ສະຫະລັດອາເມລິກາ ຖອນກຳລັງທະຫານຊຸດສຸດທ້າຍອອກຈາກອັຟການິສຖານແລ້ວ ກ່ອນເສັ້ນຕາຍ ວັນທີ 31 ສິງຫາ 2021
ທະຫານຊຸດສຸດທ້າຍຖອນກຳລັງອອກຈາກອັຟການິສະຖານແລ້ວກ່ອນເສັ້ນຕາຍ ວັນທີ 31 ສິງຫາ 2021 ໂດຍມີພົນຕີ ຄຣິສໂຕເຟີ ໂດນາຮີວ ຜູ້ບັນຊາການກອງບັນຊາການກອງພົນສົ່ງທາງອາກາດທີ່ 82 ກອງບບິນທະຫານທີ 18 ເປັນນາຍທະຫານອາເມລິກາຄົນສຸດທ້າຍທີ່ຍ່າງຂຶ້ນເຄື່ອງບິນຊີ-17 ບິນອອກຈາກສະ ໜາມບິນນານາຊາດຮາມິດ ຄາໄຊ ນະຄອນຫລວງ ຄາບູລ ຂອງອັຟການິສະຖານ ມື້ວານນີ້ 30 ສິງຫາ, ນັບເປັນການປິດສາກການປະຕິບັດພາລະກິດສຸດທ້າຍຂອງກອງທັບສະຫະລັດອາເມລິກາໃນການອົບພະຍົບພົນລະເມືອງອາເມລິກາ ແລະ ປະຊາກອນອັຟການິສະຖານທີ່ໄດ້ວີຊ່າພິເສດ ແລະ ຜູ້ອົບພະຍົບອື່ນໆ ອອກຈາກອັຟການິສະຖານ.
ຫຼັງການຖອນກໍາລັງດໍາເນີນການສິ້ນສຸດພາຍໃນນະຄອນຫລວງຄາບູລພົບການຍິງປືນ ແລະ ຈຸດພຸ່ງສະຫວ່າງສະໄຫວຢູ່ທາງເໜືອທ້ອງຟ້າ ໂດຍສຳນັກຂ່າວອັນຈາຊີລາລາຍງານວ່າ ໂຄສົກກຸ່ມຕາລີບັນໄດ້ລະບຸວ່າ “ທະຫານອາເມລິກາຊຸດສຸດທ້າຍໄດ້ອອກຈາກສະໜາມບິນ ກາບູລ ແລ້ວ ປະເທດຂອງພວກເຮົາໄດ້ຮັບພາບໂດຍສົມບູນແລ້ວ “.
ທ່ານ ແອນໂທນີ ບລິງເຄນ ລັດຖະມົນຕີກະຊວງການຕ່າງປະເທດສະຫະລັດອາເມລິກາໄດ້ຖະແຫລງຢູ່ທີ່ທຳນຽມຂາວ ວ່າທະຫານອາເມລິກາໄດ້ຖອນອອກຈາກອັຟການິສຖານເປັນທີ່ຮຽບຮ້ອຍແລ້ວ ແຕ່ຢ້ຳວ່າລັດຖະບານສະຫະລັດຍັງຈະສືບຕໍ່ໃຫ້ການຊ່ວຍເຫຼືອປະຊາກອນອາມາລິກາ, ປະຊາກອນອັຟການິສຖານແລະ ປະຊາກອນຊາດອື່ນໆ ທີ່ຕ້ອງການການເດີນທາງອອກຈາກອັຟການິສຖານ ແລະ ການມີສ່ວນຮ່ວມໃດໆກັບລັດຖະບານຊຸດໃໝ່ຂອງອັຟການິສຖານ ທີ່ນໍາໂດຍກຸ່ມຕາລີບັນກໍຈະມີຂຶ້ນເພື່ອວັດຖຸປະສົງດຽວຄືຜົນປະໂຫຍດຂອງປະເທດຊາດສະຫະລັດ.
