ສານປະຊາຊົນແຂວງຊຽງຂວາງຕັດສີນປະຫານຊີວິດຜູ້ຄ້າຢາເສບຕິດ 4 ຄົນ

- advert banner 728 90 728x90 - ສານປະຊາຊົນແຂວງຊຽງຂວາງຕັດສີນປະຫານຊີວິດຜູ້ຄ້າຢາເສບຕິດ 4 ຄົນ

ເມື່ອທ້າຍອາທິດຜ່ານມານີ້, ສານປະຊາຊົນແຂວງຊຽງຂວາງໄດ້ຕັດສີນລົງໂທດປະຫານຊີວິດຜູ້ຄ້າຂາຍຢາເສບຕິດ 4 ຄົນຄື: ທ້າວ ຈັນເພັງທໍ່ ອາຍຸ 37 ປີຢູ່ບ້ານດອນທາດ ແລະ ທ້າວ ຂວັນປະຊາ ອາຍຸ 35 ປີຢູ່ບ້ານ ແລະ ເມືອງຕົ້ນເຜິ້ງແຂວງບໍ່ແກ້ວ, ທ້າວ ໄມຄຳອຸ່ນ ອາຍຸ 36 ປີຢູ່ບ້ານໜອງຄຳ ແລະ ທ້າວ ນິໄສ ອາຍຸ 45 ປີຢູ່ບ້ານຫ້ວຍຊາຍເໜືອເມືອງຫ້ວຍຊາຍແຂວງບໍ່ແກ້ວ, ໃນຂໍ້ຫາຮ່ວມກັນຄ້າຂາຍຢາເສບຕິດ. ໂດຍພວກກ່ຽວຖືກເຈົ້າໜ້າທີ່ ປກສ ແຂວງຊຽງຂວາງຈັບຕົບໄດ້ເມື່ອເດືອນກັນຍາ 2015 ພ້ອມຂອງກາງຢາບ້າ 54 ພັນເມັດ ແລະ ເຮໂຣອິນ 4 ແທ່ງ.

ຄະດີຢາເສບຕິດດັ່ງກ່າວມີຢູ່ວ່າ: ພວກກ່ຽວທັງ 4 ຄົນໄດ້ຮ່ວມກັນເຄື່ອນໄຫວຄ້າຂາຍຢາເສບຕິດມາດົນແລ້ວ ແລະ ກ່ອນຈະຖືກເຈົ້າໜ້າຈັບໄດ້ນັ້ນ, ໃນວັນທີ 28 ກັນຍາ 2015 ທ້າວ ຈັນເພັງທໍ່ ໄດ້ເອົາຢາບ້າຈໍານວນ 54 ພັນເມັດ ແລະ ເຮໂຣອິນ 4 ແທ່ງໄປສົ່ງໃຫ້ລູກຄ້າສັ່ງຊື້ຢູ່ແຂວງຊຽງຂວາງ ໂດຍນຳໃຊ້ລົດກະບະວີໂກ້ໝາຍເລກທະບຽນ ອຍ 6789 ກຳແພງນະຄອນເປັນພາຫະນະ ແລະ ນັດຊື້-ຂາຍທີ່ເຮືອນພັກແຫ່ງໜຶ່ງຢູ່ເຂດບ້ານນ້ຳຫງຳເມືອງແປກແຂວງຊຽງຂວາງ ແລະ ພໍໄປຮອດແຂວງຊຽງຂວາງກໍຖືກເຈົ້າໜ້າທີ່ຈັບຕົວໄດ້ທັງໝົດພ້ອມຂອງກາງດັ່ງກ່າວ ແລະ ຖືກສານຕັດສີນລົງໂທດຕາມລະບຽບກົດໝາຍ. ສ່ວນຢາເສບຕິດທັງໝົດສານໄດ້ຕັດສີນໃຫ້ນຳໄປທຳລາຍຖິ້ມ, ພ້ອມຮິບພາຫະນະທີ່ນໍາໃຊ້ເຄື່ອນໄຫວກະທໍາຜິດເປັນຂອງລັດຄື: ລົດຟໍຈູນເຈີຂອງທ້າວ ນິໄສ ແລະ ລົດກະບະວີໂກ້ 2 ຄັນຂອງທ້າວ ຈັນເພັງທໍ່ ແລະ ທ້າວ ໄມຄຳອຸ່ນ, ພ້ອມເງິນຈຳນວນ 167.060 ບາດ (ສະກຸນເງິນໄທ), 4 ພັນໂດລາສະຫະລັດ ແລະ ໂທລະສັບ 4 ໜ່ວຍ.

- Tiger Head 728x90 - ສານປະຊາຊົນແຂວງຊຽງຂວາງຕັດສີນປະຫານຊີວິດຜູ້ຄ້າຢາເສບຕິດ 4 ຄົນ
- 1 1 - ສານປະຊາຊົນແຂວງຊຽງຂວາງຕັດສີນປະຫານຊີວິດຜູ້ຄ້າຢາເສບຕິດ 4 ຄົນ
error: Content is protected !!