ອິນເດຍມີໂຄງການຈະສ້າງລົດໄຟພະລັງງານແສງຕາ​ເວັນ

- advert banner 728 90 728x90 - ອິນເດຍມີໂຄງການຈະສ້າງລົດໄຟພະລັງງານແສງຕາ​ເວັນ

ໃນຂະນະທີ່ຕົ້ນທຶນຂອງເຕັກໂນໂລຊີໂຊລາເຊລ ຖືວ່າຈະລາຄາຖືກລົງເລື້ອຍໆ ເຮັດໃຫ້ອົງກອນທຸລະກິດຫຼາຍແຫ່ງເລີ່ມຫັນມາສົນໃຈພະລັງງານສະອາດ ເພື່ອຫຼຸດຕົ້ນທຶນຂອງທຸລະກິດ. ເຊັ່ນດຽວກັບການລົດໄຟແຫ່ງປະເທດອິນເດຍ ​ເຊິ່ງເປັນເຄືອຂ່າຍການເດີນທາງໂດຍລົດໄຟໃຫຍ່ທີ່ສຸດໃນອາຊີ ໄດ້ເປີດໂຕໂຄງການສາຍລົດໄຟທີ່ໃຊ້ພະລັງງານໄຟຟ້າທີ່ຜະລິດຈາກແຜງໂຊລາເຊລ ເພື່ອແກ້​ໄຂບັນຫາມົນລະພິດ ແລະ ຫຼຸດປະລິມານການໃຊ້ນໍ້າມັນ.

- new3 - ອິນເດຍມີໂຄງການຈະສ້າງລົດໄຟພະລັງງານແສງຕາ​ເວັນ

ໂດຍໜ່ວຍງານທີ່ເບິ່ງແຍງກິດຈະການລົດໄຟຂອງອິນເດຍ ໄດ້ເປີດໂຕລົດໄຟແບບໃຫມ່ສູ່ສາຍຕາສາທາລະນະຊົນ ໂດຍໃຊ້ເຕັກໂນໂລຊີທີ່ເອີ້ນວ່າ Diesel Electric Multiple Unit (DEMU) ໂດຍຫົວລົດຈັກທີ່ເຮັດໜ້າທີ່ລາກຂະບວນລົດໄຟ ຍັງຄົງໃຊ້ເຄື່ອງຈັກກາ​ຊວນຄືເກົ່າ, ແຕ່ຄວາມແຕກຕ່າງຄື ມີການຕິດຕັ້ງແຜງໂຊລາເຊລເຂົ້າໄປເທິງຫຼັງຄາລົດໄຟ ແລະ ແຜງໂຊລາ​ເຊລຈະເຮັດໜ້າທີ່ຜະລິດໄຟຟ້າ ເພື່ອຫຼໍ່ລ້ຽງລະບົບໄຟສະຫວ່າງ, ພັດລົມ ແລະ ແຜງປ້າຍສະແດງຂໍ້ຄວາມທີ່ຕິດຕັ້ງຢູ່ໃນຂະບວນລົດ ແລະ ແຜງໂຊລາເຊລຈະເຂົ້າມາແທນເຄື່ອງກໍາເນີດໄຟຟ້າແບບເກົ່າ ທີ່ສ້າງໄຟຟ້າຈາກເຄື່ອງຈັກ​ກາ​ຊວນ ໂດຍເຕັກໂນໂລຊີ DEMU ນີ້ ຖືກສ້າງຂຶ້ນໂດຍບໍລິສັດ Noida-based Jakson Engineers ພາຍໃຕ້ການ​ເບິ່ງ​ແຍງໂດຍ ໜ່ວຍງານພະລັງງານທາງເລືອກສໍາລັບລົດໄຟ ຂອງປະເທດອິນເດຍ (Indian Railways Organization for Alternate Fuels).

ລົດໄຟແຫ່ງອິນເດຍ ໄດ້ວາງແຜນຈະຕິດຕັ້ງເຕັກໂນໂລຊີ DEMU ເຂົ້າກັບຂະບວນລົດໄຟທັງໝົດທີ່ມີຢູ່ ໂດຍແຕ່ລະຂະບວນຈະມີການຕິດຕັ້ງ 16 ແຜງໂຊລາເຊລ ເພື່ອທົດແທນການໃຊ້ເຄື່ອງກໍາເນີດໄຟຟ້າແບເກົ່າທີ່ໃຊ້ເຊື້ອ​ໄຟ​ກາ​ຊວນ. ໂບກີ້ລົດໄຟພຽງຈໍານວນ 6 ໂບກີ້ຕິດຕັ້ງແຜງໂຊລາເຊລ ສາມາດເຮັດໃຫ້ລົດໄຟຂອງອິນເດຍ ສາມາດປະຫຍັດນໍ້າມັນກາ​ຊວນໄດ້ເຖິງ 21.000 ລິດ ເຮັດໃຫ້ຫຼຸດຄ່າໃຊ້ຈ່າຍໄດ້ເຖິງ 20.000 ​ໂດ​ລາຕໍ່ປີ ໂດຍການລົດໄຟຂອງອິນເດຍ ວາງແຜນວ່າຈະຕິດຕັ້ງເຕັກໂນໂລຊີ DEMU ເຂົ້າກັບຂະບວນການລົດໄຟ​ເຂດຊານເມືອງຂອງນິວ​ເດນ​ລີ ແລະ ເມື່ອມີການຕິດຕັ້ງເຕັມລະບົບ ເຊື່ອວ່າຈະຊ່ວຍຫຼຸດຕົ້ນທຶນໄດ້ເຖິງ 6 ພັນລ້ານ​ໂດ​ລາ ພາຍໃນ 10 ປີ.

- lattana 1 - ອິນເດຍມີໂຄງການຈະສ້າງລົດໄຟພະລັງງານແສງຕາ​ເວັນ
error: Content is protected !!