຄັ່ງຄຽດ, ພັກຜ່ອນນອນຫລັບບໍ່ພຽງພໍ ລ້ວນແຕ່ເປັນສາເຫດໃຫ້ຕັບເຮັດວຽກໜັກ ແລ້ວນຳໄປສູ່ການເກີດພະຍາດ ແລະ ອາການຕ່າງໆ ເຊັ່ນ : ຕັບອັກເສບ, ຕັບແຂງ, ຝີໃນຕັບ, ພະຍາດເບົາຫວານ.

– ຖ້າຕັບຂອງເຮົາໄລ່ສານພິດໄດ້ບໍ່ສົມບູນຈະມີອາການຕໍ່ໄປນີ້ :

- lattana 1 - ຢາກມີສຸຂະພາບແຂງແຮງຕ້ອງລ້າງພິດໃຫ້ຕັບ

ອາການທີ່ພົບຫລາຍແມ່ນມັກຜິດຖຽງ, ເວົ້າຄຳຫຍາບ, ມັກຄວາມຮຸນແຮງ, ຕ້ອງການເລື່ອງຕື່ນເຕັ້ນ, ຢາກແກ້ແຄ້ນ, ບໍ່ອົດທົນ, ໃຈຮ້າຍງ່າຍ, ຍິ້ມຍາກ, ສຽງດັງ, ເບື່ອໜ່າຍ, ບໍ່ກ້າຕັດສິນໃຈ. ສ່ວນອາການທາງກາຍ ບໍລິເວນຜົ້ງທ້ອງໃຄ່, ເມື່ອຍງ່າຍ, ກິນຫລາຍ, ວິນຫົວປວດຮາກ, ແໜ້ນໜ້າເອິກ, ກ້າມຊີ້ນບໍ່ຫົດຢືດ, ຍ່າງໂຕແຂງ,  ມີໄຂມັນໃນຕັບ, ຊົງໂຕບໍ່ຄ່ອຍຢູ່,  ປວດແອວ, ປວດຫລັງ, ແໜ້ນໜ້າເອິກ, ຍ່ຽວຢອດບໍ່ຮູ້ໂຕ, ເຈັບທ້ອງນ້ອຍ, ເສື່ອມສະມັດຕະພາບທາງເພດ, ມົດລູກເລີ່ມໃຫຍ່, ເຈັບເບັງສົ້ນນ່ອງ, ຜູ້ຊາຍກໍເປັນຕ່ອມລູກໝາກໃຫຍ່.

– ປະໂຫຍດຈາກການລ້າງພິດຕັບ :

ຊ່ວຍປ້ອງກັນ ແລະ ຕໍ່ສູ້ກັບພະຍາດມະເຮັງ, ຊ່ວຍໃນການຟື້ນຟູ ແລະ ຄືນຄວາມສົດຊື່ນໃຫ້ກັບແຊນທົ່ວຮ່າງກາຍ, ຊ່ວຍຫລຸດ ການສະສົມຂອງໄຂມັນທີ່ຫຸ້ມຕັບ ແລະ ຫລຸດການຈັບໂຕຂອງໄຂມັນຢູ່ບໍລິເວນຜິວໜັງຫລອດເລືອດ, ຊ່ວຍເຮັດຄວາມສະອາດ ແລະ ກຳຈັດສິ່ງເປິເປື້ອນ, ສິ່ງເສດເຫລືອ, ກາກອາຫານ ລວມທັງສານພິດທີ່ຕົກຄ້າງຢູ່ໃນລຳໄສ້, ຊ່ວຍເຮັດຄວາມສະອາດລຳໄສ້, ອາຈົມ, ແບັກທີເຣຍ ແລະ ສານພິດຕ່າງໆຈະຖືກຊະລ້າງ.

– ວິທີລ້າງສານພິດໃນຕັບ :

  1. ກິນເຫັດ 3 ​ຊະນິດຂຶ້ນໄປ (ປຸງແຕ່ງເປັນອາຫານ) ເຫັດຊະນິດໃດກໍໄດ້ ເຊັ່ນ : ເຫັດເຟືອງ, ເຫັດເຂັມ, ເຫັດປວກ, ເຫັດຫູໜູ, ເຫັດເຜາະ (ຫ້າມຂົ້ວໃສ່ນຳ້ມັນ).
  2. ກິນຂີ້ໝິ້ນກ່ອນເຂົ້ານອນ.
  3. ໃນເວລາ 01:00 ໂມງ ຫາ 03:00 ໂມງເຊົ້າ ຕ້ອງນອນຫລັບຢ່າງດຽວ.
  4. ຫລີກເວັ້ນການເອົາສານເຄມີ, ສານພິດຮູບແບບຕ່າງໆເຂົ້າສູ່ຮ່າງກາຍ.
  5. ບໍ່ກິນແປ້ງນົວ.
error: Content is protected !!