ລາວ-ຈີນເພີ່ມທະວີການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງ

- Untitled design - ລາວ-ຈີນເພີ່ມທະວີການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງ

- Laos China 300x147 - ລາວ-ຈີນເພີ່ມທະວີການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງ  ພິທີລົງນາມບົດບັນທຶກຄວາມເຂົ້າໃຈກ່ຽວກັບການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງລະຫວ່າງທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ແລະ ທ່ານ ເຜິງ ໂຢຕົ່ງ ຮອງຫົວໜ້າອົງການປ່າໄມ້ແຫ່ງຊາດຈີນ, ໄດ້ມີຂຶ້ນໃນວັນທີ 22 ມີນານີ້ຢູ່ນະຄອນຫລວງວຽງຈັນ, ໂດຍມີທ່ານລັດຖະມົນຕີກະຊວງກະສິກໍາ-ປ່າໄມ້ ລຽນ ທິແກ້ວ ເຂົ້າຮ່ວມເປັນສັກຂີພະຍານນໍາດ້ວຍ.

ບົດບັນທຶກດັ່ງກ່າວ, ຈະເປັນພື້ນຖານສໍາຄັນຂອງການພັດທະນາ ແລະ ຊຸກຍູ້ການຮ່ວມມືດ້ານປ່າໄມ້ເພື່ອສ້າງຜົນປະໂຫຍດໃຫ້ແກ່ສອງປະເທດ ລວມທັງສະກັດກັ້ນບັນຫາບໍ່ດີຕ່າງໆທີ່ເປັນການທໍາລາຍປ່າໄມ້ໃນຕໍ່ໜ້າ.

ທ່ານ ທອງພັດ ວົງມະນີ ໃຫ້ຮູ້ວ່າ: ບົດບັນທຶກການຮ່ວມມືນີ້, ໄດ້ເນັ້ນໃສ່ການຈັດຕັ້ງປະຕິບັດວຽກງານການຄຸ້ມຄອງປ່າໄມ້ຢູ່ບັນດາແຂວງພາກເໜືອຂອງລາວ ເປັນຕົ້ນ: ຫລວງນ້ຳທາ, ອຸດົມໄຊ, ບໍ່ແກ້ວ ແລະ ແຂວງຜົ້ງສາລີ, ໂດຍຈະສຸມໃສ່ການປົກປັກຮັກສາປ່າໄມ້ໃຫ້ຍືນຍົງດ້ວຍການຟື້ນຟູປ່າ, ການປູກປ່າ, ຄຸ້ມຄອງ ແລະ ສະກັດກັ້ນໄຟໄໝ້ລາມປ່າ, ສະກັດກັ້ນການຄ້າຂາຍໄມ້ ແລະ ສັດປ່າທີ່ຜິດກົດໝາຍຕາມຊາຍແດນສອງປະເທດ, ຮ່ວມມືດ້ານປ່າໄມ້ຂອງປະຊາຊົນຢູ່ຊົນນະບົດ, ແກ້ໄຂຄວາມທຸກຍາກໂດຍການມີສ່ວນຮ່ວມຂອງປະຊາຊົນ ແລະ ຈະຮ່ວມມືຄົ້ນຄວ້າວິທະຍາສາດປ່າໄມ້, ການຈັດຕັ້ງປະຕິບັດກົດໝາຍ ເພື່ອສະກັດກັ້ນການລັກລອບຄ້າຂາຍໄມ້, ເຄື່ອງປ່າຂອງດົງ, ສັດນ້ຳ, ສັດປ່າ ແລະ ພ້ອມກັນສ້າງກົນໄກກວດກາການລັກລອບຄ້າຂາຍສິ່ງຜິດກົດໝາຍຕາມຊາຍແດນ ແລະ ຈະພ້ອມກັນປະຕິບັດສົນທິສັນຍາສາກົນກ່ຽວກັບການຄ້າຂາຍພືດ ແລະ ສັດປ່າທີ່ໃກ້ຈະສູນພັນ ແລະ ສົ່ງເສີມການລົງທຶນໃນອຸດສາຫະກຳປຸງແຕ່ງໄມ້ຢູ່ລາວ,ເຊິ່ງຝ່າຍລາວສະເໜີໃຫ້ຈີນລະດົມນັກລົງທຶນຂອງຕົນມາລົງທຶນປຸງແຕ່ງຜະລິດຕະພັນໄມ້ສຳເລັດຮູບຢູ່ລາວເພື່ອສົ່ງອອກໄປ ສປຈີນ ຕາມຄຳສັ່ງຂອງນາຍົກລັດຖະມົນຕີແຫ່ງ ສປປ ລາວ ທີ່ຫ້າມສົ່ງອອກໄມ້ທີ່ບໍ່ໄດ້ປຸງແຕ່ງເພື່ອເພີ່ມມູນຄ່າ ແລະ ສ້າງລາຍຮັບມາໃຫ້ປະເທດຊາດຫລາຍຂຶ້ນ.

- Wave100S AD to Website 2020 0 - ລາວ-ຈີນເພີ່ມທະວີການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງ
- WhatsApp Image 2020 05 27 at 5 - ລາວ-ຈີນເພີ່ມທະວີການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງ
- WhatsApp Image 2020 05 27 at 5 - ລາວ-ຈີນເພີ່ມທະວີການຮ່ວມມືວຽກງານຄຸ້ມຄອງປ່າໄມ້ໃຫ້ຍືນຍົງ
error: Alert: ເນື້ອຫາຂ່າວມີລິຂະສິດ !!