ສະພາຟີລິບປິນລົງມະຕິຢ່າງ ຫລວງຫລາຍໃຫ້ຂະຫຍາຍກົດ ໄອຍະການເສິກໄປຮອດທ້າຍປີ

- advert banner 728 90 728x90 - ສະພາຟີລິບປິນລົງມະຕິຢ່າງ ຫລວງຫລາຍໃຫ້ຂະຫຍາຍກົດ ໄອຍະການເສິກໄປຮອດທ້າຍປີ

ສສ ​ແລະ ສວ ຟີ​ລິບ​ປິນລົງມະຕິ​ດ້ວຍ​ຄະ​ແນນ​ສຽງ​ຢ່າງ​ຫລວງຫລາຍ​ໃຫ້​ຕໍ່​ອາຍຸ​ກົດ​ໄອ​ຍະ​ການ​ເສິກ​ໄປ​ຮອດ​ທ້າຍ​ປີ​ນີ້ ຕາມ​ທີ່​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຂໍ, ຂະນະ​ທີ່​ການ​ສູ້​ຮົບ​ຢູ່​ເມືອງ​ມາລາ​ວີ ທາງ​ຕອນ​ໃຕ​້ຂອງ​ປະ​ເທດ​ຍັງ​ຍືດ​ເຍື້ອມາ​ແຕ່​ເດືອນ​ພຶດສະພາ.

- new3 - ສະພາຟີລິບປິນລົງມະຕິຢ່າງ ຫລວງຫລາຍໃຫ້ຂະຫຍາຍກົດ ໄອຍະການເສິກໄປຮອດທ້າຍປີ

​ເປັນ​ເທື່ອ​ທຳ​ອິດ​ທີ່​ສະພາ​ຜູ້​ແທນ​ລາຊະ​ດອນ ​ແລະ ວຸດ​ທິສະພາ​ຟີ​ລິບ​ປິນ ປະຊຸມ​ຮ່ວມ​ກັນ​ໃນ​ມື້ພັກ, ທີ່​ປະຊຸມ​ລົງມະຕິ​ດ້ວຍ​ຄະ​ແນນ 261 ສຽງ ຈາກ​ທັງ​ໝົດ 300 ກວ່າ​ສຽງ​ເຫັນ​ພ້ອມ​ໃຫ້​ຕໍ່​ອາຍຸ​ກົດ​ໄອ​ຍະ​ການ​ເສິກ​ທີ່​ປະທານ​າທິບໍດີ ດູ​ເຕີ​ເຕ ປະກາດ​ແຕ່​ວັນ​ທີ 23 ພຶດສະພາ ​ແລະ ມີ​ອາຍຸ​ສູງ​ສຸດ 60 ວັນ​ຕາມ​ທີ່​ບັນຍັດ​ໄວ້​ໃນ​ລັດຖະທຳ​ມະນູນ. ນອກຈາກ​ນີ້ ທ່ານ​ຍັງ​ຂໍ​ໃຫ້​ຢຸດ​ການ​ໃຊ້​ມາດ​ຕະການ​ໃນ​ລັດ​ຖະທຳ​ມະນູນ​ທີ່​ຫ້າມ​ການ​ຈັບ​ໂດຍ​ບໍ່​ມີ​ໝາຍ​ຈັບ​ຕໍ່​ໄປ​ນຳ​ອີກ. ກົດ​ໄອ​ຍະ​ການ​ເສິກ​ອະນຸຍາດ​ໃຫ້​ທະຫານ​ປະກາດ​ເຄີ​ຟິວຫ້າມ​ປະຊາຊົນ​ອອກ​ນອກ​ເຄຫາ​ສະຖານ​ຍາມ​ຄໍ່າ​ຄືນ, ຕັ້ງດ່ານ​ກວດ ​ແລະ ຄວບ​ຄຸມ​ອາວຸດ​ປືນ. ປົກກະຕິ​ແລ້ວ​ປະຊາຊົນ​ສາມາດ​ຮັກສາ​ປືນ​ຈົດ​ທະບຽນ​​ໄວ້​ໃນ​ເຮືອນ​ໄດ້.

- lattana 1 - ສະພາຟີລິບປິນລົງມະຕິຢ່າງ ຫລວງຫລາຍໃຫ້ຂະຫຍາຍກົດ ໄອຍະການເສິກໄປຮອດທ້າຍປີ

ກ່ອນ​ໜ້າ​ນີ້​ມີ​ຜູ້​ປະ​ທ້ວງ​ສິບ​ກວ່າ​ຄົນ​ຮ້ອງ​ຕໍ່ຕ້ານ​ຢູ່​ບໍ​ລິ​ເວນ​ທາງ​ໜ້າ ຂັດ​ຈັງຫວະ​ກອງ​ປະຊຸມ ຈຶ່ງ​ຖືກ​ນຳ​ຕົວ​ອອກ​ໄປ, ຂະນະ​ທີ່​ຝ່າຍ​ຄ້ານ​ບາງ​ທ່ານ​ກ່າວ​ຫາ​ວ່າ: ທ່ານ ດູ​ເຕີ​ເຕ ມີ​ແຜນ​ຈະ​ນຳ​ປະ​ເທດ​ກັບ​ໄປ​ສູ່​ຍຸກ​ຜະ​ເດັດ​ການ​ທີ່​ມີ​ກອງທັບ​ສະໜັບສະໜູນ​ອີກ​ເທື່ອ​ໜຶ່ງ ​ເພາະ​ທັນທີ​ທີ່​ທ່ານ​ຮູ້ສຶກ​ວ່າຝ່າຍ​ຄ້ານ​ບໍ່​ມີ​ກຳລັງ​ພຽງພໍ​ຈະ​ຕໍ່ຕ້ານ, ທ່ານ​ຈະ​ເດີນ​ໜ້າ​ຕໍ່ ​ໂດຍ​ອາດ​ຈະ​ປະກາດ​ຕັ້ງລັດຖະບານ​ປະຕິວັດ ​ເພື່ອ​ໃຫ້​ຕົວ​ເອງ​ຢູ່​ໃນ​ຕຳ​ແໜ່​ງຕໍ່​ໄປ​ຫລັງ​ໝົດ​ວາ​ລະ 6 ປີ ​ໃນ​ກາງ​ປີ 2022. ​ເຖິງ​ຢ່າງ​ໃດ​ກໍ​ດີ, ທ່ານ ດູ​ເຕີ​ເຕ ອາຍຸ 72 ປີ ​ເຄີຍ​ຢືນຢັນ​ວ່າ​ບໍ່​ຄິດ​ຈະ​ຢູ່​ໃນ​ຕຳ​ແໜ່​ງຕໍ່ຫລັງ​ຄົບ​ວາລະ 1 ສະ​ໄໝ​ຕາມ​ກົດໝາຍ​ກຳນົດ.

error: Content is protected !!