ກະຊວງປ້ອງກັນປະເທດສະເຫລີມສະຫລອງ 2 ວັນປະຫວັດສາດ

- 6666 1 - ກະຊວງປ້ອງກັນປະເທດສະເຫລີມສະຫລອງ 2 ວັນປະຫວັດສາດ
- Untitled design - ກະຊວງປ້ອງກັນປະເທດສະເຫລີມສະຫລອງ 2 ວັນປະຫວັດສາດ

ພິທີສະເຫລີມສະຫລອງ 2 ວັນປະຫວັດສາດຂອງສອງຊາດ ລາວ-ຫວຽດນາມ ຄືວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ (18 ກໍລະກົດ 1977 – 18 ກໍລະກົດ 2017) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ (5 ກັນຍາ 1962 – 5 ກັນຍາ 2017) ໄດ້ຈັດຂຶ້ນໃນວັນທີ 20 ກໍລະກົດນີ້ ທີ່ກະຊວງປ້ອງກັນປະເທດ, ເຂົ້າຮ່ວມໂດຍ ພົທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ມີທ່ານ ເຈິນ ວັນ ຕຸ້ຍ ຄະນະປະຈຳສະພາແຫ່ງຊາດ ສສ ຫວຽດນາມ ແລະ ທ່ານເອກອັກຄະລັດສະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສປປ ລາວ ພ້ອມດ້ວຍຄະນະພັກ-ຄະນະນຳ ກະຊວງປ້ອງກັນປະເທດ ແລະ ແຂກຮັບເຊີນເຂົ້າຮ່ວມ.

ພົທ ຈັນສະໝອນ ຈັນຍາລາດ ກ່າວວ່າ: ໃນບັນຍາກາດອັນເບີກບານມ່ວນຊື່ນ ແລະ ມີຄວາມໝາຍຄວາມສຳຄັນທາງປະຫວັດສາດນີ້, ບັນດາພະນັກງານ-ລັດຖະກອນ ແລະ ພາກສ່ວນທີ່ກ່ຽວຂ້ອງອື່ນໆ ເວົ້າລວມ, ເວົ້າສະເພາະແມ່ນກະຊວງປ້ອງກັນປະເທດ ລາວ-ຫວຽດນາມ ໄດ້ພ້ອມກັນສະເຫລີມສະຫລອງສອງວັນປະຫວັດສາດທີ່ສຳຄັນລະຫວ່າງສອງຊາດ ລາວ-ຫວຽດນາມ ທີ່ມີມາແຕ່ດົນນານ ກໍຄືວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີຜ່ານມາ, ທີ່ໄດ້ຮ່ວມມືກັນຕໍ່ສູ້ເພື່ອຄວາມເປັນອິດສະຫລະພາບແຫ່ງຊາດ, ເອກະລາດ ພ້ອມທັງສາມາດທ້ອນໂຮມປະເທດຊາດເປັນໜຶ່ງດຽວ ແລະ ສາມາດປົດປ່ອຍປະເທດຊາດລາວໄດ້ຢ່າງສົມບູນໃນວັນທີ 7 ທັນວາ 1975.

ສົນທິສັນຍາມິດຕະພາບ ແລະ ການຮ່ວມມືສາຍພົວພັນການທູດ ລາວ-ຫວຽດນາມ ອັນຍາວນານດັ່ງກ່າວ ໄດ້ເຮັດໃຫ້ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໄດ້ຈົດຈຳ ແລະ ຮູ້ບຸນຄຸນຢ່າງສຸດຊຶ້ງຕໍ່ທ່ານປະທານ ໂຮ່ຈີມິງ ຜູ້ຍິ່ງໃຫຍ່ ແລະ ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ແສນເຄົາລົບຮັກ ເປັນຜູ້ທີ່ໃຫ້ກຳເນີດມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມສຳພັນສູ້ຮົບຢ່າງພິລະອາດຫານ, ທີ່ໄດ້ເສຍສະຫລະຊີວິດ ເພື່ອພາລະກິດປະຕິວັດການຕໍ່ສູ້ ແລະ ກອບກູ້ເອົາຜືນແຜ່ນດິນອັນຄົບຖ້ວນມາສູ່ປະຊາຊົນສອງຊາດ ລາວ-ຫວຽດນາມ ໄດ້ຢ່າງສົມບູນ ແລະ ເປັນຂີດໝາຍປະຫວັດສາດທີ່ສຳຄັນທີ່ສອງຊາດ ລາວ-ຫວຽດນາມ ໄດ້ເພີ່ມຄວາມສາມັກຄີຊ່ວຍເຫລືອເຊິ່ງກັນ ແລະ ກັນທຸກໆດ້ານລະຫວ່າງ ລາວ-ຫວຽດນາມ, ໄດ້ກາຍເປັນກົດເກນແຫ່ງຄວາມຄົງຕົວ ແລະ ການເຕີບໃຫຍ່ຂະຫຍາຍຕົວທາງດ້ານການພົວພັນຮ່ວມມືມິດຕະພາບ ແລະ ດ້ານອື່ນໆ ພ້ອມທັງຜ່ານຜ່າຄວາມຫຍຸ້ງຍາກນາໆປະການກ້າວຂຶ້ນສູ່ຄວາມຈະເລີນຮຸ່ງເຮືອງເຖິງປັດຈຸບັນ.

ສະນັ້ນ ຈຶ່ງສາມາດເວົ້າໄດ້ວ່າ: 55 ປີ ແຫ່ງການສ້າງສາຍພົວພັນການທູດ ລາວ-ຫວຽດນາມ ແລະ 40 ປີ ແຫ່ງການເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງສອງຊາດ ລາວ-ຫວຽດນາມ ແມ່ນໄລຍະເວລາແຫ່ງການທົດສອບຄວາມໝັ້ນຄົງໜຽວແໜ້ນຂອງສາຍພົວພັນ ລາວ-ຫວຽດນາມ, ເຖິງວ່າສະພາບແວດລ້ອມຂ້ອງໂລກ ກໍຄືສາກົນໄດ້ຜັນແປໄປຢ່າງສັບສົນ, ທີ່ມີທັງກາລະໂອກາດ ແລະ ສິ່ງທ້າທາຍນາໆປະການກໍຕາມ, ແຕ່ພັກ-ລັດ, ກອງທັບ ແລະ ປະຊາຊົນສອງຊາດ ລາວ-ຫວຽດນາມ ໄດ້ເພີ່ມທະວີສ້າງໃຫ້ສາຍພົວພັນຮ່ວມມືຂອງສອງຊາດຍິ່ງເພີ່ມພູນຄູນສ້າງໃຫ້ອຸດົມສົມບູນ, ໄດ້ຮັບການປັບປຸງຍົກລະດັບທັງດ້ານປະລິມານ ແລະ ຄຸນນະພາບສູງຂຶ້ນເລື້ອຍໆ.

- Wave100S AD to Website 2020 0 - ກະຊວງປ້ອງກັນປະເທດສະເຫລີມສະຫລອງ 2 ວັນປະຫວັດສາດ
- WhatsApp Image 2020 05 27 at 5 - ກະຊວງປ້ອງກັນປະເທດສະເຫລີມສະຫລອງ 2 ວັນປະຫວັດສາດ
- WhatsApp Image 2020 05 27 at 5 - ກະຊວງປ້ອງກັນປະເທດສະເຫລີມສະຫລອງ 2 ວັນປະຫວັດສາດ
error: Alert: ເນື້ອຫາຂ່າວມີລິຂະສິດ !!